Blader door transcripties » Stadsarchief Mechelen

archieftoegang 2, inventarisnummer 949, pagina 19

dries Myleman
Mol, Eyke. Andries Myleman, heeft verreyct, Een
huys metten gronde etcetera dat Joes Myleman toe plach te
hoerene, gelegen opte Ledicheyt vast aen Sinte Peters
kerchof tusschen tselve kerchoff aen deen zyde ende
des voerscreven Andries erve aen dander zyde
Ex censu
XV may tempore simile
Cornelis van
Breen
Mol, Eyke. Cornelis van Breen, heeft verreyct Twee huysen oft
cameren met eenen weghe tusschen deselve twee huysen liggende
ende oic met eenen bogaerde gronde etcetera gelegen in Sinte Kathelinen
prochie inde Plancstrate opten hoeck vander Stockaden, tusschen
de selve stuckadde, aen deen zyde ende Peter Gheylens erve, aen
dander zyde streckende achterweerts metten voerscreven bogaerde totten
Vestbergen van Mechelen drie
Ex censu
ut supra
Lysbet van
Hoevoirt
tot behoef van Lysbetten van Coevoert Smet
Voesdonc, Ingelram. Marten Hermans, heeft verreyct derdendeel
wive
vander helft van eender hoeven metten lande gronde etcetera
houdende int geheeten thien buenderen luttel min oft meer
dat wylen Jorys van Houthem toe plach te hoerene gelegen
tot Hevere aende Byest tusschen wylen Aerts van Dyest
erve aen deen zyde ende wylen Jan Baten kynderen erve aen
dander zyde, Ende alle dander desselfs wylen Jorys erffelike
goeden metten gronde etcetera bynnen etcetera wesende ende gelegen
die de voirgenoemde wylen Jorys hadde ende namaels hebben ende
vercrigen by
Ex censu
ut supra
Henrick vanden
eynde et uxore
Robyns, Eyke. Mathys Alen die inde lyfpensie hierna bescreven
syn heffen ende dispositie hadde, heeft vercocht Henricken
vanden Eynde, tot sinen ende Barblen vander Straten syns wyfs
behoef, Twee gouden Peters goeden es, Te wetene sessendertich
grooten Vlaems gelts voir elken der selver Peters gerekent
jaerliker lyfpensien de Barble sHanen ende Margriete Gheens
tot haeren liven ende tot des langhstlevenden live van hen
beyden hadden op des voerscreven Henricx ende syns wyfs huys
metten hove gronde etcetera gelegen opte Aenslagersheergracht
tusschen wylen Mathys vanden Broeke diemen heet
Mussche erve aen deen zyde ende Jans vander Heyden
erve aen dander zyde, streckende achterweerts tot aende
Ramen, Ende op haerlieder huys metten hove gronde
gelegen inden Heembeempt tusschen wylen Aerts
Winricx erve aen deen zyde ende desselfs Henricx
vanden Eynde ende syns wyfs ander erve aen dander zyde
A Domino Mechliniensi, Waranderende etcetera.
XV Juny tempore simile
Gielis Vyd
et uxore
Gestelle, Voesdonck, Claes van Campenhout, wettich soon van wylen
Jacoppen van Campenhout heeft vercocht Rommond Huens tot
behoef van Gielis Vyd ende van Margrieten Huens sinen wive
ende desselfs Rommonds zuster, Sesse gouden Rynsguldenen, elken
van dien tot veertich groten Vlaems gelts gerekent, erffelicx
chys Te heffene altyt tot Sinte Jansmisse vutgenomen met
Jansmisse nu naest toecomende Op ende aen des voergenoemde Claes
helft van eenen huyse metten gronde etcetera dat wylen jouffrou
Marien van Campenhout des voirgenoemde Claes moeyen toe plach
te hoeren, gelegen over de Grootbrugge van inde Steenstrate
tusschen thuys de Drie Coningen geheeten toehoerende Janne
vander Beke bruedere, aen deen zyde ende Jans de Meyere des
jongen erve aen dander zyde, Ende op syn helft van eenen hove
metten gronde etcetera dien met eenen huyse daerop staende ende
oic metten gronde etcetera dat die oic de voirgenoemde jouffrou Marien
toeplach te hoeren, gelegen aldair tegen tvoirgenoemde jerste huys
over opten hoeck vander Straten geheeten de Clyppelstrate
tusschen deselve strate aen deen zyde ende der weduen ende
kynderen erve van wylen Anthoenis Boom aen dander zyde. A Domino Mechliniensi,
Waranderende. Opte weerde van negenthien scellingen groten Brabants
gelts vuten voerscreven geheelen huyse ende hove met allen haer
voerscreven toebehoerten jaerlix voir vutgaende, met alsulker
condicien dat de voirgenoemde Claes de voirgenoemde Sesse gouden Ryns
guldenen des voerscreven chys sal moegen lossen ende quiten na den
ierste sesse toecomende jaeren ende niet eer ende alsdan altyt
als hem dat gelieven sal ende elken Rynsgulden daeraf
met sesthien geliker guldenen eens ende met vollen chyse
Assignavit den XXVI denier
XI juny tempore simile