Blader door transcripties » Stadsarchief Mechelen

archieftoegang 2, inventarisnummer 949, pagina 197

Peter van
Yssche
Voesdonc, Lange. Margriete Meermans wylen Henrick Mermans
dochter met Janne van Cruybeke hueren man approberende
Ratiffierende ende van weerden houden alsulken opdracht ende
veerthienisse, als zy tanderen tyden te wetene opten achtienden
dach in decembry int jaer van tweentachtentich lestleden
vander helft vanden erffeliken goeden die haer byder doot
van Wouteren Guldenen haer moeder souden moegen
toecomen ende versterven voer schoutet ende scepen van Mechelen
tot behoeff van Peteren van Yssche nu ter tyt derselve Wouteren
haer moeder man, gedaen hadde, heeft openbairlic bekent ende
geleden dat zy vanden selven Peteren ende haer moeder synen
wive vanden voerscreven helft der voerscreven erffeliken goeden ende insgelycx
oic van allen alsulken haeffeliken anderen erffeliken ende
onberuerliken goeden hoedanich die soude moegen syn
oft bevonden worden, die haer naer deselver haer moeder doot
eenichssins souden mogen toecomen ende versterven, wel ende
betaelt es, Ende heeft daeraf ende voertaen van allen moeynissen
volcoffelic vernueght voldaen ende in gereeden penningen
die zy daeraff vanden voerscreven Peteren bekende ontfangen hebbende
quellingen sommen van penningen ende allen anderen dingen, die
zy vut saken vanden voerscreven versterffenissen oft oic anderssins
den selven Peteren voer oft naer der selve Wouters syne
wyfs doot, soude moegen doen oft heysschen in eeniger manieren
quytgesconden los vry ende ledich den selven Peteren haer voirscreven
moeder ende allen anderen dies quitancie behoevende geheelic ende
al gelovende voertaen de voergenoemde Jan van Cruybeke ende
opdracht ende verthienise ende oic dese quitancie altyt tot
Magriete syn wyf voir hen haer hoir ende nacomelingen de voerscreven
eeuwigen dagen goet vast ende gestentich ende van weerden
houdene ende daer tegens nemmermeer te seggen oft te doene van
eenige gerechten, geestelic oft weerlic, by hen selven oft iemande
ander heymelic oft openbair, alle argelist daer inne vutgescheyden
Om welke geloften alsoe volcomelic tonderhoudene ende om
der meerder zekerheit den voerscreven Peteren dairaf te doen
Soe hebben de voerscreven Jan van Cruybeke ende Magriete syn wyf
daervoer verbonden ende tonderpande geset alle haer erffelike goeden
metten gronde etcetera die zy nutertyt hebben ende hier namaels oic
hebben ende vercrigen zelen bynnen der stad ende vryheit van
Mechelen gelegen. A Domino Mechliniensi, Waranderende etcetera.
V august
Henrick Huyghs
Lange, Borch. Andries Huyghs wylen Augustyn Huyghs soon ende
Katheline Huyghs zyn zuster met Henricken vander Hulst haeren man
hebben vercocht Henricken Huyghs haeren brueder haer twee achtstedeel
ende alle trecht die sy hadden in een huys metten hove gronde
geheeten Cloecken gelegen in Sinte Kathelinen strate, over de
Honsbrugge tusschen een huys geheeten den Ingel dat
toebehoert Laureys van Houwe aen deen zyde ende Joes de Hane
aen dander zyde. Item in een huys metten hove gronde etcetera gelegen
inde Nonnestrate tusschen Jan Byermans erve aen deen zyde
ende der weduen ende kynderen erve van wylen Jan van Eeckele
aen dander zyde ende in eenen hof metten gronde etcetera gelegen inde
Corte Nonnestrate, tusschen der capittelen van Sinte Rommonds
erve aen deen zyde ende Jans de Doeve erve aen dander zyde
A Domino Mechliniensi, Waranderende. Opten chys ende commer vuten tween achtstedeele
vanden voerscreven erffeliken goeden jairlix gaende
VIII augusti tempore simile
Andries Huyghs
Katlyne Huygs
Lange, Borch. De voergenoemde Henrick Huyghs heeft bewesen den
voirgenoemde Andries Huyghs synen brueder eenen gouden Ryns
gulden Te wetene veertich groten Vlaems gelts gerekent erffelicx
chys Te heffene altyt tot Sint Jansmisse dairaff den jersten
termyn van betalingen syn sal tot Sint Jansmisse naestcomende
Op ende aen des voerscreven Henricx erffelike goeden boven gescreven
A Domino Mechliniensi, Waranderende etcetera. Met condicien dat de voerscreven Henrick sal
moegen lossen ende quyten den voerscreven gulden desselfs chys als
chyse
hem dat gelieven sal met veerthien geliker gulden ende met vollen
om deselve Henrick heeft bewesen der voergenoemde
Kathelinen Huyghs synder zuster, Eenen gouden Rynsgulden
Te wetene veertich groten Vlaems gelts voer dien gerekent
erffelix chys Te heffene als boven, Op ende aen desselfs
Henricx erffelike goeden boven gescreven. A Domino Mechliniensi, Waranderende etcetera.
met condicien dat de voerscreven Henrick sal moegen lossen
ende quyten den voerscreven gulden desselfs chys als hem dat
gelieven sal met veerthien geliker gulden ende met vollen chyse
ut supra
Henrick vander
Hulst et uxore
Item. De voirgenoemde Andries heeft opgedragen tot behoef
vanden voirgenoemde Henricken vander Hulst ende Kathelinen Huyghs
synen wive den voergenoemde Rynsgulden des voerscreven chys die hy
hadde op des voerscreven Henricx Huyghs erffelike goeden boven
eer. A Domino Mechliniensi, Waranderende etcetera
ut supra tempore simile
lants de
Voesdonc, Ingelram. Heer Willem van Couwenberge priester heeft vercocht
Anthoenis van Voesdonck alias sangmeester ende tot behoef vanden sange der
seven getyden diemen dagelycx inde prochiekerken van Onse Liever Vrouwen
ke bynnen Mechelen doot, twee gouden Rynsgulden elken van
dien tot veertich groten Vlaems gelts gerekent erffelix chys Te heffene deen
helft daeraf tot Kersmissen vander helft tot Sint Jansmisse daeraf