Blader door transcripties » Stadsarchief Mechelen

archieftoegang 2, inventarisnummer 949, pagina 198

den jersten termyn van betalingen syn sal tot Kersmisse
naestcomende Op ende aen desselfs heer Willems huys metten
gronde etcetera gelegen inde Aerdest:t; inde Rogbroecstrate tusschen
desselfs heer Willems ander erve aen deen zyde ende wylen Henricx
de Bock erve aen dander zyde. A Domino Mechliniensi, Waranderende. Op twee gelike
Rynsgulden vanden voerscreven pryse die de voerscreven sange daerop
heeft ende vivendich scellinge payments daer jaerlix voir vutgaende
IX Augusti tempore simile
Dierick Neefs heeft vercocht Machtelden
van Haelteert, Een huys metter plaetsen gronde etcetera gelegen
inde Steenstrate over begrootbrugge, tusschen wylen Henricx
Booms erve aen deen zyde ende een erve dat toe tebehoeren plach
Andries Heregode ende dat nu toebehoert Matheus vanden Damme
aen dander zyde. A Domino Mechliniensi, Waranderende. Op seventhien scellingest:t;
sevenentwintich scellinge seventhien scellinge groten Brabants
dair vutgaende
Assignavi
De voergenoemde Machtilt dat den voerscreven Diericken
veerthien gouden Rynsgulden elken van dien tot veertich
groten Vlaems gelts gerekent Te betalene tot Bamisse naestcomende
Ende hier voer heeft sy verbonden alle haer st:t; haeffelike
goeden waer die bevonden zelen worden, die sy nu ter tyt
heeft ende hier namaels oic hebben ende vercrigen sal
Wouter Godevaerts
Lange, Rende. Jan vander Heyden ende Mathys van Boven alle
proviseurs ende inden name vander taflen des Heylichs Geests
der prochiekerken van Sinte Kathelinen bynnen Mechelen
hebben Terve gegeven, Wouteren Godvaerts vullenwevere
Een huys metten hove gronde etcetera gelegen inde Scriverstrate
in Sinte Kathelinen prochie, tusschen Peter Hagemans erve aen
deen zyde ende Jan Luycx Lynenwevere erve aen dander zyde
A Johannes de Muysene filio quondam Johannes bastarden, Te besittene
Op eenen jaerliken chys van Twee gouden Peters Te wetene
sessendertich groten Vlaems gelts voir elken van dien gerekent
Te betalene altyt tot Sint Jansmisse, Ende opten voirchys
seven
van sesse penninge Loevens ende vier pond ende een half payments
dair vutgaende, Met condicien dat de voergenoemde Wouter sal
moegen lossen ende quyten altyt als hem dat gelieven sal de
voerscreven twee Peters des voerscreven chys tot twee met eenen Peter
te male ende niet min ende elken Peter daeraf met sesthien gels
me
geliker Peter Peters ende met vollen chyse daervoer te betalen
XIIII augusty tempore simile
Jan Wouters Tymmerman wylen Jans soon heeft
vercocht Lanse Lansloet de Poirtere, Een huys metten
Onse Vrouwen prochie
hove gronde etcetera gelegen inde Knevelstrate tusschen Jan
Casmans erve aen deen zyde ende Joes van Beneden erve
aen dander zyde, ende een huys metten hove gronde etcetera gelegen
aldair tusschen desselfs Joes van Benedens erve aen deen
zyde ende Laureys van Pullaer erve aen dander zyde. A Domino Mechliniensi, Waranderende.
Op acht scellinge Loevens vuten voerscreven jersten huyse ende
sesthien scellinge payments ende twee chysgulden vuten voerscreven
lesten huyse jaerlix vutgaendest:t; ende oic op vyfthien scellinge
groten Brabants vuten selven twee huysen jaerlix gaende
Met condicien dat de voergenoemde Jan Wouts sculdich sal syn
te lossen ende te quyten de voerscreven vyfthien scellinge groten
Brabants tusschen dit ende Onse Liever Vrouwen dage Lickmisse
naestcomende ende daeraf den voerscreven Lansloot ende syne voerscreven
twee huysen tegens eenen yegeliken tontlastene ende scadeloes
tontheffene, Ende om deselve quitinge alsoe te doene ende o
Ende om der meerder zekerheyt den selven Lansloot vanden
selver quitingen te doene soe heeft de selve Jan Wouters
dairvoer verbonden alle syne erffelike goeden metten
gronde etcetera bynnen der staden vryheit van Mechelen gelegen
ende besunder syn huys metten hove gronde ende allen synen
toebehoerten gelegen buyten der Aedegheempoirten by
tHeydeken, tusschen Willem Luytens erve aen deen zyde
ende aen dander zyde. A Domino Mechliniensis etcetera
Jan Wouters Tymmerman wylen Janssoon, heeft
vercocht Lansloot de Poirtere, Een huys metten hove gronde etcetera
gelegen inde Knevelstrate in Onser Vrouwen prochie tusschen
Jan Casmans erve aen deen zyde ende Joes van Beneden erve
aen dander zyde, Ende een huys metten hove gronde etcetera gelegen
aldair tusschen desselfs Joes van Beneden erve aen deen
zyde ende Laureys van Pullaers erve aen dander zyde. A Domino Mechliniensi,
Waranderende. Op acht scellinge Loevens vuten voerscreven jersten huyse
ende sesthien scellinge payments in twee chysgulden vuten
voirscreven lesten huyse jaerlix gaende
Assignavit III Rinsgulden
^
Borch, Eyken, Gommaer de Poirtere ende Gregoris Borreman als
gestborne vanden ambachte vanden metsers bynnen Mechelen
inden name vanden selven ambachte, hebben om des meester
orboirs ende proffyts wille vanden selven, Opgedragen ende
overgegeven tot behouff van Meester Godevaerde de Leeuw