Blader door transcripties » Stadsarchief Mechelen

archieftoegang 2, inventarisnummer 949, pagina 18

oft gehouden ende sculden
zelen syn
jersten sesse jaeren vanden voerscreven hueren te stedene dat sy
dat zelen moegen doen Behoudelic dien dat sy dat
der voerscreven tochtenersse ende erfgenamen, een half jaer
te voeren sculdich zelen syn te seggene, Ende in desen
hueringen is oic bevorwert ende ondersproken, dat de
selve Jan de Neve ende syn wyf gehouden ende sculdich
sonder der selve tochtenersse ende erfgenamen cost oft last
zelen synst:t; in afcortingen vanden voerscreven tweenberch
Rynsguldenen te geldene ende te betalene alle den chys
die opte tot Kersmisse naestcomende de voerscreven huys
vallen ende verschinenst:t; ende van dan voertaen van
jaere te jare, de voerscreven hueringe duerende op
tselve huys oft herberge vallen ende verschynen sal
De
XV Juny tempore simile
hem tutore
Jouffrou Katheline van Hers wedue van wylen
Peteren vanden Dale, als een tochtenersse ende Gheerd
vanden Dale haer soon, als erfgenaem hebben vercocht
Joes Vrancx, achtien pond thien scellinge payments
erffelix chys die de selve tochtenersse ende erfgenaem
hadden op een huys metten hove gronde, den selven
Joese ende synen kynderen toehoerende, gelegen opte Volders
Hergracht tusschen desselfs Joes ende synder kynderen
ander erve aen deen zyde ende wylen Gheerds de
Verwere erve, aen dander zyde. A Domino Mechliniensi, Waranderende etcetera.
Assignavit den XXVI denier
de
Joes Vrancx
de
Voesdonck, Ingelram. Jouffrou Katheline van Kets wedue van wylen
Peteren vanden Dale cum tutore heeft opgedragen haer tocht die
sy hadde in achtien pond thien scellinge payments erffelicx
chys, op een huys metten hove gronde etcetera toehoerende Joes
Vrancx ende synen kynderen, gelegen opte Voldershergracht
tusschen desselfs Joes ende synder kynderen ander erve, aen
deen zyde ende wylen Gheerds de Verwere erve aen
dander zyde. A Domino Mechliniensi, Juravit tot behoef van Gheerde vanden
Dale haeren soon dier ierst inne geerft wardt
daer naer heeft de selve Gheerdt vercocht den
voirgenoemde Joes Vrancx de voerscreven Achtien pond ende
thien scellinge erve. A Domino Mechlinieni, Waranderende.
Assignavit den XI denier
ut supra tempore simile
Gheens, Mol. Jan de Beckere huere heeft verreyct
acht gouden Rynsguldenen elken van dien tot XL groten Vlaems gelts
Een huys metten hove gronde etcetera de Kathelinen van zeken
Boechout, Janne Leemans wive tocht toe te hoeren plach
te hebben plach op eenen huys metten hove gronde etcetera
gelegen inde Begaertstrate tusschen Jans van Zande
huys aen deen zyde ende wylen heer Jacops Lanen priester
huys aen dander zyde comende achterweerts metten
voerscreven hove totter Delen toe, Ende op eenen hoff metten
gronde etcetera gelegen in een cleyn strate
Jan de Beckere
Bosch, Mol. Jan de Beckere huyvettere heeft verreyct
acht gouden Rynsguldenen elken van dien tot veertich
grooten Vlaems gelts gerekent erffelix chys die Katheline
Zuetens Gheerds vander Heyden wyf te hebben plach op
Een huys metten hove gronde etcetera toehoerende Symoen
van Rotselaer, gelegen inde Begaertstrate tusschen Jans
van Hamme huys aen deen zyde ende wylen heer Jacops
Lanen priesters huys aen dander zyde ende
achterweerts metten voerscreven hove totter Delen toe, Ende op
eenen hoff metten gronde etcetera den voerscreven Gheerde vander
Heyden toehoerende inde selve strate gelegen inde in een
cleyn straetken de stuckadde geheeten Brant tegen tvoerscreven
huys over tusschen Godevaerts van Doerne erve aen deen
zyde ende der weduen van wylen Jacoppen van Hulshout
erve aen dander zyde
Ex censu
V January tempore simile
tgoidshuys van
Hanswycke
Voesdonc, Ingelram, Nicasius vanden Putte, tot behoef vanden
goidshuyse van Hanswycke staende by deser stad heeft verreyct
een huys metten hove gronde etcetera dat toe te behoeren plach Wouter
de Scoepere gelegen buyten der Hanswycpoorten, tusschen
Marien Cants erve aen deen zyde ende Peters vander
Hoeven erve aen dander zyde
Ex censu
ut supra
Heer Jan vanden
straten priester
Mol, Ingelram. De selve Nicasius tot behoef van heer ende Meester
Janne vander Straten he priester Canonick der kerken
van Sinte Rommonds bynnen Mechelen heeft verreyct Een
huys metter plaetsen stallen gronde etcetera dat toe te hoeren
plach den kynderen van wylen Jorys inne gelegen byde
Corenmarct int beghinsel van Onser Vrouwen strate van
Mechelen, tusschen
Ex censu
ut supra