Blader door transcripties » Stadsarchief Mechelen

archieftoegang 2, inventarisnummer 949, pagina 182

Executeurs testam
Diericx
inde Bertholone
vutersten wille van wylen Bartelmeeuse Dierix de somme
van vyftich gouden Rynsguldenen, elken van dien tot
veertich groten Vlaems gelts gerekent voir alsulken brouket
als de voerscreven wylen Bertelmeus, den voerscreven die oem van
vanden voerscreven Jorysen, den selven Jorysen sculdich st:t; gelooft
hadde ende sculdich was te gevene ende die hem by onsen
ende onser medescepen vutspraken ende terminacien aengewyst
is te hebbene, Ende daeraf ende oic van al tgene dat de
voirgenoemde Jorys den voerscreven executeurs vut zaken vanden
voerscreven Broekeele soude moegen heysschen, heeft de selve
Jorys Quytgesconden los vry ende ledich den voerscreven
Wouteren not tot men ende synder voirscreven medeexecuteuren
behoef ende alle andere dies quitancie behoeven geheelic
ende al
Ultima Juny tempore simile
Borchyns
et
Jan Mol doude
Borch, Yngelram, Want Vrouwe Margriete van Herlaer, met wylen
heer Janne van Sinte Gheericx Ridder haeren man, tanderen tyden
vercocht heeft Janne Mol den ouden, Twintich gouden
croenen elke van dien tot veert Achtenveertich groten
Vlaems gelts gerekent erffeliker renten op zekere haere
leengoeden den Blaeuwensteen geheeten tot Hoebergen
gelegen, ende henwaerscap daeraf gelooft heeft
inder
gelyc dat bydenst:t;selven coop gemaerst:t;
coop vander voerscreven erffeliker renten, gemaect, claerlik
begrepen is, opte eest dat de voirgescreven vrouwe Margriete
cum tutore, om der meerder zekerheyt vander betalingen der voerscreven
den voerscreven Jan Mon
erffeliker renten ende oic vanden voerscreven gelooften van
waerscapen te doene, den selven Janne Mol daer voer
heeft
verbonden ende stonderpande geset alle haere haeffelike
goeden waer die bevonden zelen worden ende oic alle
haer erffelike goeden metten gronde etcetera bynnen der
voerscreven stad ende vryheyt van Mechelen gelegen, die sy
nu tertyt heeft ende hier namaels oic hebben ende vercrigen
sal. A Domino Mechliniensi,
IIIa July
De selve
Idem. De voirgenoemde vrouwe Magriete van Herlaer, cum tutore
heeft vercocht den voerscreven Janne Mol den ouden vyf gouden
croenen elke van dien tot achtenveertich groten Vlaems
gelts gerekent erffelix chys, Te heffene altyt opten jersten
dach van Junio Op ende aen alle der selver Vrouwen
Margrieten erffelike goeden metten gronde etcetera bynnen der
stad ende vryheyt van Mechelen gelegen, die sy nu tertyt
heeft ende hier namaels oic hebben ende vercrigen sal. A Domino Mechliniensi,
Waranderen etcetera
Assignavit den XVI
ut supra
Lysbet Daneels
Rende, Keyenoege, Yde Moens met Janne vanden Scryeke haeren man, heeft
gewilt ende openbaerlic voir ons voer haeren vutersten wille geordineert
ende begeert, dat Lijsbeth de Daneels haere natuerlike dochter
die wylen Jan Daneels van haer vercregen heeft, terstont na haer
de doot van haer ende vanden voirgenoemde Janne vanden Scryeke haeren
man ende niet eer, hebben houden aenveerden besitten ende gebruyken
zelen sal, alle de haeffelike ende erffelike goeden waer die gelegen
syn ende bevonden zelen worden, die naer der voirgenoemde Yden doot boven
haere wettige sculden ende boven haer legatenst:t; costen van haerer
vutvaert ende boven haer legaten ende makingen in eeniger manieren
bliven ende overschieten zelen, den wederseggen van yemande ende oicst:t;
den rechten ende coustumen daeraf ter contrarien ende houden metst:t;
tegenstaende deselver Lysbetten Daneels haer dochter in alle
deselve haer haeffelike ende erffelike goeden haer gerechte ende
eenige erfgenaem noemende ende instituerende, den wederseggen
van yemande ende oic den rechten ende coustumen daeraf ter
contrarien onderhouden, niet tegenstaende
VI may tempore simile
Lysbetten Magriete
Daneels
Claes ende Lysbeth
Item. De voirgenoemde Jan vanden Scryeke, heeft oic gecocht ende
openbaerlic voir ons voer synen vutersten wille geordineert
ende begheert dat Lijsbeth ende Margriete Claesst:t; Claes wettige
kynderen van wylen Meester Janne Claes curgyn syne nichten
voir deen helft ende de voerscreven Lysbeth Daneels voer dander
helft, terstont nade doot van hem ende vander voerscreven Yden
Moens synen wive ende niet eer, hebben houden aenveerden
besitten ende gebruyken zelen, alle de haeffelike ende
erffelike goeden, waer die gelegen syn ende bevonden zelen
worden, die naer syn doot boven syn wettige sculden coster
van synder vutvaert ende boven syne legaten ende makingen
in eeniger manieren bliven ende overschieten zelen deselve Lysbetten
de selver Lysbetten ende Magrieten Claes ende oic de voerscreven
Lysbetten Daneels ende elken van hen voer haer voerscreven deel
syne gerechte ende eenige erfgenamen in alle de voirgenoemde syne
haeffelike ende erffelike goeden in gerechte ende eenige
erfgenamen noemende ende instituerende, den wederseggen
van yemande ende oic den rechten ende coustumen daeraf te
contrarien onderhouden niet tegenstaende
ut supra tempore simile
Peter Wouters
Heffene, Voesdonck. Henrick Claes wylen Jan Claes Claes soone, heeft vercocht
Peteren Wouters, de helft van vyf chysguldenen erffelix chys die
syn hadde op des voerscreven Peters huys tZweert geheeten metten gronde etcetera
gelegen buyten de Blocpoorte opten Hoes hoeck vander Scheffortstraten
tusschen deselve strate aen deen zyde ende Augustyn Pauwels
diemen heet Borgman erve aen dander zyde. A Domino Mechliniensi, Waranderende etcetera.
Assignavit XXII
V Juny tempore simile