Blader door transcripties » Stadsarchief Mechelen

archieftoegang 2, inventarisnummer 949, pagina 181

aen deen zyde ende heer Jan Joes oic priesters erve aen dander zyde
A Domino Mechliniensi. Te besittene op eenen erffeliken chys van negenthien
scellingen thien penningen ende eenen helling groten Brabants gelts
Ende die te betalene altyt tot Sinte Jansmisse vutgenomen
Sinte Jansmisse nu naestcomende, Ende opten voerchys van
twee scellingen groten Brabants gelts vuten voerscreven geheelen huyse
metten hove jaerlix gaende
Ultima may tempore simile
Henrick van Eyghen huyvettere heeft gewilt ende
openbaerlic voir ons geordineert dat Lysbeth van Eyghen
wettige dochter
Lysbet van Eygen
Lange, ende Henrick van Eyghen huyvettere, heeft in
Recompensatien ende vergeldingen vanden menichvuldighen
diensten leefden ende bystanticheyden, die hem Lysbeth van
Eyghen wettige dochter van wylen Janne van Eyghen synen
sone, alsoe wel in synder zyecheyt als in synder gesontheyt
by dage ende by machte eenen langen tyt van jaeren
gedaen ende bewesen heeft, dagelix doet ende noch namaels
doen sal alsoe hy hoopte gewilt ende openbairlic voir ons voir
men vutersten wille geordineert ende begeert dat de selve
Lysbeth van Eyghen terstont naer syn doot hebben houden
aenveerden besitten ende gebruyken sal, alle sine haeffelike
goeden waer die bevonden zelen worden, die boven synen wettige
synder braecht
sculden costen van vuten ende boven synen legaten ende
makingen in eenige manieren bliven ende overschieten zelen, der
selver Lysbetten van Eyghen in alle deselve syne haeffelike
goeden inne gerechte ende eenige erfgenaem noemende ende
instituerende, den wederseggen van yemande ende oic den
rechten ende coustumen daeraf ter contrarien onderhouden niet
tegenstaende
Ultima may tempore simile
posita et
Jan Dap heeft Terve gegeven Aert Spaens
Een huys met eender cleynder plaetsen gronde etcetera gelegen
inde Bogaertstrate tusschen wylen Jan Walsschaert diemen
heer Kemmerlinck erve aen deen zyde ende wylen Jans
vander Berct erve aen dander zyde. A Beato Rumoldo. Te besittene
op eenen erffeliken chys van drie gouden Rynsgulden
elken van dien tot veertich grooten Vlaems gelts
gerekent, Ende die te betalene altyt tot twee terminen
de wetene deen helft daeraf tot Kersmisse, Ende dair
helft tot Sinte Jansmisse daeraf den jersten termyn van
betalingen in sal tot Kersmisse naestcomende, Ende opten voirchys
van twee guldenen van Florencen ende van sesse pond payments
daer jaerlix vutgaende, met alsulker condicien dat de voerscreven
Aert sculdich sal syn te lossen ende te quitene de voerscreven drie
gouden Rynsguldenen, des voirgenoemde chys bynnen twee jaeren tyts
nu naestcomende, tot twee malen ende niet min ende elken
Rynsgulden daeraf met sesthien gelyker gulden eens ende
met vollen chyse, den welke drie
Gheerdt Lauwers
Borch, Cale. Jehanne Lauwers cum tutore heeft vercocht Gheerd
Lauwers haeren brueder, haer vyfstedeel van eenen huyse
metten gronde etcetera gelegen op Neckspoele inde Mandestrate
tusschen Jans de Vos Volders erve aen deen zyde ende Jans
van Hevere des jongen erve aen dander zyde, van welken
huyse dander vier vyfstedeelen den selven Gheerden
toebehoeren. A Domino Mechliniensi, Waranderende. Op seven scellinge ende sesse
penninge groten Brabants gelts vuten voerscreven geheelen huyse
jaerlix gaende
Assignavit XI Rinsgulden eens
ultima Juny tempore simile
confirmaer van
Marie in eccla
Sint Petry
Item. De voirgenoemde Gheert Lauwers heeft vercocht Lodewyc
van Berlaer als proviseur ende tot behoef vanden Godeliken
dienste van Onser Liever Vrouwen bruederscap inde
prochiekerken van Sinte Peters bynnen Mechelen, Twee
scellinge ende sesse penninge groten Brabants gelts erffelicx
chys, Te heffene altyt opten twintichsten dach
van Meye, daeraf den jersten termyn van betalingen
syn sal opten twintichsten dach van meye naestcomende
Op ende aen des voerscreven Gheerds huys metten gronde etcetera
boven bescreven, Waranderende. Op eenen scellinge ende sesse penningen
der voerscreven groten Brabants gelts vuten voerscreven geheelen huyse
ende op Seven scellinge ende sesse penninge gelyker groten
vuten vier vyfstedeelen vanden selve zy vuten
vier vyfstedeelen vanden selven huyse jaerlix voir
vutgaende
ut tempore simile
Lange, Borch. Jorys van Ant heeft bekent openbairlic voir
ons dat zy gehadt ende ontfangen heeft van heer ende Meester
Aert Aerts cureyt vanden beghynhove by deser stad
Meester Lambrechten de Poerter doetene in medicinen ende
Wouteren Noots als executeurs vanden testamente ende