Blader door transcripties » Stadsarchief Mechelen

archieftoegang 2, inventarisnummer 949, pagina 180

Jan van
Culixrode
Borch, Cale. Goeris van Poerle ende Wouter Van Poele hebben
gekent dat sy gehadt ende ontfangen hebben van Janne van
Culixrode, tderdendeel van twee hondert guldene, Te wetene
twintich groote Vlaems gelts voir elken derselver gulden
gerekent, die deselve Jan den voergenoemde Goeris ende Wouteren
met haeren medeplegeren vut saken vander soeningen gemaect
vanden dootslage tanderen tyden geschietst:t; inden persoen van
wylen Peteren Van Poerle haeren neve bynnen der stad van
brugge geschiet gelooft hadde te betalest:t; tot zekeren termynen
daeraf den jersten termyn was den negenthienden dach
van deser maendt van meye te betalen van welken
derdendeele der voerscreven sommen hebben de selve Goeris endest:t;
voir hem selve ende de voerscreven Wouter oic voir hem selven
ende inden name van Symon van Poele seven broeder absent
die hy in verman ende Wouter Van Poerle voir hen
selven ende oic inden name van Symone van Poorte broeder
vanden selven Wouteren absent die sy ende elc van hen besunde
ende voir al in hen vervingen hebben Quytgesconden los
vry ende ledich den voergenoemde Janne van Culixrode ende alle
andere dies quytancie behoeven geheelic ende al
XXVI may tempore simile
Aa
I
la Beato Rumoldo
Borch, Keynooge, Lysbeth Coelputte wedue van wylen Henricken
Huens des ouden met Rommonde Roebosch nu tertyt haeren man
heeft vercocht Meester Janne Pycot Canonick der kerken
van Sinte Rommonds bynnen Mechelen tot behoef vanden
kerken
tzestich gebruederen inde selver sesse gouden Rynsgulden elken
van dien tot veertich groote Vlaems gelts gerekent jaerlicx
ende erffelix chys Te hebbene ende te heffene alle jaere altytst:t;
tot twee termynen, Te wetene deen helft daeraf opten
jersten dach van decembry ende dander helft opten jersten
dach van Junio, Op ende aen der voerscreven Lysbetten helft van
eenen huyse metten gronde etcetera gelegen aenden Steenwech
byder scepenen huys van Mechelen tusschen eenen cleynen
wech by dwaterscap aldaer staende aen deen zyde ende
tvleeschuys van Mechelen aen dander zyde, hem achterweerts
streckende tselve huys lancx den voerscreven wech tot aen een
ander huys Janne Soeten ende synen kynderen toebehoorende
A Domino Mechliniensi, Waranderende. Opte helft van twintich scellinge groote Brabants
helft vanden selve
gelts vuter voirscreven geheelen huyse jaerlix voir vutgaende
Assignavit den XVI denier
XXVII may tempore simile
Matheeus Bake
Heffen, Keynoogge. Jouffrou Lysbeth Godessou Jans Godessouwers
diemen heet Inden Creft dochter wedue van wylen
Anthonis Boom cum tutore, heeft opgedragen haer tocht die
sy hadde in sesse gouden Rynsgulden Te wetene veertich
groten Vlaems gelts voir elken van dien gerekent jaerlix ende
erffelix chys Op ende aen een huys metten gronde etcetera toebehoerende
Matheeus Bake, gelegen over de Grootbrugge inde Steenstrate
tusschen Joes van Voesdonck erve aen deen zyde ende wylen
Steven Obbrechts erve dat nu toebehoert Janne vander Beke
brueder aen dander zyde. A Domino Barbara Schoof, Juravit tot behoef
van Margrieten ende Lysbetten Booms haeren kynderen tot wiens
de momboiren hier naer genoempt daer ierst inne geerft
syn warden, daer naer hebben Jan Arens diemen heet
Spierinck ende Peter Stockman diemen heet inde Mane van
svaders wegen, de voergenoemde Jan Godessouwen Jan van Haren
vander moeder wegen als momboiren ende inden name vanden
voerscreven Margrieten ende Lysbetten Booms infra annos etcetera die sy
in hen vervingen bekent dat sy vercocht hebben den
voerscreven Matheeus Bake de voerscreven sesse gouden Rynsgulden
des voerscreven chys die sy hadden op tvoerscreven huys, Waranderende etcetera
Assignavit den XXVI denier
XXVII may tempore simile
Peter van Steyne
Moelen
Heffen, Rende. Gommaer de Poirtere metsere, heeft vercocht Peteren
van Steynemoelen, Twee gouden Rynsguldenen elken van
dien tot veertich grooten Vlaems gelts gerekent, erffelix chys
die hy hadde op een huys metten hove gronde etcetera toehoerendest:t;
Gielis sonder houdende omtrent een halff buendere toehoerende
Gielis Sanders gelegen buyten de Bruesselpoorten, tusschen
Aert Cloets erve aen deen zyde ende der weduen ende dochter
erve van wylen Denys Sanders den ouden aen dander zyde
streckende achterweerts ts metten voirgenoemde hove tot aen wylen
Willems vander Berct erve. A Domino Mechliniensi, Waranderende etcetera.
Assignavit den XVI
de
Ultima may tempore simile
Gheerdt Zoeten.
Lange, Keyenoege, Joes de Vryese een tochtenere, Lodewyck ende
Claes de Vryese pe gebruederen, jouffrou Barble de Vryese
beghyne haerlieder zusterst:t; ende Margriete de Vryese haerlieder
zusteren cum tutorius alle wettige kynderen desselfs Joes de
dst:t;Vryese, als erfgenamen, hebben Terve gegeven Gheerd
Zoeten, haerlieder anderhalff vierendeel van eenen huyse
metten hove gronde etcetera gelegen inde Kerchofstrate
tusschen Jans de Provane erve aen deen zyde ende hy
Anthoenis Hoots priesters erve aen dander zyde streckende
achterweerts metten voirgenoemde hove doer een poorte tot inde
Lange Byest tusschen desselfs heer Anthoenis Hoots erve