Blader door transcripties » Stadsarchief Mechelen

archieftoegang 2, inventarisnummer 949, pagina 179

momboiren tot selven kinderen behoef daervoer verbonden alle
haer haeffelike goeden waer die bevonden zelen worden
sunderlinge de selve Aert ende Henrickst:t; alle sine erffelike
goeden metten gronde etcetera bynnen gelegen, die sy nu
ter tyt hebben ende hier namaels oic hebben ende vercrigen
zelen. A Domino Mechliniensi, pris proost alias
XX may tempore simile
Jan Vermonnick
Eycke, Keyenooghe. Jan de Lymakere, heeft vercocht Janne
Vermonct, Een huys metten hove gronde etcetera gelegen
inde Hanswycstrate tusschen Peter Rommonds erve aen
deen zyde ende Jacop Heykens erve, aen dander zyde
streckende achterweerts tot aen wylen Wouters van
Duffle erve. A Domicella Johanne vander Aa
Waranderende. Op twee chysguldenen twee capuynen vyf
scellinge Loevens ende drie gouden Peters elken van
dien tot sessendertich groten Vlaems gelts gerekent dair
jaerlix vutgaende
Assignavit XIIIen
XXII may tempore simile
Henrick de Vyd
Lange, Keyenoogge. Jan Cools heeft vercocht de Henricken
de Vydestroedeckere, Een huys metten hove gronde etcetera
gelegen buyten de Kerchofpoorte byden Pennepoel, in een
strate aldaer men gaet te Duffle waert, tusschen des
voerscreven Jans ander erve aen deen zyde ende Jan Vutlaet erve
aen dander zyde, Ende een stuck lants oft blocx metten
gronde etcetera houdende een luttel meer dan een halff buender
gelegen buyten der Coepoorten, byden Quaden kerchoff tusschen
Wouters van Boxthuyn diemen heet Appelman erve aen
deen zyde ende wylen jouffrou Lysbetten Bruynleders erve
aen dander zyde. A Domino Mechliniensi, Waranderende. Op vyff scellinge Loevens
ende acht scellinge payments vuten voirgenoemde huyse metten
hove, Ende op twaelff gelike scellinge Loevens ende Anderhalve
veertel Rogs vuten voerscreven stuck lants oft blocx, Ende oic
op vier gouden Rynsgulden elken van dien tot veertich
groten Vlaems gelts gerekent vuten selven huyse metten hove
ende stuck lants jaerlix gaende
XXI may tempore simile
Lange, Keyenoogge. Gheertruyt van Wavere wedue van wylen Janne
van Nuffle met Janne Pauwels nu tertyt haeren man heeft
opgedragen haer tocht, die sy hadde inde helft van eenen
stuck beempts metten gronde etcetera houdende int geheel omtrent
vyf vierendeele daeraf dander gelegen tot Battele opte
ende der weduen ende kynderen
erve van wylen Henricken
Meers diemen heet
Bellens aen dander zyde
Jan Pauwels
et uxor
Dele tusschen der weduen ende kynderen erve van wylen Wouter
de
van Nuffle aen dander zyde. Item inde helft van Eenen
stuck lants metten gronde etcetera houdende int geheele va een
vuttel min dan een buender gelegen op Neckerspoele inde
Borghstrate tusschen der voerscreven weduen ende kynderen vanden
voerscreven wylen Wouteren van Nuffle erve aen deen zyde ende
Symoens vanden Hoede erve aen dander zyde, Ende in
tvierendeel van eenen huyse metten hove gronde etcetera gelegen
aldaer inde Rechtstrate tusschen de Cleyn Scheffertstrate aen
deen zyde ende Jans v de Neve diemen heet vander Hagen
erve aen dander zyde. A Domino Mechliniensi, Juravit tot behoef van Janne
Henricken Lambrechten, Jacoppen, Aert Barblen, Lysbeth ende
wylen Jans van Nuffle haers soons kynderen
Magrieten van Nuffle gaen kynderen welke Jan ende Henrick
tot haeren behoef ende oic deselve Jan ende syne medemomboren
hier na bescreven totter voerscreven Lambrechts Jacops Aerts
Barblen, Lysbetten ende Magrieten behoef waerden daer ierst inne
heeft geerft daer naer hebben deselve Jan ende Henrick
vanden Nuffle inden name van hen selven, Ende de selve
Jan vanden Nuffle, Lodewyck vanden Nuffle, Aert van
Nuffle ende Jan Wageman als momboiren ende inden name
vanden voerscreven onsest:t; Lambrechten, Jacoppen, Aerde Barblen
Lysbetten ende Magrieten van Nuffle, onder haer jaeren etcetera
wesende die sy in hen vervingen, vercocht den voerscreven Janne
Pauwels ende Gheertruyden van Waven synen wive
de voerscreven helft vanden voirgenoemde stuck beempts de voirgenoemde
helft vanden voerscreven stuck lants, Ende tvoirgenoemde vierendeel
vanden voerscreven huyse metten hove gronde etcetera Waranderende
op drie pond vyfthien scellinge payments vuten voirgenoemde
geheelen huyse metten hove ende sonder eenigen last oft
commere vuter voerscreven helft vanden voirgenoemde twee stucken
beempts ende lants jaerlix gaende
Assignavit X Peters
XXII may tempore simile
Hubrecht Stappert
Lange, Keyenoem, Jan Stuers vleeschouwere ende Lysbeth van Wyere
syn wyff hebben vercocht Hubrechten vande Stappaert
schoenmakere, Een huys metten gronde etcetera gelegen inde
Coestrate, tusschen der weduen ende kynderen erve van wylen
Rommond Thys aen deen zyde ende een straetken aldaer aen
dander zyde. A Domino Mechliniensi, Waranderende. Opte weerde van tweentwintich
scellinge ende sesse penninge groote Brabants gelts, daer
jaerlix vutgaende
de
Assignavit II Rinsgulden erffelicx
den den XXVI denier
XXIII may