Blader door transcripties » Stadsarchief Mechelen

archieftoegang 2, inventarisnummer 949, pagina 17

de selve
Capelle
Item eenen chysgulden erffelix chys die tselve ambacht
was hadde opte helft van Eenen huyse metten gronde etcetera
dat wylen Lysbetten tSermartens toe plach te hoerene ende
dat nu toebehoert Denys soe Abroys ende sinen kynderen, gelegen
inden Ham et tusschen desselfs Denys ende synder kynderen
ander erve aen deen zyde ende de eenen vliet aldaer
aen dander zyde streckende achterweerts totten hove vanden
voerscreven goidshuyse vanden Augustinen. Item eenen gulden
vande van Florencien desselfs chys die tselve ambacht
hadde op een huys metten gronde ende allen synen toebehoerten
dat wylen Alexander van Ost toe plach te hoerene ende dat
nu men kynderen toebehoert gelegen in Diependale byde
Hameyde tusschen Jan Daneels erve aen deen zyde ende
Joos Metter Vuyst erve, aen dander zyde. A Domino Mechliniensi. Item
eenen gulden van Florencen, oic erffelicx chys dien tselve
ambacht hadde op een huys metten hove gronde etcetera
dat wylen Henricken de Lathoudere toeplach te hoerene
ende dat nu Gielisen Deylaert toebehoert gelegen inden
Heembeempt tusschen wylen Peters vanden Broeke erve
aen deen zyde ende wylen Jan Booms erve aen dander zyde
A Beato Rumoldo. Item, Eenen gulden van Florencien des
selfs chys die tvoirgenoemde ambacht hadde op twee
huysen metten gronde etcetera die toe te behoeren plagen wylen
Willem de Costere ende Daneel Wouters ende die nu toe
behoeren Peteren Clerck, gelegen buyten de Hanswycpoorte
tusschen Aerts vander Elst st:t; Jan Grymmaers diemen hier
Mangelassche erve aen deen zyde ende tgoidshuys van Blyenberghe
aen dander zyde. A Domino Johanne vander Aa. Item twee
chysguldenen erffelix chys, die tselve ambacht hadde op
een huys metten hove gronde etcetera toebehoerende Janne
Prick gelegen opten Pennepoel, tusschen wylen Jan
Guens erven aen beyde zyden. A Conventu de Lelyendale
Item eenen gulden van Florencien desselfs chys die tselve
ambacht hadde, op een huys metten hove gronde etcetera
toebehoerende Peteren de Bruyne, gelegen inden Ham
tusschen Cornelis Caluwaerts erve aen deen zyde ende
der weduen ende kynderen erve van wylen Janne Caluwaert
aen dander zyde. A Domine Barbara Schooff, Ende twee guldenen
van Florencien desselfs erffelix chys, die tvoirgenoemde ambacht
hadde, op een huys metten gronde etcetera toebehoerende Cornelisen
van Gheeringen ende synen kynderen gelegen inde Befferstrate
tusschen desselfs Cornelis ander erve aen deen zyde ende
Henricx Mathys erve aen dander zyde. A Domino Johanne Boventhuyn
Jo vanden
Assignavit den XI denier
XX Juny tempore simile
Jan de Neve
et uxor
altyt
Voesdonck, Lange. Lysbeth Smeets wedue van wylen Augustyn Ymbrechts
Als een tochtenersse, Anthonis vander Wyct als momboir
Augustyn Quisthout ende Hubrecht Back als geconstitueerde
van Augustinen vanden Eynde, oic momboir inden name van
Augustinen ende Lysbetten Ymbrechts des voerscreven wylen Augustyns
ende Lysbetten syns wyfs wettigen kynderen onder haere jaeren etcetera
wesen, die sy in hen vervingen, als erfgenamen, hebben
bekent dat sy verhuert hebben Janne de Neve ende
Kathelinen Breugelmans synen wive, Ende deselve Jan de
Neve ende Katheline syn wyff hebben oic bekent dat sy
tegen de voerscreven tochtenersse ende erfgenamen gehuert hebben
Een huys oft herberge geheeten tVerken metter plaetsen
stallen hove gronde ende allen anderen synen toebehoerten
gelegen opte Corenmarct van Mechelen, tusschen Victors van
Merende erve aen deen zyde ende Andries Herregots erve aen
dander zyde, den tyt van twaelff jaeren lange geduerende
ende deen na dandere terstont vervolgende die inne gaen
ende begynen zelen tot Sinte Jansmisse naestcomende ende
soe voertaen zelen gedueren, den selven termyn, Ende
vut zaken van deser hueringen hebben de voirgenoemde Jan
de Neve ende syn wyff, gelooft ende elck van hen besunder
ende voir al voir hen haer hoy ende nacomelingen, Te geven
ende te betalene, den voerscreven tochtenersse ende erfgenamen
Elcx jaers vanden voerscreven twaelf jaeren, altyt tot
twee terminen, Te weten deen helft dairaf tot Kersmisse
ende dander helft tot Sinte Jansmisse daeraf den jersten termyn
van betalingen syn sal tot Kersmisse naest toecomende
tweenveertich gouden Rynsguldenen elken van dien
tot veertich grooten Vlaems gelts gerekent sonder eenich
wederseggen, naer al, Om welke tweenveertich gouden
vanden voerscreven zyn
Rynsguldenen alsoe te betalene ende om der meerder zekerheyt
den voerscreven tochtenersse, daeraf st:t; ende erfgenamen daeraf
te doene Soe hebben de selve Jan de Neve ende syn wyf
der voerscreven Lysbetten ende tot haeren ende den voerscreven Anthonis
ende Hubrechten, totter selve erfgenamen behoef daervoer
verbonden alle haere haeffelike ende erffelike goeden
metten gronde etcetera bynnen etcetera wesen ende gelegen die
sy nu tertyt hebben ende hier namaels oic hebben ende vercrigen
zelen met alsulker condicien oft de voerscreven wedue voer
de ierste sesse jaeren vanden voerscreven twaelff jaeren aflivich
warde, dat dan de voerscreven huerlinge de voerscreven huys met
lange houden en zelen dan sesse jaeren maer Ende
geliefde den selven huerlingen ten eynde vanden selve