Blader door transcripties » Stadsarchief Mechelen

archieftoegang 2, inventarisnummer 949, pagina 178

Marie van Sint
Jans
Cortryke, Eyken, Lysbeth van Dyest wylen Rommonds van Dyest
dochter met Jacoppen vander Bonderheyden, diemen heet
noch van synen recht
behoudelic den selven Jacoppen daerne
van Gavere haeren man ^ heeft openbaerlicxst:t; gewilt ende
openbairlic voir ons geordineert, dat Marie van Sinte Jan
wettige dochter van wylen Willem van Sinte Jans ende van
Margrieten sRidders synen wive, ter stont na haer doot
hebben houden aenveerden besitten ende gebruyken sal alle
de haeffelike ende erffelike goeden waer die gelegen
syn ende bevonden zelen worden, die naer der voirgenoemde Lysbetten
doot in eenst:t; boven haeren wettige sculden, costen van
haerer vutvaert ende boven haer legaten ende makingen
in eeniger manieren bliven ende overschieten zelen, den
selver Marien, daer in alle deselve haere haeffelike
ende erffelike goeden haere gerechte ende eenige erfgenaem
nomende ende instituerende, den wederseggen van
yemande, niet tegenstaende
XIIIa may
Peter Wouters
Heffene, Lange. Henrick Claes wylen Jan Claes sone, heeft
vercocht Peteren Wouters, de helft van synen vyf
chysguldenen erffelix chys die hy heeft ende hem inder
scheydingen ende deylingen tanderen tyden tusschen hem ende
synen bruederen ende zuster geschiet heeft aengescheyden ende
aengedeylt syn te hebbene, Op des voerscreven huys Peters huys
tZweert geheeten metten gronde etcetera gelegen buyten
de Blocpoorte opten hoeck vander Scheffortstrate
tusschen deselve strate aen deen zyde ende Augustyns
Pauwels diemen heet Borgman erve aen dander
zyde. A Domino Mechliniensi, Waranderende etcetera.
Assignavit XVI
XVIII may tempore simile
Godevaert Goorte
Heffen, Lange. Brueder moys van Erpe priester donaet des
goidshuys van Bethleem staende byder stad van Loevene, inden
name vanden selven goidshuyse hebbende, om tgene te doene
dat hier na bescreven staet vanden prioer ende gemeynen
Convente des voerscreven goidshuys volcomen macht gelyc ons
dat by eender procuracien daer op gemaect ende bezegelt met
desselfs prioers ende gemeyns convents gemeynen zegel claers
bleke, heeft om des meests orboirs ende proffyts wille vanden
selven goidshuyse, Terve gegeven Godevaert Goorts messe.
Een huys metten gronde etcetera gelegen in Sinte Kathelinenstrate
opten hoeck van Eenen straetken geheeten gevenendal tusschen
tselve straecken, aen deen zyde ende Peters van Hoelaer erve aen
dander zyde streckende achterweerts totten water toe. A Beato Rumoldo
Te besittene op eenen erffeliken chys van vier gouden Ryns
guldenen elken van dien tot veertich grooten Vlaems gelts gerekent
Ende die te betalene altyt tot Kersmisse daer af den
jersten termyn van betalingen syn sal tot Kersmisse naestcomende
Ende opten voerchys vander weerden van vyf scellingen ende
sesse penningen grooten Brabants gelts daer jaerlix vutgaende
XVIII marty tempore simile
Remeys de Vos
et uxore
Heffende borch, France Quisthout metser heeft vercocht
Kathelinen van Quayribbe tot haeren ende tot den Remeys
de Vos haers mans behoef, Een huys metten hove gronde etcetera
gelegen inde Milzestrate tusschen Jans de Ryke erve
aen deen zyde ende Joes de Smet erve aen dander zyde
A Domino Mechliniensi, Waranderende. Op vier gouden Rynsgulden elken
van dien tot veertich groten Vlaems gelts gerekent
daer jaerlix vuytgaende
Assignavit vier Rinsgulden eens
XVIII may tempore simile
Peter Rommond
Heffene, Borch, Cornelis vander Houmoelen ende Jorys Faes zonest:t;
Poortest:t; van svaders wegen, Willem Calen ende Jan
Couckelbosch vander moeder wegen, als momboiren ende inden name
van Lysbetten inde Marien Rommonds Peter Rommonds kynderen
infra annos etcetera wesende die sy in hen vervingen, hebben
Quytgesconden los vry ende ledich den voerscreven Peteren Rommonds
van allen den haeffeliken die den voerscreven Lysbetten ende Marien
Rommonds, byder doot van wylen Lysbetten Zacx de haer
moeder ende des voerscreven Peters Rommonds haers vaders wive
doen sy leefde in eeniger manieren gebleven ende verstorven moegen
syn ende alle andere dies quitancie behoeven
X may tempore simile
Rommonds
Marie ende Lysbeth
Item. De selve Peter Rommonts. Aert vanden Bossche ende
Henrick van Beemen den den voerscreven momboiren totter voirscreven
Lysbetten ende Marien Rommonds behoef, Twintich gouden Ryns
guldenen, elken van dien tot veertich groten Vlaems gelts gerekent
Te betalene binnen drie jaeren tyts nu naestcomende, Ende heeft
daer toe de selve Peter gelooft de voirgenoemde syne kynderen met
hem bynnen synen huyse te houden ende hen eten drincken
cleederen schoenen ende al tgene des haeren leven noot syn sal
tamelic te geven ende te adminsteren tot dier tyt toe dat
sy ende elke van hen tot haeren jaeren van discrecien gecomen
zelen syn ende oic de selve syne kynderen daer ende bynnen tot
eeniger neringen te vuegene die hen alder mits ende
orboirlicx tot tot haeren proffyte syn sal, Om welke toest:t;
ende om der meerder zekerheyt den voerscreven kynderen
Rommonds van al tgene dat voerscreven staet te doene, soe
hebbenst:t; de voerscreven Peter Aert ende Henrick den voerscreven