Blader door transcripties » Stadsarchief Mechelen

archieftoegang 2, inventarisnummer 949, pagina 177

op twaelf penningen naest den besten erffelix pachts
die voirgenoemde goidshuys ende Katheline hadden op
desselfs Mathys ende syns wyfs huys Ruelemonde
geheeten metten gronde etcetera gelegen achter de Vischmerct
van Mechelen opten vlyet ende opten hoeck vander
Scepstraten, tusschen de selve aen deen zyde ende Aerts
vander Lynden Beckers erve aen dander zyde. A Domino Mechliniensi,
Waranderende etcetera
Assignavit XXXVI libris groten Brabants
Xa may tempore simile
Beckers
Dambacht vanden
^
Voedonck, Langhe, Jan vander Straten beckere tot behoef vanden
ambachte vanden Beckers inder stad van Mechelen
heeft verreyct, Een stuck beempts den Daelbruel
geheeten metten gronde etcetera houdende omtrent vyf
buendere, dat der taflen des Heylichs Gheests vanden
toeplach te hoeren
prochiekerken van Sinte Peters inde selver stad gelegen
tot Heffene int Diepbroeck, tusschen
Ex censu
Xa novembry
#
Marie vanden
hove
Voesdonc, Borch. Jan Cranaert sceymakere, heeft Quytgesconden los
van ende ledich, Marien vanden Hove wedue van wylen
Henricken Cranaert haeren lesten man van allen den
haeffeliken goeden die hem byder doot vanden voerscreven
wylen Henricken synen brueder ende der voerscreven Marien
Marien leste man doen hy leefde in eenige manieren gebleven
ende verstorven moegen syn ende alle andere dies quitancie
behoeren geheelic ende al
XIII may tempore simile
Ambrosius Lauwers heeft vercocht Gielis de
Moor tot behoef vander aelmoessen kysten staende bynnen
den beghynhove van deser stad, Een stucxken beempts
geheeten boven den Bessem zelen metten gronde etcetera gelegen
tot Battele inden Bessem, tusschen der voerscreven kysten erve
aen alle zyden. Ab Egidio Vrancx, Waranderende. Op eenen scellinge
payments ende eenen chysgulden, die de voerscreven aelmoessen
zele ende
kyste daerop jaerlicx heeft ende heft daer jaerlix vutgaende
ende op zekere andere parcheelen van eenen daer omtrent gelegen
XXII Peters
den selven Ambrosius toehoerende daer jaerlix vutgaende
de vander betalen van dien
jaerlicx heeft ende heft ende daeraf de voerscreven Ambrosius ende syn
ende oic de voerscreven ander neghen van erve
hoir ende nacomelingen eeuwelic zelen syn te bliven, ongehouden
ende ongelast
Bastia infra
Voesdonc, Borch. Ambrosius Lauwers heeft vercocht Janne Vrancx
tot behoef vander aelmoessen kysten staende bynnen deen
beghynhove van deser stad, Een stucxken beempts metten
gronde etcetera gelegen tot Battele inden Bessem, tusschen der
voerscreven kysten erven aen alle zyden. Aegidio Vrancx, Waranderende.
op eenen scellinge payments ende op eenen chysgulden die de
voerscreven aelmoessen kyste daerop ende op zeker andere parcheelen
van erven daer omtrent gelegen den selven Ambrosius
toehoerende, jaerlix heeft ende heft ende daeraf ende vander
betalingen van dien de voerscreven Ambrosius ende syn hoir ende
nacomelingen ende oic de voerscreven andere syne parcheelen van erve
eeuwelic zelen syn ende bliven ongehouden ende ongelast
daer jaerlix vutgaende
Assignavit XXIIII Peters
XII may tempore simile
Mensa Ster soon
prochie de Leest
Cortryke, Eyken, want, tanderen tyden meester Jan vander Straten
in wisselingen voir andere erven, overgegeven heeft der taflen
des Heylichs Gheests vander prochiekerken van Leest twee stucken
lants deen daeraff drie vierendeel ende dander, Een vierendeel
houdende tot Leest op Hertsvelt gelegen, Ende dair moeder
selver taflen voir scouter ende scepenen van Mechelen
gegoedt ende geerft gelyc der selver scepenen brief daerop
gemaect dat clairliker vutwyst, Ende het daerna bevonden
is dat voirgenoemde een stuck, een vierendeel houdende leen is gehouden
te leene van Meester Peteren Ghysbrechts, Soe eest dat de voerscreven
Meester Jan vander Straten daerom voir ons gelooft heeft
voir hem syn hoir ende nacomelingen, dat hy der voirgenoemde taflen
des Heylichs Gheests van allen heergebeden costen ende
lasten, die daeraf vallen ende der selver taflen daeraf
in eeniger manieren souden moegen comen, altyt ten eeuwigen
dagen scadeloes quyt houden ende ontlasten sal ende die selve
gulden ende betalen sonder eenich wederseggen, Om welke
gelooften alsoe volstentelic tonderhouden, Ende om der meerder
zekerheyt der voerscreven taflen daeraf te doene, Soe heeft
deselve Meester Jan, Janne de Borgere ende Janne Berthouts
als proviseurs ende totter selver taflen behoef daervoer
verbonden syn stuck lants houdende omtrent een half
buender metten gronde etcetera gelegen tot Leest inde Byest
tot desselfs Meester Jans ander erve aen tusschen Laureys
Rommonds erve aen deen zyde ende der kynderen erve van wylen
Gielis vander Eertbruggen aen dander zyde, sonder eenigen
last van chyse daer jaerlix vutgaende. A Domino Mechliniensi, Waranderende etcetera.
XIII may tempore simile