Blader door transcripties » Stadsarchief Mechelen

archieftoegang 2, inventarisnummer 949, pagina 16

altyt tot Sinte Jansmisse vutgenomen Sinte Jansmisse nu naest
toecomende, Ende opten voerchys van thien scellingen payments
dair jaerlix vutgaende met alsulker condicien dat de voirgenoemde
Wouter ende zyn wyf de vier Ryns sculdich zelen syn te
lossen ende te quiten de vier Rynsguldenen vanden voerscreven
seven Rynsgulden des voergenoemde chys totten terminen hierna volgende
Te wetene den eenen Rynsgulden daeraf van Sinte Jansmisse
naestcomende over een jaer dair naer volgende ende de
daeraf
drie Rynsgulden bynnen vier jaeren tyts alsdanst:t; daer naer
terstont vervolgende, Ende dander drie Rynsguldenen des
selfs chys zelen deselve Wouter ende syn wyf moegen lossen ende
quiten altyt als hen dat gelieven sal ende elken vander
voerscreven zeven Rynsgulden met sesthien gelyker guldenen
eens ende met vollen chyse
Assignavit Rinsgulden erffelicx
den XXVI denier
XIII Juny
et uxor
Jan van Lymbosch
Heffene, Rende Jan ende Henrick van Lybosch wettige kynderen van
wylen Janne van Lymbosch ende van Lysbetten Adelyen synen wive
hebben openbairlic voir ons geconsenteert ende gewilt ende
geconsenteert, soe verre hen dat aenganck dat de langhstlevende
hy vanden voerscreven Janne ende Lysbetten, haeren vader ende moeder
paysselic ende vredelic sal gebruyken alle der haeffeliken
goeden waer die bevonden zelen worden die sy nu ter tyt
hebben ende hier namaels oic hebben ende vercrigen zelen
ende metten selven goeden moegen disponeren ende ordineren
naer synder gelieften den wederseggen van yemande ende oic
den rechten ende costumen vander voerscreven stad daeraf ter
contrarien onderhouden niet tegenstaende
XIII Juny tempore simile
Jan vander
Heyden
Yngelram, Cale. Willem van Waes heeft vercocht Gielis de Bruedere
barbier tot behoef van Janne vander Heyden lakenmakere
Eenen hof metten gronde gelegen achter tgoidshuys van
Onser Lieve Vrouwen bruederen, tegen den hoeck vander Corten
Byest aldaer over tusschen Jans de Clerck ende synder
Verkinderen erve aen deen zyde ende der Jans Laureys
erve aen dander zyde. A Domino Johannes Boventhuyn wive
Waranderende. Op onder eenigen last van chyse dair jaerlix vutgaende
Assignavit XVII Rinsgulden XI stuvers
ut supra tempore simile
Pot Retro suo
loco
Sinte Barblen
capelle inden
Bruel
Heffene, Voesdonck. Ghysbrecht van Campenhout, Hubrecht de Monick
Gielis de Vos Jans soon ende Aert Mathys als gesworene ende
inden name vanden ambachte vanden Huyvetters bynnen Mechelen
hebben om des meests orboirs ende profyts wille vanden selven
ambachte vercocht Janne Schooff endest:t; Lodewycken van Heffene
als proviseur ende tot behoef vander Capellen van Sinte
Barblen staende inden Nyeuwen Bruel van Mechelen de
erffelike chysen hierna bescreven, ierst vyf gulden
van Florencien erffelix chys die tvoirgenoemde ambacht hadde op
Een huys metten gronde etcetera dat wylen Peteren de Scheedemakere
toe plach te hoerene ende dat nu toebehoert, den kynderen van
wylen Janne Mast gelegen aende Zacbrugge, tusschen dwater
aldair aen deen zyde ende wylen Wouters vander Lynden erve
dat nu toebehoeren gelycke Mast, aen dander zyde
Item eenen gulden van Florencien erffelix chys die tselve
ambacht hadde op een huys metten gronde etcetera dat wylen
Henricken van Overbroeck toe plach te hoerene ende dat nu
Symoen de Meyere toebehoert gelegen achter den choor
vanden goidshuyse vanden Augustinen bynnen Mechelen
tusschen Jacops Delssenere erve aen deen zyde ende Gielis
de Wilde erve aen dander zyde streckende achterweerts totten
vliet aldair. Item twee chysguldenen desselfs chys die
tselve ambacht hadde op twee huysen metten gronde etcetera
daeraf deen die wylen Gielisen vanden Vekene toe
plagen te hoirene ende die nu toebehoeren, Kathelinen vanden
Vekene ende haeren soon, daeraf deen gelegen es opten hoeck
vanden Ouden Bruel tegen de Halle aldair over, tusschen den
selven Ouden Bruel aen deen zyde ende Aert Nouts erve aen
dander zyde, Ende dander is gelegen inden voerscreven Ouden Bruel
achter te tvoirgenoemde jerste huys tusschen tselve huys aen deen
zyde ende wylen Gielis de Coninck erve aen dander zyde
Item twee chysguldenen desselfs chys die tselve ambacht
hadde, op een huys metten gronde etcetera dat wylen Rommonde
van Yssche toe plach te hoerene ende dat nu toebehoert den
kynderen van wylen Rommonden tSerghysels, gelegen opten
vlyet, tusschen den Ouden ende den Nyeuwen Bruel, tusschen
der kynderen erve van wylen Janne Staes aen deen zyde
ende een ervest:t; der seven getyden inder kerken van Onser
Vrouwen bynnen Mechelen erve aen dander zyde. Item
twee guldenen van Florencien desselfs chys die tselve
ambacht hadde op een huys metten gronde etcetera dat wy
Laureyse de men toe plach te hoerene ende dat nu toebehoirt
Janne de Maech, gelegen inde Mandestrate, tusschen de
der weduen ende kynderen erve van wylen Wouteren vander
Beert, aen deen zyde ende Peter Kel erve aen dander zyde