Blader door transcripties » Stadsarchief Mechelen

archieftoegang 2, inventarisnummer 949, pagina 165

Kerstine van
bynnen et libery
Voesdonc, Borch. Cornelis vanden Bossche, natuerlic soon van
wylen Jan vanden Bossche diemen heet Scheers, die hy van
Kerstinen van bynnen vercregen heeft heeft openbaerlic
voir overst:t; ons bekent, dat de selve Kerstine syn moeder
hem dueghdelic gecontenteert gepaeyt ende te vreden
gestelt heeft van alsulken twee hondert Rynsguldenen
als de voerscreven wylen Jan vanden Bossche, syn vader hem
tanderen tyden, met synen testamente gemaect ende gelaten
heeft na der voerscreven Kerstinen van Bynnen synder moeder
doot, te hebbene ende te aenveerden van ende vut synde
helft van allen synen haeffelike ende erffeliken goeden
op
Ende van dien twee hondert Rynsgulden ende voirt van
al tgene dat de voerscreven Cornelis vanden Bossche, der voerscreven
Kerstinen, oft haeren kynderen van dien in eeniger manieren
soude moegen heysschen, heeft de selve Cornelis Quytgesconden
los vry ende ledich, der selver Kerstinen synder moeder
tot haeren ende haeren voerscreven kynderen behoef ende alle
andere dies quitancie behoeven, geheelic ende al
XX aprilis tempore simile
Dielken de Beyende
Heffene, Cortryke. Gielis de Bryeder Borier heeft verreyct Een huys
dat nu twee woeningen syn metter schueren ende lande dair
aen liggende ende oic metten gronde etcetera dat wylen Janne
Daems met toeplach te hoerene, gelegen tot Neckerspoele
opten hoeck vander Oelslagersstraten, tusschen deselve aen deen
zyde ende thuys de Mane geheeten, toehoerende Janne van Huffle
aen dander zyde
Ex censu
ut supra tempore simile
Jan Eschericx
Voesdonck, Langhe. Jan Barbier tot behoef van Janne, Esscherick
huyvettere, heeft verreyct Eenen hoff metten gronde etcetera
die Jannest:t; der weduen ende kynderen van wylen Henricken
Gielevoerts toe plach te hoerene, gelegen tot Neckerspoele
tusschen Jans vander Hoeven erve aen deen zyde ende
Jans vanden Zande erve aen dander zyde
Ex censu
ut supra tempore simile
Barblen ende
de
Borch vortryke, deselve tot behoef vanden heeren deken ende Capitale
vander kerken van Sinte Rommonds bynnen Mechelen, heeft
verreyct, Twee huysen metten hove gronde die wylen Cornelis van
dagen dander
Boxhem toe plagen te hoeren, gelegen byden Berthoutshof, tusschen
der taflen des Heylichs Geests erve van Sinte Peters, aen deen zyde
wylen
ende Anselmus van Meerbeke erve aen dander zyde
Ex censu
ut supra
Petry
Hospitale ende
Borch, Cortryke. De selve tot behoef vanden gasthuyse van Sinte Peters
bynnen Mechelen heeft verreyct, Een huyse twee huysen metten
boven gronde, die wylen Cornelis van Boxhem toe plagen te
hoeren gelegen deen neven dander, byden Berthoutshof
tusschen Jans vander Nuwermoelen des jongen erve aen deen
zyde ende Jans de Meyere erve aen dander zyde
Ex censu
ut supra
Mont Augustinen
Borch, Keyenoege, Broeder Mathys vanden Vekene priester procurator des
goidshuys vanden Augustinen bynnen Mechelen, heeft verre
tot behoef vanden selven goidshuys heeft verreyct Een huys
wylen jouffrou Lysbetten vanden Venne
metten hove gronde etcetera dat Cornelisst:t;st:t; toe
plach te hoerene gelegen inde Bleecstrate tusschen Jans van
Yssche erve aen deen zyde ende Jans van Fonteynen erve aen
dander zyde
Ex censu
Xa als
Cornelie vanden
Berct
Borch, Eyke. Henrick vanden Broeke van svaders wegen
Wouter vander Varest:t; Varent ende Peter van Couwenberge
vander moeder wegen, als momboiren ende inden name
van Janne, Rommonde ende Kathelinen wettige kynderen van
wylen Rommonde vander Berct, infra annos die sy in hen
vervingen, Ende hebben om des meestes orboirs ende prouffyts
wille vanden selven kynderen openbaerlic voir ons gelooft
dat
by alsoe eenich vanden voergenoemde Janne, Rommond ende Katheline
vander Berct, die eenyegelic van hen opte stad van
Antwerpen tot synen live heeft, achtien scellinge ouder groten
Tournoysen jaerliker lyfpensien, daer inne Cornelie natuerlic
soon des voerscreven wylen Rommonds vander Berct, synen
leefdach lange geduerende syn heffen heeft naer vutwysen
der brieven der voerscreven stad van Antwerpen dair op
gemaect, storve ende aflivich werde, voer ende een
den selven Cornelis haeren natuerliken brueder
al
dat in dien gevalle, de selve Cornelis de erffelike
ende onberuerlike goeden eens vanden selven kynderen
alsoe aflivich wordende jaerlicx alsoe lange als hy
alsdan leven sal, hebben heffen ende behouden sal, gelike
achtiene scellinge ouder grooten Tournoysen, altyt
vallende ende verschinende, deen helft, opten vierden dach
van julio ende dander helft opten vierden dach van Januario
Ende omder meerder sekerheyt ende vasticheyt den voerscreven
Cornelisen vander Berct vander betalingen der selver
lyfrenten te doene, Soe hebben de voergenoemde momboiren
inden name vanden voerscreven kynderen by manissen des
rechters sheeren van Mechelen ende by onsen vonnisse
daer voer verbonden ende tonderpande geset alle der
selver kynderen haeffelike goeden waer die bevonden
zelen worden ende oic alle haere erffelike goeden
metten byde
binnen der stad ende vryheit van Mechelen gelegen