Blader door transcripties » Stadsarchief Mechelen

archieftoegang 2, inventarisnummer 949, pagina 164

Jacop vander
streke
Lange, Boeck. Aert Willem ende Pauwels de Visschere wylen
Willems de Visschere kynderen Jan vander Beke inden
name van Marien de Visschere der voerscreven heer Aerts Willems
ende Pauwels zuster synen wive, die hy in hem verving
de Jan vanden Broeke ende de voerscreven Aert Willem
ende Pauwels de Visschere ende oic de voirgenoemde Jan vanden
Beke inden name van Janne Jorys, Henricken Peteren
Kathelinen ende Magrieten vanden Broeke, des voerscreven
Jans vanden Broeke ende wylen Kathelinen de Visschere
syns wyfs wettigen kynderen onder haer jaeren
van discrecien wesene ende oic van Cristinen vanden
Campe, wettigen wive dochter van Willem vanden
Campe ende van wylen Lysbetten vanden de Visschere
synen wive, oic onder haer jaeren van discrecien
wesene, die sy alle in hen vervingen alle als
gerechte ende eenige erfgenamen van wylen Magrieten
die
de Visschere allen der voerscreven kynderen de Visschere zuster was
doen sy leefde, hebben Quytgesconden los vry ende ledich
Jacoppen vander Streke, weduere vander selve wylen
Magrieten de Visschere van allen den haeffeliken goeden
die allen den voerscreven erfgenamen byder doot vander
selve wylen Margrieten de Visschere, die des voerscreven
Jacops vander Streke wyf was, in eeniger manieren
gebleven ende verstorven moegen syn ende alle ander
dies quitancie behoeven geheelic ende al
XVa aprilis
Jan vander
Cammen et uxore
Heelt, Borch. Rommond de Bosschere wylen Mathys de Bosschere
sone, heeft vercocht Janne vander Cammen buydelager
tot synen ende Margrieten Sols syns wyfs behoef, Een
veertel Rogs goede ende custbare Mechelsschen Merten
erfpachts, die hy hadde opte helft van Twee huysen
metten hove gronde etcetera den voerscreven Janne vander
cammen toebehoerendest:t; als tot synder tocht ende Janne
ende Daneelen vander cammen, des voirgenoemde Jans vander
liven
vanden kynderen die hy van wylen Barblen Woutalens
synen jersten wive vercregen heeft als totter selver
kynderen erffelicheyt toehoerende, gelegen deen neven dander
over de Corenmarct van Mechelen byde Hooghstrate den
een cleyn straetken aldaer, tusschen Henricx Machiels
erve aen beyde zyde. A Domino Mechliniensi, Waranderende etcetera.
Assignavit VIII Peters eens
ut supra tempore simile
Henrick Stoop
et uxore
Eyken Keyenoege, Katheline van Oestryke, wettige dochter van wylen
Janne van Esteryke met Anthoenis de we Wale haeren man
heeft Quytgesconden los vry ende ledich, Henricken Stoopest:t;
tot sinen ende Cecilien Peters syns wyfs behoefst:t; ende der voerscreven
Kathelinen moeder behoef van vallen den haeffeliken goeden
die de selver Kathelinen byder doot vanden voirgenoemde wylen
Janne haeren vader, die de voirgenoemde Cecilien haerer moeder ierste
man was doen hy leefde in eeniger manieren gebleven ende verstorven
moegen syn, Ende oic van allen alsulken gelooften als
de voergenoemde Henrick ende Celie syn wyff de voirgenoemde Kathelinen
tanderen tyden, in behulpe van haeren huwelike gedaen hebben
ende alle andere dies quitancie behoeven geheelic ende al
XVIIa aprilis
Gommaer de
poorte
Cale, Keyenoege, Jan vander Moelen hovenere, heeft vercocht
Gommaer de Poirtere ende Peerden vanden Hove synen
wive, de helft van eenen huyse metten gronde etcetera
gelegen inde Nauwstrate, tusschen der stad van Mechelen
erve aen deen zyde ende Jans de Schoezittere erve aen dander
zyde streckende achterweerts totter Delen toe. A Domino Mechliniensi, Waranderende.
op eenen chysgulden ende vier scellinge groten Brabants gelts
dair jaerlix vutgaende
Assignavit XX Rinsgulden een erffelicx
den den XVI denier
XVIIIa aprilis
Jan Cloet endest:t; Gheerd de Neve ende Joes de Vryese
als momboiren ende inden name van Lauretten van Beringen
wettige dochter van Peteren van Beringen onder haere
jaeren wesende die sy in hen vervingen hebben vercocht
Joerdaen de Lepelere, Eenen gouden gulden van Florencien
goet oft de weerde daeraf erffelix chys die de voirgenoemde
Laurette hadde op des voerscreven Joerdaens huys metten hove
plaetsen ende hove voer ende oic metten gronde etcetera gelegen
opte dekenye tusschen deselve Lauretten erve, aen deen
zyde ende Joes de Hane erve aen dander zyde streckende
ter zyden waert tot int Sesse penningstraetken ende
achterweerts met eenen gange tot op Sinte Kathelinen
kerchoff. A Beato Rumoldo, Waranderende etcetera.
Assignavit den XXVI denier
Giel vander Hulst
Voesdonc, Borch. Jan Gheerd ende Henrick Zoeten gebruederen hebben
vercocht Gielis vander Hulst haerlieder drie vierendeelen
van eenen vierendeele van eenen huyse metten gronde etcetera
gelegen achter den ouden staen opten hoeck vander Berkelen
straten tusschen deselve strate aen deen zyde ende der weduen
ende kynderen erve van wylen Henricken van Vunsenhoven, aen
dander zyde. A Domino Mechliniensi, Waranderende. Opten chys dair jaerlix vutgaende
Assignavit II Rinsgulden erffelicx
den XXVI denier
XI aprilis tempore simile