Blader door transcripties » Stadsarchief Mechelen

archieftoegang 2, inventarisnummer 949, pagina 166

die de selve kynderen nutertyt hebben ende hier namaels oic
hebben ende vercrigen zelen. A Domino Mechliniensis etcetera
XXI aprilis tempore simile
Katheline
Andries
Borchtken. De voergenoemde Cornelis vander Berct ende Henrick vanden
Broeke van des vaders wegen, Wouter vander Varent
ende Peter van Couwenberge vander moeder wegen, de
momboren ende inden name vanden boven genoemen kynderen
inden name ende manieren als boven hebben openbaerlic
voir ons gelooft by alsoe eenich vanden voerscreven Janne
Rommonde ende Kathelinen vander Berct, dair moeder af
es, Katheline Andries, die eenyegelyc van hen opte
stad van Antwerpen, tot synen live heeft vierentwintich
scellinge ouder grooten Tournoyse jaerliker lyfpensien
in welke vierentwintich scellinge der selver scellinge
onder groeten, de voerscreven Katheline Andries moeder
vanden selven kynderen halff haeren leefdach lange
geduerende, haer heffen heeft, naer vutwysen der brieven
der voerscreven stad van Antwerpen daer op gemaect storven
ende aflivich werde, voir ende eer der selver Kathelinen
huerer moeder dat in dien gevalle, deselve Katheline
alle
de moeder, op de erffelike ende onberuerlike goeden eens
der selver kynderen alsoe aflivich wordende, jaerlicx alsoe
lange, als zy alsdan leven sal, hebben heffen ende behouden
sal, Twaelf gelike scellinge ouder grooten Tournoysen
als voer de helft vanden selven vierentwintich scellinge
der selver ouder grooten, altyt alsdan vallende ende
verschinende, deen helft daeraf opten derthiensten dach
in meerte ende dander helft opten derthiensten dach
in septembry, Ende omder meerder sekerheyt ende
vasticheyt der voerscreven Kathelinen Andries der moeder
vander betalingen der voerscreven lyfrenten te doene, Soe
hebben de voerscreven momboren inden name vanden voerscreven
kynderen by manissen des rechters sheeren van Mechelen
ende by onsen voire, dair voir verbonden ende tonderpande
geset, alle der selver kynderen haeffelike goeden waer
die bevonden zelen worden ende oic alle haere erffelike
goeden metten gronde etcetera bynnen der stad ende vryheit
van Mechelen gelegen, die de selve kynderen nu tertyt
hebben ende hier namaels hebben ende vercregen. A Domino Mechliniensi ende
ut supra
Borch, beyde Peeter vander Spellen ende Henrick vanden Dycke
droeghscheerd van svader wegen, Machiel Cools ende
Jan Cools syn soon vander moeder wegen, als momboeren
Wouter vanden
spellen
ende inden name van Marien vander stellen, Wouters vander
spellen dochter onder haere jaeren wesende die sy in
hen vervingen, hebben Quytgesconden los vry ende ledich
den voirgenoemde Wouteren vander Spellen weduere van wylen
Lysbetten Cools van allen den haeffeliken goeden die de
voerscreven Marien vander Spellen, byder doot vander voirgenoemde wylen
Lysbetten Cools haer moeder die desselfs Wouters ierst
wyf was doen sy leefde in eeniger manieren gebleven ende
verstorven moegen syn ende alle andere dies quitancie behoeven
XXII aprilis tempore simile
Marie vanden
spellen
Idem. De voirgenoemde Wouter vander spellen ende Peter vander
stellen syn vader den den voirgenoemde Henricken vanden Dycke
Machiel Cools ende Janne Cools als momboiren ende tot behoef
vander voirgenoemde Marien vander spellen, de dertich gouden
Rynsguldenen, elken van dien tot veertich grooten Vlaems
gelts gerekent Te betalene, soe bynnen veerthien
jaeren tyts nu naest toecomende, Ende soe lange heeft de selve
Wouter, gelooft de voirgenoemde Marie syn dochter met hem
bynnen synen huyse te houden ende haer eten drincken cleederen
schoenen ende al tgene des haeren leven noot syn sal
tamelic te geven ende adminsteeren sonder eenich wederseggen
om welke scult ende gelooften de voerscreven mannen alsoe te
betalen ende tonderhouden, Ende om daer meerder zekerheyt
haer daeraf te doen, Soe hebben de voirgenoemde Wouter ende
Peter vander Spellen den voerscreven momboiren tot voircreven
Marien behoef daervoer verbonden alle haer haeffelike
goeden waer die bevonden zelen worden die sy nu ter
tyt hebben ende hier namaels oic hebben ende vercrigen
zelen sundlinge deselve Peter, Syn huys dat twee
woeningen syn metten hove gronde etcetera gelegen op Neckerspoele
inde Mandestrate tusschen Claes Coens erve aen deen
zijde ende Jans vanden Waerde erve aen dander zyde, opte
weerde van vier scellingen sesse penningen groten Brabants
gelts daer jaerlix voir vutgaende. A Domino Mechliniensi, vermans provisit al
ut supra tempore simile
de kinderen Henricx
Kelderman ende
In Henrick Keldermans ende Katheline vander
Heyden syn wyf, hebben gewilt ende openbaerlic voir ons
geordineert, dat alle haere kynderen alsoe wel meyskens
als knechtkens ende knechtkens als meyskens die sy
nu tertyt deen vanden anderen vercregen hebben ende hier
namaels oic deen vanden anderen zelen moegen vercrigen
Evengelyc ende in gelyken deele ende porcien, hebben
houden veerden besitten gebruyken ende deylen zelen alle