Blader door transcripties » Stadsarchief Mechelen

archieftoegang 2, inventarisnummer 949, pagina 160

vanden voerscreven drie gouden Peters des voirgenoemde chys, bynnen
sesse jaeren tyts nu naest toecomende, Ende dander twee
Peters desselfs chys sal deselve Joes moegen lossen
ende quiten altyt als hem dat gelieven sal met eenen
Peter te male ende elken Peter daeraf met sesthien
gelike Peters eens ende met vollen chyse daervoir te betalene
Assignavit den XVI denier
IIII april
als de Delst
Gielis vander Grecht
Heffen, Eyke. Symoen Pauwels heeft vercocht Gielis vander Gracht
diemen heet van Aelst, Twee gouden, Eenen gouden Ryns
gulden goet, Te wetene veertich grooten Vlaems gelts
voir dien gerekent, Te heffene altyt opten vyfthienden
dach van Augusto, daeraf den jersten termyn van betalingen
syn sal opten vyfthienden dach van Augusto naestcomende
op ende aen des voerscreven Symoens stuck beempts metten
gronde etcetera houdende omtrent een halff buender gelegen
tot Gheerdegheem in Gheerdeghemerbroeck, tusschen
jaerlicxst:t; heer Anthoenis vander Aa Ridders erve aen deen zyde, des huys vander Ziekerlieden
erve aen dander zyde ende Barblegen. A Domino Mechliniensi, Waranderende. Op twee gelike Ryns
velt aende derde zyde
gulden daer jaerlix voir vutgaende met condicien dat de
voerscreven Symoen sal moegen lossen ende quiten de voirgenoemde
Rynsgulden des voerscreven chys altyt als hem dat gelieven
sal met sesthien gelyker gulden eens ende met vollen
chyse
Assignavit den XVI denier
ut tempre simile
Machiel de Cramere
Heffene, Kerman. Margriete vanden Blare, wedue van wylen Janne
de Beere, cum tutore heeft opgedragen haer tocht die sy hadde inde
helft ende in tderdedeel vander ander helft van eenen huyse
metter plaetsen gronde etcetera de Lelye geheeten, gelegen over
de Grootbrugge opte Corenmarct ende opten hoeck vander
Rogbroecstraten tusschen deselve strate aen deen zyde ende
jouffrou Barblen Schoofs erve aen dander zyde. A Domino Mechliniensi, Juravit tot
behoef van Machiel de Cramere dier der inne geerft
wardt
ut supra
deselve
Item. Gielis de Bere heeft vercocht den voerscreven Machiel
de cramere, tsestedeel dat hy hadde inde helft ende
in tderdedeel vander ander helft vanden voirgenoemde huyse
metter plaetsen gronde etcetera boven bescreven. A Domino Mechliniensi, Waranderende. Op
Sesse chysguldenen ende eenen halven, ende elf pond acht scellinge
goeden
payments erffelic ende drie Peters elken van dien tot
sessendertich groten Vlaems gelts gerekent lyfpensien vuten
voerscreven geheelder helft ende tderdedeel vanden ander helft
vanden voerscreven huyse metten voerscrevenst:t; plaetsen jaerlix gaende
Assignavit XVI Rinsgulden eens
ut supra
Jan vanden
Heere
heffen Keyenoege, de voerscreven Machiel de Cramere heeft bewesen der voirscreven
Magrieten vanden Lare, tot haeren live, drie gouden Ryns
guldenen elken van dien tot veertich groten Vlaems gelts
gerekent jaerlike lyfpensien Te heffene altyt opten vreden dach
van April, op ende aen syn voerscreven sestedeel vanden voirgenoemde helft
ende vanden voerscreven derdendeele vanden voerscreven ander helft vanden
voirgenoemde huyse metter plaetsen gronde etcetera, Ende op alle dander
syne haeffelike ende erffelike goeden metten gronde etcetera bynnen
wesen ende gelegen die hy nu tertyt heeft ende hiernamaels
oic hebben ende vercrigen sal. A Domino Mechliniensi, Waranderende. Opten voirscreven chys
ende lyfpensie vuter voirscreven geheelen helft ende tderdedeel vanden ander helft
vanden voerscreven huyse metten plaetsen jaerlix voir vutgaende
IIII aprilis tempore simile
Lambrecht Dammans
te die sy hadden
op een huys metsen
Lambrecht Damman
toebehoerten
toebehoerende opt
Coremarct van
Mechelen opten
hoeck van Onser
Vrouwen strate
aldaer gelegen
Eyken, Keyenooge, Lysbeth vanden Zende met Janne Wouters haeren man
ende Barble vanden Zuerde haer zuster, hebben gecocht voer ons
geconfirmeert geledeert ende van weerden gehouden alsulken
vercoop van vier vyfstedeelen vander helft van tzestich
oude groote Turnoysen erffelix chys als Katheline vanden Zempde
met Gheerd Deens haeren man ende Jan Storm wylen Jan Storms
soon inden name van hen selven ende oic inden name vanden
voerscreven Lysbetten ende Barblen vanden Zende die daerinne
vangende, opten vyfthienden dach van meerte lestleden
voer scomet ende scepene van Mechelen gedaen hebben
den voirgenoemde Lambrechten, gelyc dat byden scepenen brieve daerop
gemaect claerliker blyct, Ende hebben voert de voirgenoemde Lysbeth
met haeren voerscreven man ende Barble haer zuster gelooft voir hen
haer hoir ende nacomelingen dat sy den vercoop ende oic
tveerthien ende gelooften van waerscapen daeraf van haeren
wegen gedaen vast gestentich ende van goeder weerden ten
eeuwigen dagen houden zelen sonder daer tegen tot
eenigen tyde te seggen te doen oft te comen in eeniger
manieren
VI aprilis
De kynderen Daems
Heelt, Cale. Margriete Daems wettige dochter van wylen
Willem Daems ende van wylen Yngelberten Daems
synen wive, cum tutore, heeft opgedragen ende overgegeven
tot behoef van Janne, Lysbetten ende Kathelinen Daems
wettigen kynderen van wylen d Janne Daems, die
der voerscreven Magrieten broeder was doen hy leefde alle
alsulke haeffelike ende erffelike goeden metten gronde etcetera
bynnen der stad ende vryheyt van Mechelen wesende
ende gelegen, als der voirgenoemde Magrieten byder doot
vanden voerscreven wylen Willem ende Yngelberten synen
wive haeren vader ende moeder in eenige manieren
moegen
gebleven ende verstorven syn. A Domino Mechliniensi, Waranderende etcetera
Gheerd vander Belen ende Willem Daems tot selver kynderen behoef
worden daerinne geerft
VIIa aprilis