Blader door transcripties » Stadsarchief Mechelen

archieftoegang 2, inventarisnummer 949, pagina 161

Henrick van
Balen
Rende, Cale. Margriete Huens met Loy Ghoeten haeren man, heeft
quytgesconden los vry ende ledich, Henrick van Balen
weduere van wylen Lysbetten Huens, der voerscreven Magrieten
zuster van allen den haeffeliken goeden die haer byder
doot vander voerscreven wylen Lysbetten haerer zuster, die
des voirgenoemde Henricx ierste wyf was doen sy leefde in
eeniger manieren gebleven ende verstorven moegen syn ende
alle andere dies quitancie behoeven geheelic ende al
VII aprilis
Philips Bruyne
Heelt, Cale. Andries Mylemans ende Willem Vermylen
hebben vercocht Denys Sande Philips de Bruyne
cleermakere, Een huys metten hove gronde etcetera gelegen
opte Ledicheyt in Sinte Peters prochie, tusschen heer Gielis
Mennens priesters erve aen deen zyde ende der kynderen erve
van wylen Laureys van Breen aen dander zyde. A Domino
Johanna vander Aa, Waranderende. Op twee capuynen thien penningen
Loevens thien pond payments, eenen chysgulden ende op vier
gouden Rynsgulden elken van dien tot veertich grooten
Vlaems gelts gerekent, die ter quitingen staen elken
van dien gulden met sesthien geliker gulden dair
jaerlix vutgaende
Assignavit XI Rinsgulden eens
ve
Hic habet locum contractus Willem Bogaert
ante post terck marty positus
in Cale
om de Zeelant
Voesdonc, Borch. Joes de Mylendere heeft vercocht jouffrou
Cornelien Janssoons ende Margrieten van Belle beghinen
als meesterssen ende tot behoef vanden huyse oft convente
van Zeelant staende bynnen den beghynhove van deser stad
Eenen gouden Rynsgulden Te wetene veertich grooten
Vlaems gelts voir dien gerekent, erffelix chys, Te heffene
altyt tot Kersmisse daeraf den jersten termyn van betalingen
syn sal tot Kersmisse naestcomende Op ende aen des voerscreven
Joes erve denst:t; huys dat twee woeningen syn metten
hove gronde etcetera gelegen buyten der Oeversterpoorten inde
Broecstrate tusschen Jans de Hoege erve aen deen zyde ende
Lambrechts Ghysbrechts erve aen dander zyde. A Domino Mechliniensi,
Waranderende op eenen turnoys dair jaerlix voir vutgaende
Assignavit den XVI
VIII aprilis tempore simile
fabrica Ercke
Peter Katheline
Voesdonc, Borch. Aert van Eyke diemen heet de Kemmere heeft
vercocht heer Janne Ruts priester als rentmeester ende tot behoef
vander fabriken der prochiekerken van Sinte Kathelinen
staende
staende inder stad van Mechelen, Sesse scellinge groote
Brabants gelts erffelix chys, Te heffene altyt opten
achtsten dach van April, Op ende aen des voerscreven Aerts
huys metten hove gronde etcetera gelegen in Sinte Kathelinen
strate tusschen der weduen ende kynderen erve van wylen
Wouteren vanden Zuyvene, aen deen zyde ende Cornelis
van Nyspen erve aen dander zyde streckende achterweerts
tot eenen cleynen vlyete aldaer. A Beato Rumoldo
Waranderende. Opte weerde van drie gouden Peters elken van
Vlaems
dien tot sessendertich groten Brabants gelts gerekent
daer jaerlix voir vutgaende
Assignavit den XXVI denier
VIII april
De selve
Item. Deselve Aert heeft vercocht heer Janne van
Eeckele priester onder weecureyt die de voirscreven prochiekerken
van Sinte Kathelinen, tot behoef ende in vermeerderingen
vanden geliken dienste diemen alle jaeren duerende
dortane vanden feestrate vander assumptien van
Onser Liever Vrouwen doet ende celebreert inde selve
kerken, vyf scellinge groote Brabants gelts
erffelix chys Te heffene altyt opten achtsten
dach van April, Op ende aen syn huys metten
hove boven bescreven A Beato Rumoldo, Waranderende. ut supra
Assignavit den X denier
ut supra tempre simile
Claes Reyniers
Heelt, Rende. Katheline de Vleeschouwere wylen Gielis de Vleeshouwere
dochter cum tutore heeft opgedragen ende overgegeven tot behoef van
Claes Reyniers, Een huys metten hove gronde etcetera gelegen opte
ledicheyt, tusschen Rommond Lanen erve aen deen zyde ende des
voerscreven Claes Reyniers ander erve aen dander zyde. A Domino Mechliniensi, Waranderende.
opten chys daer jaerlix vutgaende
XII aprilis
Borch, Keyenoege, want Aert Perreman opten vyfthienden dach van decembry
int jaer dusent vierhondert vierentzeventich lestleden vercocht heeft
Kathelinen Premans synder zuster syn vierendeel van eenen huyse
ende schuere met eenen stuck lants daer aen gelegen houdende
tsamen omtrent drie vierendeel tot Gheerdegheem aende Voesbrugge
gelegen, ende haer waerscap daer af gelooft heeft op drie