Browse transcripts » City Archives Mechelen

archive access 2, inventory number 949, page 12

Matheeus
na et
voerscreven Symoen haeren man ende Machtilt haer zuster
volcomen macht, gelyc ons dat by eender procuracien
daerop gemaect ende bezegelt metten zegel ten zaken
vander stad van Antwerpen, claerlic bleeck, Endest:t; heeft
Terve gegeven Matheeus Drammen ende Margrieten
vander Stappen synen wive, Een huys metten hove
gronde etcetera gelegen inde Nonnestrate tusschen Jans
van Houthem erven, aen beyde zyden. A Beato Rumoldo. Te
besittene op eenen erffeliken chys van twee scellinge
sesse penninge groote Brabants gelts, Ende die te betalene
Altyt tot Sinte Jansmisse vutgenomen Sinte Jansmisse
naestcomende, Ende opten voerchys van anderhalven
chysgulden ende twee capuynen dair jaerlix vutgaende
Assignavit XVI Rinsgulden eens
XXIa may
Gielis de Pape
alias Kerstiaens
dese lyfpensie es
te nieuwte ende doot
mits eender quitancie
ter eenen anderen bewysen
hem daeraf gedaen
ende geschiet es ende
anno XVcsuper
Yngelram, Cale Jan de Pape diemen heet Kerstiaens, heeft gegeven
ende bewesen, Gielisen de Pape diemen heeft Kerstiaens synen
natuerliken soone in promotien van sinen priesterliken state
tot synen live, achtien gouden Rynsguldenen elken van dien
tot veertich grooten Vlaems gelts gerekent jaerliker lyfpensie
Te heffene altyt tot twee terminen, Te weten deen helft dair
af tot Kersmisse ende dander helft tot Sinte Jansmisse
dairaff den jersten termyn van betalingen syn sal tot
Kersmisse naestcomende, Op ende aen des voerscreven Jans Twee
huysen oft woeningen metten gronde etcetera gelegen deen neven
dandere inden Nyeuwen Bruel tusschen Jans Verwilgiaerden
erve aen deen zyde ende des voerscreven Jans de Pape, ander erve
Item
aen dander zyde, op desselfs Jans de Pape huys metten
hove gronde etcetera gelegen inde Lange Scipstrate tusschen Jans
vander Heyden erve aen deen zyde ende der weduen ende kynderen
erve van wylen Anthoenis Caluwaert, aen dander zyde.
Ende op alle dander desselfs Jans de Pape erffelike
goeden metten gronde etcetera bynnen der stad ende vryheyt
van Mechelen wesene ende gelegen, die hy nu ter tyt
heeft ende hier namaels oic hebben ende vercrigen sal
A Domino Mechliniensis, Waranderende. Opte weerde van drie scellingen ende
drie penningen groten Brabants gelts dair jaerlicxst:t; vuten
voerscreven drie gehe huysen metten hove jaerlicx
voir vutgaende, met alsulker condicien, oft gebeurde
dat de voerscreven Gielis in toecomenden tyden vercregen eenigen
beneficie, oft eenigen gheestelike erffeliken dienst
oft cantuarie weert wesende jaerlicx achtien Ryns
ment
guldenen vanden voerscreven pryse dat in dien gevalle tvoirgenoemde
bewys den voerscreven Gielissen by synen voirgenoemde vader gedaen te
w ende van gheender weerden syn sal. Behoudelic dien
dat soe wanneer de voirgenoemde Jan den selven Gielisen synen soon
de voirgenoemde achtien gouden Rynsguldenen der voerscreven lyfpensien
op eenigen besunderen erffeliken pant goet genoech synde
voir deselve lyfrente bewesen sal hebben dat alsdan
tselve bewyse oic nast:t; alle syne voirscreven goeden vanden voerscreven
verbande los vry ende quyt zelen syn ende bliven
XXI may tempore mile
Gielis Martens
et uxore
Gestelle, Heffene, Gielis Martens ende Lysbeth Voet syn wyf
Seggende dat sy gheen wettige kynderen en hadden, hebben daerom
gewilt ende openbairlic voir ons geordineert dat de langhstlevende
voir hen beyden soelange die alsdan leven sal paysselic ende vredelic
sal gebruyken alle der haeffeliker ende erffeliker goeden boven
der stad ende vryheyt van Mechelen wesende ende gelegen dies
nu tertyt hebben ende hier namaels oic hebben ende vercrigen zelen
Ende metten selven haeffeliken goeden in synder noot moegen
disponeren ende ordineren den wederseggen van yemande ende oic der
rechten ende coustumen vander voerscreven stad dairaf ter contrarien
onderhouden niet tegenstaende. Behoudelic dien dat alle de
voirgenoemde goeden, na des langhstlevende doot vanden voerscreven Gielis
ende Lysbetten synen wive blivende, toecomen ende versterven zelen
haeren gerechten erfgenamen, dien die goeden naden rechte
vander selver stad sculdich zelen syn toe te comene ende te
verstervene, oft den ghenen dien sy deselve goeden samentlic
met testamenten oft anderssins geven ende maken zelen, welke
ordinancie wy ende oic Mol, Robbyns, Rende, Eyken
Yngelram et Cale, onse medescepenen by crachte vanden statute
tanderen tyden dair op gemaect, geconfirmeert ende
geapprobeert hebben ende by onser ordinairder macht confirmeren
ende approberen Alle argelist vutgescheyden
ut supra tempore simile
Sestelle, Mol. Claes de Smet ende Jehanne vanden Bosschen
syn wyf inden name van Peter Peteren de Met
haeren wettigen soon, onder syne jaeren etcetera wesende die
in hen vervingen hebben quytgesconden los vry ende ledich
Henricken van Lubbosch spellemakere weduere van wylen
Kathelinen de Smet van allen den haer des voerscreven Claes
ende Johannen syns wyfs dochter ende des voirgenoemde Peters zuster