Blader door transcripties » Stadsarchief Mechelen

archieftoegang 2, inventarisnummer 949, pagina 13

Henrick van
Hubosch
doen sy leefde van allen den haeffeliken goeden die den
voirgenoemde Peteren byder dootst:t; doot vander voerscreven
Kathelinen
wylen Jehannen synder zuster in eeniger manieren
gebleven ende verstorven moegen syn ende oic vander
sommen van sesthien gouden Rynsguldenen elken
van dien tot veertich grooten Vlaems gelts gerekent
tot haers voerscreven
die de voirgenoemde Claes ende Jehanne syn wyf inde namest:t;
voire behoef
als voerst:t; voer de voirgenoemde haeffelike goeden vanden
voerscreven Henricken bekenden gehadt ende ontfangen te
hebbene ende alle andere dies quitancie behoeven
geheelic ende al
XXVIII may tempore simile
Gielis de Vos
Gestelle Eyken, Anthoenis de Hont wettich soon van wylen Meester
Felix de Hont, heeft opgedragen ende overgegeven tot behoef
paymet Gielis de Vos wylen Jans de Vos soon, Een huys oft
woeninghe metten hove gronde etcetera geheeten de Clocke, gelegen
opte Corenmarct van Mechelen, tusschen thuys den Ketel
geheeten, toehoerende der weduen ende kynderen van wylen
Rommondsbrechts aen deen zyde ende wylen Henricx
vanden Bossche huys, dat nu toebehoert Janne van Eelwyt
aen dander zyde streckende achterweerts tot inde Cleyn stratest:t;
Nyeuwestrate. A Beato Rumoldo, Waranderende. Op twee Turnoysen
vander munten etcetera ende acht chysguldenen daer jaerlicx
vutgaende
XXI may tempore simile
Jan vander Eycke
en Jan van
Wavere
Ruede, Cale. Jan van Wavere natuerlic soon van wylen Jan van
Hevere, heeft openbairlic voir ons bekent dat hy verhuert
heeft Janne vander Eyken onsen medescepen, Ende de selve
Jan vander Eyken heeft oic bekent dat hy tegen den
selven Janne van Wave gehuert heeft, Een huys metten
hove bogaerde ende allen anderen synen toebehoerten, gelegen
opten Berthoutshof, tusschen wylen Ambrosius van Couwenberge
erve aen deen zyde ende Jan Guedens erve, aen dander zyde
streckende achterweerts metten voerscreven bogaerde tot aende
Vestbergen van Mechelen, Eenen termyn van Twaelff
jaeren langh geduerende ende deen na dander ter stont
vervolgende, die inne gaen ende beginnen zelen tot Sinte
Jansmisse Baptisten naestcomende ende soe voertaen zelen
gedueren den selven termyn, Ende dat zaken van deser
hueringen heeft de voirgenoemde Jan vander Eyken, gelooft
Idem
voir hem syn hoir ende nacomelingen, Te geven ende te betalen
den voerscreven Janne van Waven oft den brenger des briefs
Elcx jaers vanden voerscreven twaelff jaeren altyt tot
Sinte Jansmisse dairaff den jersten termyn van betalingen
syn sal van Sinte Jansmisse naestcomende, over een jaer
dair navolgende elf gouden Rynsguldenen ende eenen
halven elken van dien tot veertich grooten Vlaems gelts
dien
gerekent, sonder eenich wederseggen, Behoudelic dat
de selve Jan vander Eyken vanden voerscreven elff Ryns
guldenen ende eenen halven jaerlix gel in afcortingen
gulden ende betalen sal den chys vuten selven huyse
jaerlix gaende, gedragende, jaerlix veerthien scellinge
ende drie penninge groten Brabants gelts des in deser
hueringen oic besproken ende bevorweert, dat de voerscreven
Jan vander Eyken, tvoirgenoemde huys met allen synen toebehoerten
duerende de voerscreven hueringe van wande dake ende
anderen nooteliken reparacien sculdich sal syn te houden
ende te versiene ende de penningen dairaf te verleggene
op alsulken condicie, dat hem deen helft van dien
vutgeleeghden penningen, ten eynde vanden jersten sesse jaeren
ende dander helft dairaf ten eynde vanden lesten sesse jaeren
aende penningen vander voerscreven hueringen houdende afcortten
ende afslaen zelen
ultima may
soon Locas
doude
Gielis de Vos
Oestelle, Yngelram. Jan vanden Eynde van Antwerpen als gemaect ende inden
name van Pauwels van meerte, woenende inder selver stad van
Antwerpen, die hy in hem vervingh, hebbende deselve Jan
om tgene te doen van des voerscreven Pauwels wegen dat hier na
bescreven staet vanden selven Pauwelsen volcomen macht gelyc
ons dat by eender procuracien daer op gemaect ende bezegelt metten
zelvezegel ten zaken vander voirgenoemde stad van Antwerpen
claerlic bleeck, heeft vercocht Gielis de Vos den ouden en
duyfhuys metten lande daer aen liggende ende oic metten gronde etceterast:t;
tot Kathelinen van Quisthouts syns wyf
haeren
kende
houdende tot sinen behoef als tot synderst:t; tocht ende oic tot behoef
van Johannen de Vos onder dochter, als tot haerer erffelicheyt
Een duyfhuys metten lande daer aen liggende ende oic metten gronde etcetera
houdende omtrent een halff buender gelegen tot Neckerspoele inde
Boechoutstrate tusschen Henrix de Dryvere erve aen deen
zyde Jan Ghoetens des jongen erve aen dander zyde ende
een strate aldaer, aende der zyde. A Domino Mechliniensi, Waranderende. Opten chys
ende commer daer jaerlix vutgaende
Assignavit LIII Rinsgulden
III Juny