Blader door transcripties » Stadsarchief Mechelen

archieftoegang 2, inventarisnummer 949, pagina 116

De selve
dat den voerscreven Wouteren de Bonoepere toe plach te hoeren
ende dat Nichasius vanden Putte tot des voerscreven
goidshuys van Hanswycke behoef, tanderen tyden voir
achterstelligen chys die tselve goidshuys daerop heeft
werttelic vutgewonnen ende verreyct heeft, gelegen
buyten der Hanswycpoorten, tusschen Marien Cants
erve aen deen zyde ende Peters vander Hoeven erve aen dander
zijde. ^ A Domino Mechliniensi, Waranderende etcetera. Behoudelic den voerscreven
goidshuyse daerop synen voerscreven chyse ende allen anderen
dier voir ende na chys op hebben
XXI Juny tempore simile
Jan Raes
Borch, Cale. Jan Bake, wettich soone van Bartelmeus van
heeft Terve gegeven Janne Raes scepman, Een huys
metten hove gronde etcetera gelegen opten Cattenberch
tusschen Henricx Smet erve aen deen zyde ende Symon
Ruymelants erve aen dander zyde. A Domino Petro de
Herbeys milite. Te besittene op eenen erffeliken
chys van Twee gouden Rynsguldenen elken van
dien tot veertich grooten Vlaems gelts gerekent
Ende die te betalene altyt tot Sinte Jansmisse vutgenomen
Sinte Jansmisse nu naestcomende, Ende opten voirchys
vander weerden van eenen scellinge ende anderhalven
groten Brabants gelts dair jaerlix vutgaende, met
alsulker condicien dat de voerscreven Jan Raes sal moegen
lossen ende quiten altyt als hem dat gelieven sal
de voirgenoemde twee gouden Rynsgulden des voerscreven
chys tot met eenen Rynsgulden te male ende elken
Rynsgulden daeraf met sesthien geliker gulden
een ende met vollen chyse
IIII July
Symon de
Meye
Heffen, Dale, Katheline van Eyke met Gielise van volgen
den jongen haeren man heeft opgedragen ende overgegeven tot
behoef van Symon de Meyere huyvettere haer vyfstedeel ende
alle trecht dat sy hadde in een huys metten gronde etcetera gelegen
inde Adegeem strate opten hoeck vander Corter Clyppelstrate te
tusschen deselve strate, aen deen zyde ende wylen Geerds vanden
Beke erve aen dander zyde. A Domino Mechliniensi, Waranderende. Op dertich scellinge
Loevens twee capuyne ende de weerde van twee scellinge groten
Brabants vuten voerscreven geheelen huyse jaerlix gaende
VII may
Jan de Hooge
Lange, Keyenooghe. Jan de Hoeghe, heeft verreyct Een huys metten hove
gronde etcetera dat Willem Campen toe plach te hoeren, gelegen
in Sinte Kathelinen strate opten hoeck vander Begaertstrate
tusschen deselve aen deen zyde ende de der weduen ende kynderen erve
van wylen Wouteren vanden Zuyvene, Ex censst:t; streckende achterwerts
vlyet
totten va toe. Ex censst:t;
Ex censu
XI Juny tempore simile
deselve
Item. De selve Jan de Hoege heeft verreyct Een huys metten
gronde etcetera dat Augustyn Huyghs toe plach te hoerene, gelegen
in Sinte Kathelinenstrate tusschen Jans van Steenssele erve aen
deen zyde ende Joes de Hane erve aen dander zyde
Ex censu
ut supra tempore simile
Peter Boots et
uxore
Voesdonc, Lange, Dierick Adriaens tot behoef van jouffrou Lysbetten van
Steynemoelen heeft verreyctst:t; Peteren Boots ende van jouffrou
Lysbetten van Steynemoelen synen wive heeft verreyct Een
boeckstad metten lande daerom liggende gronde etcetera houdende
omtrent vyf dachwant gelegen tot heeft inde Byest,st:t; die
Kathelinen sustendys toe plach te hoerene gelegen tot Leest
inde Byest tusschen des voirgenoemde Peters ende jouffrou Lysbetten van
Steynenboelen erve aen deen zyde ende der selver Kathelinen
ander erve aen dander zyde, Ende een stuck eeussels metten
gronde etcetera houdende omtrent twee buenderen geheeten onder
eenicht dat oic der selve Kathelinen Castendys toe plach te
Hoevene, gelegen aldaer tusschen desselfs Peters ende jouffrou
Lysbetten syns wyfs erve aen deen zyde ende Meester Jans
vander Straten erve aen dander zyde
Ex censu
January tempore simile
Jan Hoolman ende Jan Cleren, als momboiren ende
inden name van Jacoppen, Claese ende Marien Sanders wylen
w Alexanders Sanders kynderen onder haer jaeren etcetera wesen
die sy in hen vervingen hebben by bywesene ende
volcomen consente van Gielisen van Ghestelle commoingmeester
van deser stad, Quytgesconden los vry ende ledich
Jacomynen vander Bruggen weduen vanden voirgenoemde wylen
Alexander Sanders ende der selver kynderen Sanders moeder
van allen den haeffeliken goeden die allen den selve
kynderen byder doot vanden voirgenoemde wylen Alexander
haeren vader, die der voirgenoemde Jacomen ierste man
was doen hy leefde in eeniger manieren gebleven
ende verstorven moegen syn ende alle andere dies quitancie
behoeven, geheelic ende al