Blader door transcripties » Stadsarchief Mechelen

archieftoegang 2, inventarisnummer 949, pagina 115

De selve
twintich ponden payments gemeyn ganck hebbende
jaerlix ende erffelix chys op eenen hof toebehoerende
Michielen vanden Broeke gelegen buyten der
kerchofpoorten inde Gortterstrate tusschen den
Scheyselberch aldaer aen deen zyde ende des voerscreven
gasthuys erve aen dander zyde, Ende van veerthien
scellingen ouder groten jaerliker ende erffeliker
renten opte stad van Mechelen verschinende ende
vallende jaerlix tot twee termynen wesende deen
helft daeraf op den sevenden dach van meerte
Ende dander helft opten sevenden dach van septembry
gelyc den brief daer op gemaect ende bezegelt
metten grooten zegel des voerscreven stad, dat claerlyc
vutwyst ende begrepen heeft. A Domino Mechliniensi, Waranderende etcetera
III January tempore simile
Jan Cornelissoon scipman ende Cornelis van Reseghem
met van svaders wegen, Jan Bol ende Mathys vanden Dale
vander moeder wegen, als momboiren ende inden name van
Janne
Jacop Bol
Lange, Borch. Jan Bol ende Jan Cornelissoon scepenen van svader
wegen, Cornelis van Resegheem ende Mathys vanden Dale
vander moeder wegen, als momboiren ende inden name van
Janne Bol, wettich soon van Jacoppen Bol, onder syne jaeren
wesende dien sy in hen vervingen, hebben Quytgesconden los
vry ende ledich den voirgenoemde Jacoppen Bol van allen den haeffeliken
goeden die den selven Janne Bol den soon, byder doot vanden
van wylen Cornelien Cornelis synder moeder, die
des voerscreven Jacops jersten wive in eeniger manieren gebleven
ende verstorven moegen syn ende alle andere dies quitancie
behoeven
IIII January
Puersse et
et des quitancie
passeert Peters
Lange, Borch. De selve Jacop Bol ende Jan Bol syn brueder, den
den voirgenoemde Janne Cornelissoon, Cornelisen van Resegheem
ende Mathys vanden Dale, als momboiren ende tot behoef
vanden voerscreven Janne Bol den soon, Tweentwintich gouden
Rynsguldenen elken van dien tot veertich grooten
Jan Bol
Vlaems gelts gerekent. Te betalene, bynnen eenen jaeren
tyts nu naest toecomende, Ende soe lange heeft de voirgenoemde Jacop
de vader gelooft den voerscreven Janne zinen soone, met hem bynen
synen huyse te houdene ende hem eten drincken cleederen
schoenen ende al tgene des synen leven noot syn sal, tamelic
te geven ende te adminsteene ende oic den selven ter scholen
houden gaende tot die hy tamelic ende tot eenen ambachte
te voeren tot dat hy Redelic sal connen lesen ende screven
ende oic tot eenen ambachte te vuegen, tot sonder mindenisse
vander voerscreven scult, Ende om der meerder zekerheyt den
voirgenoemde Janne vol den soon vander betalingen der voirgenoemde
scult ende oic vanden voerscreven gelooften te doene, Soe hebben
deselve Jacop ende Jan Bol syn brueder, die den voirgenoemde
momboiren, tot des voerscreven Jans des soons behoef daervoer
verbonden alle haere haeffelike goeden waer die bevonden
zelen worden, zunderlinge de voirgenoemde Jan Bol syn huys
metten hove ende met eenen anderen huyse daer achterstaende
gelegen byde Veemarct van Mechelen in Sinte Jans prochie
tusschen Jans vanden Dorpe erve aen deen zyde ende vallenst:t;
Alaert Alaerts erve aen dander zyde, op sesthien scellinge
groote Brabants gelts dair jaerlix voir vutgaende, Te
IIII Jan
Barble Zels
cum tutore
Lange borch, Katheline Zeels heeft vercocht Barblen Zels haerer
zustere, haer helft van vier pond payments jaerlix ende
erffelix chys die de voirgenoemde het Katheline hadde optest:t;
ven huys metten Twee huysen metten hove
gronde etcetera daeraf deen Lodewyck Ryns ende dander Willem
Belyen toebehoeren gelegen deen neven dander inde
Aedeghemstrate tusschen Vrancx van haer halven huysvrouwe
erve aen deen zyde ende Henricx de Cale erve aen dander
zijde. A Domino Mechliniensi, Waranderende etcetera.
Assignavit X stuvers eens
tutore
Gheerd vander
Mere
Pot Retro suo
Voesden Keynoegen brueder Jan Adriaens priester prioer des godshuys
van Hanswycke staende, by deser stad inden namest:t; by bywesen
ende volcomen consente van brueder Willemen van Hazeldonck
oic priest ende Religieux desselfs goidshuys, heeft inden
name ende om des meests orboirs ende profyts wille
vanden selven goidshuyse opgedragen ende overgegeven
tot behoef van Gheerde vander Byest, diemen heet
vander Mere, Een huys metten hove gronde