Blader door transcripties » Stadsarchief Mechelen

archieftoegang 2, inventarisnummer 949, pagina 114

de selve
in hem vervinghe, hebbende deselve Godevaert om tgene te
doen dat hierna bet te doen vander voerscreven Barblen wegen
dat hierna bescreven staet vander selver
erffeliken chys van elff gouden Rynsguldenen elken
van dien tot veertich grooten Vlaems gelts gerekent, Ende
te betalene altyt tot Kersmisse, Ende opten voirchys
van Eenen chys sesse chysguldenen acht scellinge ende
vyf penninge Loevens vier gouden Peters elken van dien
tot sessendertich grooten Vlaems gelts gerekent erffelic
ende toe van drie gelike Peters lyfpensien staende ter
live van Claes vander Moelen visschere, dair jaerlicx
vutgaende, met alsulker condicien dat de voirgenoemde Machiel
ende syn wyf zelen moegelen lossen ende quiten altyt als
hen dat gelieven sal, de voerscreven elff gouden Ryns
gulden des voirgenoemde chys tot twee malen ende niet men
ende elken Rynsgulden daeraf met sesthien gelyker
guldenen eens ende met vollen chyse
Assignavit XI Rinsgulden erffelicx
den XXVI denier
III January
Gielis van
Quayribbe
et uxore
Borch, Keynoogge. Jan Leysman van Leest heeft vercocht Gielis
van Quaeyribbe tot sinen ende Margrieten Leyman syns
wyfs behoef, syn helft ende alle trecht die hy hadde
ende hem byder doot van wylen Willem Leyman ende
wylen Margrieten Schouthaens synen vader ende moeder
gebleven ende verstorven ie syn in een huys metten
vut geheel
hove gronde etcetera houdende omtrent een vierendeel gelegen
tot Leest aende Cleyn heyde tusschen Vrancx van Halen
erve aen deen zyde ende een straetken aldair, aen
dander zyde, Ende syn helft in een stuck lants
metten gronde etcetera geheeten den Walsschaert houdende
int geheel omtrent een vierendeel, gelegen aldaer
aen Rennecouter, tusschen tselve contst:t; den selven
Coutere aen deen zyde ende Jan Bogaerts erve aen
ende commer
dander zyde. A Domino Mechliniensis, Waranderende. Opten last dair jaerlicx
vutgaende
Assignavit V Peters eens
ut supra tempore simile
heer ende
Borch, Keynoege, Meester Geerdt Belleman priester heeft
opgedragen ende overgegeven tot behoef van Gielise Vrancx
de helft vanden erffeliken ende onveroirliken goeden metten
gronde ende allen haeren toebehoerten, hier na bescreven ierst
van twee huysen metten hove vutgaende, tot in een cleyn
Gielis Vrancx
strate gelegen deen neven dander opte dekenie in Sinte
Kathelinen prochie tusschen Henricx Zurple diemen heet van
Beringen erve aen deen zyde ende Wouters vander Straten
erve aen dander zyde. Item van eenen stuck beempts houdende
int geheel omtrent een vierendeel, gelegen tot Battele, tusschen
des gasthuys erve van Sinte Kathelinen bynnen Mechelen
aen deen zyde ende der vroeghmissen erve bynnen Sinte
Rommonds kerke van Mechelen aen dander zyde. Item van
eenen stuck beempt houdende oic omtrent een vierendeel
gelegen aldaer, tusschen der selver vroeghmissen erve
aen deen zyde ende der taflen des Heylichs Geests erve van
Onser Vrouwen bynnen Mechelen aen dander zyde. Item
van een stuck lants houdende int geheel omtrent drie
vierendeelen, gelegen tot Hoebergen buyten Sinte Kathelinen
hy de voerscreven
poorte tusschen Gielis Vrancx erve aen deen zyde ende
Vrouwen Margrieten van Herlaer, heer Jans van Sinte Goeris
Ridders huysvrouwe erve aen dander zyde. Item van een stuck
beempt houdende int geheel omtrent drie vierendeel gelegen
aldaer, tusschen desselfs Gielis Vrancx erve, aen deen zyde
ende Jan Schoofs erve aen dander zyde. Item van Sesse pennigen
vyf scellinge groote Brabants gelts jaerlix ende erffelix chys
op een hoeve ende hof met allen haeren toebehoerten geheeten
tHof te Blarenberge, der voerscreven Vrouwen Magrieten van
Herlaer toebehoerende, alsoe die in diversen stucken tot
Hoebergen ende daer omtrent gelegen syn. Item van eenen
stuck beempts houdende int geheel omtrent twee buenderen
ende een half gelegen tot Hevere, tusschen Peter Caluwaert
erve aen deen zyde ende der weduen ende kynderen erve van
wylen Anthoenis Boom, aen dander zyde. Item van drie ponden
vyfthien scellinge groten Brabants gelts, jaerlix ende erffelix chys
op zekere goeden die wylen Meester Pauwels Vos, de
priester doen hy leefde toe plagen te hoerene, alsoe die
selve inde prochie van Hevere gelegen st:t; in diverse
parcheelen gelegen zyn. Item van Achtien scellinge ende
Sesse penninge groten Brabants gelts jaerlix ende erffelix chys
op zekere goeden den voerscreven Peteren Caluwaert toebehoerende
inde voerscreven prochie van Hevere in diverse parcheelen
gelegen. Item van twee scellinge groten Brabants gelts oic jaerlicx
ende erffelix chys, op zekere goeden Peteren vander Hoeven
toebehoerende, aldaer oic tot Hevere gelegen. Item van twintich
mottoenen tot veerthien groten Brabants gelts elken daer
afgerekent d ende van twaelf veertelen Rogs
jaerlix ende erffelix chys ende pachts op zekere goeden
toebehoerende der jouffrou van Steynemolen, Peter Boots
wive, tot Leest in diverse parcheelen gelegen. Item van