Blader door transcripties » Stadsarchief Mechelen

archieftoegang 2, inventarisnummer 949, pagina 113

Gielen vander Greck
al van Aelst
in hem vervinghe, hebbende deselve Godevaert om tgene
den st:t; dat hier na bescreven
staet vander selver Kathelinen ende Henricken Pyvaerts
haeren man volcomen macht gelyc ons dat by eender
procuracien daer op gemaect ende bezegelt metten zegel ten
zaken vander stad van Lyere, claerlic bleeck voir dander
helft, hebben vercocht Gielisen vander Gracht diemen
heet van Aelst, Een stuck lants metten gronde etcetera
geheeten den Bogaert, gelegen tot Gheerdegheem tusschen
Jan Machtelmans erve aen deen zyde ende wylen Jan
Staes erve aen dander zyde. A Domino Mechliniensi, Waranderende. Sonder
eenigen commen oft last dair jaerlix vutgaende
erffelicx
XXa decembris
Jan Smet
Voesdonc, Borch. Jorys Cleynaert heeft vercocht Janne de Smet
Wullenwevere, drie gouden Rynsguldenen, elken van dien
tot veertich grooten Vlaems gelts gerekent erffelix chys
de heffene altyt tot Kersmisse Op ende aen des voerscreven
Veemarct van Mechelen opten hoeck vanden Ploechstraetken
Jorys huys oft camere metten gronde etcetera gelegen opte
tusschen tselve straetken aen deen zyde ende Henricx de
Moldere erve aen dander zyde, streckende achterweerts tot
des voerscreven Henricx de Moldere hove toe. A Domino Johanne Weens
penningen
Prio, Waranderende. Op drie capuynen achtien penningen
eenen halven ende een vierlinc Loevens tweendertich
pond payments ende een pond groote Brabants gelts
dair jaerlix voir vutgaende, Ende om der meerder
zekerheyt den voerscreven Janne de Smet vander
betalingen des voerscreven chys te doene, Soe heeft
de selve Jorys den selven Janne daervoir verbonden
alle sine haeffelike goeden waer die bevonden
dander
zelen worden ende oic alle sine erffelike goeden
metten gronde etcetera bynnen etcetera gelegen, presenta et
futura.
Assignavit den XXVI denier
Ultima decembry
Andries
Kelderman
Borch, Keynooge, Denys Crabbe, heeft vercocht Andries Kelderman
wettich soon van Meester Andries Kelderman, Een huys
metten hove gronde etcetera gelegen in Sinte Kathelinenstrate
tusschen heer Jan Boeventhuys priesters erve, aen deen zyde
ende Wouters van Battele erve aen dander zyde, streckende
achterweerts metten voerscreven hove, totten watere toe aldaer
A Domino Mechliniensi, Waranderende. Opte weerde van Acht scellinge ende vier
penninge groote Brabants gelts erffelic ende drie gouden
Rynsguldenen, elken van dien tot veertich grooten
Vlaems gelts gerekent jaerliker lyfpensien staende ten
live van Heylwych Dierix dair jaerlix vutgaende
Assignavit X Rinsgulden
III January tempore simile
De Bertelmeus
de Smet
Borch, Keynooghe. Margriete de met diemen heet Int Moelenysere
wettige dochter van wylen Tyelman, de met diemen
heet int Moelenyser met Hubrechten de Moinck haeren man
heeft bewesen over van Buedeghem tot behoef van
ende ten live van Brueder Bartelmeus de Smet diemen heet
int Moelenyser haeren brueder negen gouden Rynsgulden
elken van dien tot veertich grooten Vlaems gelts gerekent
jaerliker lyfpensien, Te heffene altyt opten vierden dach
van Octobry Op ende aen der voerscreven Magrieten stuck lants oft
blocx metten gronde etcetera houdende een buender oft een luttel
meer gelegen buyten de Oeverste poorte inde Broecstrate
tusschen Gielis Vrancx erve aen deen zyde ende Jan Halfbuender
erve aen dander zyde. Item op haer huys metten hove
gronde etcetera gelegen buyten der voerscreven Oeverster poerten, tusschen
den ganck vanden vesten van Mechelen, aen deen zyde ende
Jans vanden Spykere erve aen dander zyde, Ende op haere
drie huysen metten hoven gronde etcetera gelegen deen neven
dandere buyten der selver Oeversterpoorten, tusschen Aerts
vanden Scryeke huys aen deen zyde ende Jans vander Stichelen
diemen heet Vuysken erve aen dander zyde. A Domino Mechliniensi, Waranderende.
op vier gelike Rynsguldenen erffelic daer jaerlix voir
vutgaende
ut supra
Machiel van
Lovene et uxore
Jan
Broech, Keynooge, Jan Rommont diemen heet int Paradys heeft
Terve gegeven Machiel van Loevene ende Kathelinen sVos
o synen wive, Een huys oft woeninge geheeten de
selve een stere metten gronde etcetera gelegen byde Grootbrugge
tusschen een huys de Moor geheeten toehoerende den ambachte
vanden hoveneren bynnen Mechelen aen deen zyde ende een
huys den Luypaert geheeten, toehoerende Jans de Hoeymakere
wive, aen dander zyde. A Domino Mechliniensi. Te besittene op eenen