Blader door transcripties » Stadsarchief Mechelen

archieftoegang 2, inventarisnummer 950, pagina 93

Lysbeth Vlemings
Consaert Roebosch, Henrick Wychman ende Martine vanden Bloke
syn wyf, hebben vercocht Willeme van Haecht ende Willeme
Cokeroel, als momboiren ende tot behoef van Lysbetten Vleming
wylen Jans dochter, drie gouden Rynsgulden elken van dien
tot veertich groten Vlaems gelts gerekent, erffelix chys, die sy
hadden, Op een huys metten hove gronde etcetera, toebehoerende
Adriane Tack, gelegen over de Corenmarct inde Hooghstrate
tusschen der weduen erve van wylen Willem vanden Holze
aen deen zyde ende Costen Gommaers spellemakers erve aen
dander zyde, A beneficiaten de Zellaer, Waranderende. Op vier chysgulden
ende vyf oude grote Turnoyse daer jaerlix voir vutgaende
Assignavit den XXVI denier
XXIII octobry
Jan van Meeussele
Steynemoelen, Lange. Katheline sGreven met Janne vanden Rode haeren
man, heeft vercocht Janne van Meeussele, haer drie vierendeel
die sy hadde in een huys metten hove ende metten rechte
van eenen wege tot eenen putte ende oic metten gronde etcetera
gelegen inde Oeverstestrate over de Corenmarct van Mechelen
tusschen Jans de Neve Smets erve aen deen zyde ende
Adriaen Tack erve aen dander zyde. A Domino Barbara Schoofs
Waranderende. Op neghen penninge Turnoyse, vier capuyne, drie pondt
vyf scellinge payments ende zesse gulden vuten voerscreven geheelen
huyse met synen voerscreven toebehoirten, jaerlix gaende
Assignavit IIII Rinsgulden erffelicx
den XVI denier
XXIIII July
Katlyne sGreven
Item. De voirgenoemde Jan van Meeussele, heeft bewesen de voirscreven
Kathelinen sGreven tot haeren live, Twee gouden Peters elken
van dien tot sessendertich groten Vlaems gelts gerekent, jaerliker
lyfpensien, Te heffene altyt tot Sinte Jansmisse, dairaff
den jersten termyn van betalingen syn sal tot Sinte Jansmisse
naestcomende Op ende aen des voerscreven Jans drie vierendeelen
vanden voerscreven huyse boven genoemt. Barbara schen
Waranderende. ut supra
ut supra
Lysbeth Vleming
Hulst, Consaert Gheerdt de Wale heeft vercocht Willeme Coliers
ende Janne van Halle, als momboeren, ende tot behoef van Lysbetten
Vlemings wylen Jans dochter, Twee gouden Rynsgulden, elken
van dien tot veertich groten Vlaems gelts gerekent, erffelix chys
Te heffene altyt tot twee terminen, Te wetene deen helft dairaff
opten jersten dach van februario ende dander helft opten jersten dach
van Augusto, daeraf den jersten termyn van betalingen syn sal
opten jersten dach van februario naestcomende, Op ende aen des voerscreven
Gheerds huys metten hove gronde etcetera gelegen inden Nieuwen boven
tusschen Henrick Bliecx erve aen deen zyde ende Jacops van Esscha
erve aen dander zyde. A Domino Johanna vander Aa, Waranderende etcetera
acht chysgulden daervoir vutgaende
Assignavit den XXVI denier
XXVIII July
de kynderen Jans
by Voswinck
kynderen alsoe wel meyskens als knechtkens ende te knechtkens als
Hulst, Vos. Jan van Voswynkele ende Katheline Spidders syn wyf
hebben gewilt ende openbairlic voir ons geordineert, dat alle haer
meyskens evengelycst:t; die sy nu tertyt deen vanden anderen vercregen
hebben ende hier namaels oic vercrigen zelen, Evengelyc ende in geliken
deele ende porcien hebben aenveerden houden ende deylen zelen alle haer
haeffelike ende erffelike goeden wair die bevonden zelen worden die
na eensyegelycx doot van hen beyden in eeniger manieren zelen
bliven
XXII tempore simile
huys vanden
Aerden
Hulst, Vos. Jan Barbier tot behoef vanden huyse vanden Begaerde
erffelike
bynnen Mechelen, heeft verreyct de goeden metten gronde etcetera heeft
na bescreven, die wylen jouffrou Margrieten Doemdaechs wedue
van wylen Henricken de Boutte toe plagen te hoeren, heeft een stuck
lants houdende omtrent seven vierendeel gelegen tot Heffene tusschen
de Watermoelen ende de Wintmoelen, ende tusschen wylen Florys van
Merchteren erve aen deen zyde ende Jacops Eynaerts erve aen dander
zyde. Item een stuck beempts houdende omtrent een half buender gelegen
aldair int die Diepbroeck tusschen der kysten ende der infirmarien
vanden crancken beghynen bynnen den beghynhove van Mechelen
eenen, aen beyden zyden. Item een stuck lants houdende omtrent drie
vierendeel ende een half gelegen aldair op Heffendervelt aende huysen stappen
tusschen des voirgenoemde wylen Florys erve aen deen zyde ende Peters
Merssoels erve aen dander zyde. Item een stuck lants houdende omtrent
anderhalf vierendeel gelegen aldair, tusschen wylen Spynters van
Merchteren erve aen deen zyde ende wylen Jan Bogaerts erve aen dander
een
zyde, ende een stuck lants houdende omtrent een half buender, gelegen
aldair gelic aenden wech, tusschen den selven aen deen zyde ende
Jans de Cale erven aen dander zyde, Ende een stuck beempts geheeten
gelegen aldaer
den Tabacker, tusschen de Zenne aen deen zyde ende des ambachts
vanden metsere erve bynnen Mechelen et aen dander zyde. Ex partu
XXIX July tempore simile
#
Pels vanden oft
Steynemoelen, Hulst, Gielis vander Most, Aerts sone heeft verreyct, Een huys
dat wylen Wille vander Most toe plach te hoeren
metten hove gronde etcetera gelegen tot Leest byden Scheurcapenen tusschen
des goidshuys van Roesendale erve aen deen zyde ende Martens vanden
Brande erve aen dander zyde. Item een stuck lants metten gronde etcetera
omtrent een vierendeel, dat den voerscreven wylen Willem toehoirde
gelegen aldaer tegen over tusschen Jans van Schoeten erve aen
deen zyde ende Gielis vander Elst erve aen dander zyde, de
een stuck lants houdende omtrent een half vierendeel dat oic de
voerscreven wylen Willem toe plach te hoeren gelegen aldair, tusschen
wylen Jans vanden Walle erve aen deen dezyde ende de
Heerstrate aen dander zyde, betale parte voir
achterstelligen lyfpacht van drie veertelen Rogs die de voergenoemde
Gielis vander Most duerende dleven van Margrieten vander Heyden
dair op heeft
Ut supra