Blader door transcripties » Stadsarchief Mechelen

archieftoegang 2, inventarisnummer 950, pagina 94

Vrouwen van
Herlaer
Hulst, Vos. Jan Scholier tot behoef van Vrouwen, Margriete
van Hoelaer weduen van wylen heer Jans van Sinte Goericx
Ridders, heeft verreyct alle de erffelike goeden metten gronde
groten die wylen Reyneren de Heelt ende jouffrouwen Lysbetten
van synder huysvrouwen toe plagen te hoeren bynnen der
vryheit vander stadt van Mechelen gelegen. Ex vitali pete
Decem Petron Anno Domino Domina Margariete sua via daer
haer zaberen costitus ad oic hove
XX July
Heer Peter Pauwels
priester
Hulst, Consaert Herman Dynen Herman van Blakenen ende
Lodewyck Grymaer als momboer ende inden name van
Henricken van Berge wylen Henricx van Berghen natuerlic
zone die sy in hen vervingen hebben openbaerlic voir ons
bekent dat hen heer Peeter Pauwels priester, die vanden
Renten der vissaert van Loeven, mids der doot vanden
selve wylen Henricken Regeerde ende momboer gestelt is vanden
Henricken den naturliken over boede ende rechtendeghe
Rekeninge ende bewys gedaen heeft van alle den goeden
hoedanich die wesen moegen, die den selven Henricken
den natuerliken soon, byder doot vanden voirscreven wylen Henrick
van Bergen synen vader in eeniger manieren toecomen bleven
ende verstorven syn, Ende sunderlinghe van vyf pond vyf
scellinge grooten Brabants gelts ende van drie peters jaerlike
lyfpensien, die de voirscreven Henrick de sone tot sinen live
heeft opte Denamen onser genadige heeren, op haerer stad
van Antwerpen ende op tgodshuys van Lelyendale
Ende daeraf ende oic van al tgene, dat de voirscreven momboir
den voirscreven heeren heeter vut zaken van dien synen bewinden
ende Regimente dat hy van Sinte Kathelinen daghe int
jaer van drientachtentich lestleden tot desen daghe
toe gehadt heeft in eeniger manieren souden moegen
heysschen, hebben de voirgenoemde Herman ende Herman ende
Lodewyck als momboir ende inde name als voir ons
Quytgesconden los vry ende ledich, den voirgenoemde heeren
Peeter Pauwels ende alle andere dies quitancie
behoeven geheelic ende al
Ultimay tempore simile
Pas
Ambacht vanden
van Quaribbe
Dyest, Hulst. Gheerd Gaesbeke, heeft vercocht Janne de
Cale, Gheerde vanden Eynde Janne vander Strate ende Remeys de
Vos als gezwoerne ende tot behoef vanden ambachte vanden Beckere
bynnen der voirscreven stad, Twee gouden Rynsguldenen, elken van
dien tot veertich grooten Vlaems gelts gerekent erffelicx chys
Te heffene altyt deen helft daeraf tot Kersmisse ende
dander helft tot Sinte Jansmisse Op ende dien syn huys
metten hove gronde etcetera gelegen in Onser Vrouwen strate
vander selver stad tusschen eenen wech ende waterscap
gaende totter deelen aen deen zyde ende des huys vander
zyeder
zekerken erve aen dander zyde. A Domino Mechliniensi, Waranderende. Op drie
pond payments ende elf gelike Rynsgulden ende vanden voirscreven
pryse daer jaerlicx voir vutgaende, met alsulker condicien
dat de voirscreven Gheerd van Quaeyribbe sal moegen lossen ende
quyten altyt als hem dat gelieven sal de voirgenoemde twee
gouden Rynsgulden des voirscreven chys tot twee malen ende
Ryns
elken gulden daeraff met zesthien geliker Rynsgulden eens
ende met vollen chyse
Assignavit den XXVI denier
III augusty
de
thuys vander
vuldicheyt
twintich Roeden
hy
Hulst, Vos. Aert Cleynaerts als rentmeester ende tot behoef vanden gasthuyse
vander Heyliger Drievuldicheyt staende by Sinte Kathelinen poirte van Mechelen
houdende omtrent een half buender
heeft verreyct, Een stuck lants metten gronde etcetera dat toe te behoeren plach den
weduen ende kynderen van wylen Joes van Boesschot gelegen buyten deen
Bruesselpoirten tusschen de veste aldair aen deen zyde ende wylen Henrick
Zellincx erve aen dander zyde
Ex partu
VII Jan
tselve
Item. De selve tot behoef als boven, heeft verreyct, Een huys metten
gronde etcetera dat Jorys de Weend toe plach te hoeren gelegen aen Sinte
Jans kerchoff int Stoefstraetken aldair tusschen Jan Provens erve
aen deen zyde ende dwaterscap aldaer aen dander zyde
Ex censu
ut supra tempore simile
tselve
Item. De selve tot behoef als boven, heeft verreyct Een huys metten
gronde etcetera dat Kathelinen Stuers Jacops vanden Eynde wyf tot
te behoeren plach gelegen inde Ierste Vleeschouwerstrate, tusschen
wylen Gommaerts van Lyere erve, aen deen zyde ende wylen
Kathelinen van Puersse erve aen dander zyde
Ex censu
ut supra
tselve
Item. De selve tot behoef als boven, heeft verreyct, Een huys metten
gronde etcetera dat Diericken de Cuypere toe plach te hoeren, gelegen
inde Steenstrate, tusschen
Ex censu
ut supra tempore simile