Blader door transcripties » Stadsarchief Mechelen

archieftoegang 2, inventarisnummer 950, pagina 92

Henrick de Lange
Consaert Roebosch, Yde vanden Wynckele wylen Oliviers vanden
Wynckele dochter cum tutore, heeft vercocht Henrick de Lange
onsen medescepene, Twee scellinge ende drie penninge groten
Brabants gelts erffelix chys, die sy hadde opte helft
van vier huysen metten hove gronde etcetera toebehoerende Rommonde
Godevaerts spellemakere, gelegen deen neven dandere buyten
de Hanswycpoirten inde Rechtstrate opten hoeck vanden
Clussenstraetken, tusschen tselve straetken aen deen zyde ende
Cornelis Van Orssagen erve aen dander zyde. A Beato Rumoldo, Waranderende.
op Sesse chysgulden vier scellinge Loevens ende twee scellinge
ende drie penninge der voerscreven groten Brabants gelts vuten voerscreven
vier geheelen huysen metten hove jaerlix voir vutgaende
Assignavit
XVI July
metsere, cum tutore, heeft opgedragen haer tocht die sy hadde
de Martens wedue van wylen Henricken Smet
van wylen Peteren vander Capellen beghyne cum tutore heeft
jouffrou Katheline vander Capellen natuerlike dochter
Opgedragen ende overgegeven tot behoef van Janne vander Heyden
ende van Heylwych Wessele synen wive, Twee gouden Rynsgulden
van haeren sesse gouden Rynsgulden, elken van dien tot veertich
groten Vlaems gelts gerekent, erffelix chys, die sy heeft, Op ende
twee huysen oft cameren met eender stoven achter de selve huysen staende
ende oic met eender poirten weghe hove gronde etcetera streckende achterweerts
totter Delen toe die wylen Jacoppen Helleman toe plagen te hoeren ende
die nu den selven Janne vander Heyden ende synen wive toebehoeren
gelegen inde Lange Scipstrate tusschen der weduen ende kynderen erve
van wylen Anthoenis Caluwaerts aen deen zyde ende Claes de
Vos erve aen dander zyde. A Domino Mechliniensi, Waranderende etcetera.
de fabrike ende
tafle van Ons
Vrouwen
Dyest, Langhe. Jan de Langhe, doude rentmeester van deser
stad inden mogen van jouffrouwen Kathelinen van Duffele
diemen heet Berthout ende vanden anderen kynderen van
Duffele, die hy in hem verving hebbende van haer vutgene
te doene dat hier naer bescreven staet volcomen
macht gelyc ons dat by eender gemacien bezegelt
metten zegel ten zaken der selver stad, claerlic bleken
Peter van Yetegheem ende Lysbeth van Yetegheem syn
de selve
onde etcetera
zuster met Rommond Rabor haeren man ende momboer inden
name van hen selven ende oic inden name vanden anderen haeren
medeplegeren vanden name van Yetegeem die sy in hem vervinghen
inde naem van hen selven ende
van des vaders zyden, Meester Jan van Ophem inden name van
Janne van Ophem synen oom ende van allen den anderen synen
medeplegeren in desen die hy byder macht hen oic gegeven
in hem oic vernuegt, gelyck ons dat byden brieven daer
af synde claerlic oic bleke, Ende Lodewyck Yngelram
ende Willem vander Heyden inden name van hen selven
ende oic vanden anderen hueren medeplegeren, die sy in
hen oic vervinghen als vander moeder zyden, alle als
erfgenamen ende naeste magen van wylen jouffrouwen
Margrieten van Duffele wylen Jans van Haeren haers
leste mans huysvrouwen, doen sy leefden, hebben opgedragen
ende overgegeven tot behoef vander fabriken vander
prochiekerken van Onser Liever Vrouwen bynnen Mechelen
voir deen helft ende oic tot behoef vander taflen des Heylichs
Gheests vander selver kerken voir dander helft, in puerder
aelmoessene ende voir de zalicheyt vander zyelen vander voirgenoemde
wylen jouffrou Magriete, Een huys geheeten den Wildeman
met
metten hove ende met twee cleynen huysen ende eenen stalle daer achter
staende in alle der mammeren als de voirgenoemde wylen jouffrou Magriete
van Duffele ende wylen Jan van Haren haer te man doen sy leefden
dat te samen besaten, gelegen inde Aedegeem strate opten hoeck
vander Raemstraten, tusschen deselve strate aen deen zyde ende
der weduwen ende kynderen Havermans erve aen dander zyde
streckende achterwerts tot aen Jan Schoofs erve. A Domino Mechliniensi, Waranderende.
opten chys daer jaerlix vutgaende Jan Weet ende van Geylen totter
voirscreven fabriken ende van Marchaer totter voirgenoemde taflen des Heylichs Gheests vander
voirscreven geheelen behoef werde daerinne gegoet ende geerft
I
XVI July tempore simile
executeurs des
testaments wylen
syns van Haren
Dyest, Langhe. De voirgenoemde Jan de Langhe ende de voirgenoemde erfgenamen
ende namen als boven hebben openbaerlic voir ons bekent
dat heer Merten Hellinc priester Jan Marchant Jan Weed ende
Jan Gheylinc, als executeur vanden testamente ende vutersten wille
vanden voirscreven wylen Janne van Haren, henlieden geheel ende al
voldaen vernuegt ende gecontenteert hebben van alle der hanteringe
hantplichtingen ende bewinde die sy van allen der voirscreven
wylen jouffrouwen Margrieten van Duffelen des voirscreven wylen
Jans huysvrouwe goeden doen leefde gehadt hebben, Ende
daer af ende oic van al tgene dat sy henlieden vut zaken van dien in
eenige manieren soude moegen heysschen, hebben de voirscreven erfgenamen
quytgesconden los vry ende ledich, den voirscreven Executeurs ende alle
andere dies quitancie behoeven geheelic ende all
supra tempore simile