Blader door transcripties » Stadsarchief Mechelen

archieftoegang 2, inventarisnummer 950, pagina 91

Jouffrou Barble van
Duffle alias Berthout
Dyest, Hulst. Jouffrou Katheline van Duffle, heeft opgedragen
ende overgegeven tot behoef van jouffrou Barblen van Duffle
haer
alias Berthout haer zuster alle alsulkenst:t;alsst:t; de
sy heeft ende
toecomen ende verstorven syn
haer byder doot van wylen Margrieten van Duffle wylen Jans
van haren wyf inst:t; in alsulken haeffelike ende anderen goeden
als de voirscreven wylen Magriete achter zelve
wair die gelegen syn, toecomen ende verstorven syn Transfene
de selve jouffrou Katheline, alle de voerscreven goeden inden persoen
der selver jouffrou Barblen haer zuster, willende oic dair toe ende
consenterende dat de selve jouffrou Barble metten selven goeden
sal moegen ordineren ende disponeren gelyc met haeren anderen propre
goeden den wederseggen van yemande daerinne niet tegenstaende
XIIII July tempore simile
syn wyf
Jan Vrients ende
Dyest, Coesaert. Claes Schoof, wylen Jan Schoofs soone, heeft vercocht
Janne Vriends tot synen live ende oic tot behoef ende ten live van
Lysbetten vander Berct syns wyf ende tot des langstlevende live
van hen beyden, Twaelf veertelen Rogs goede etcetera Mechelscher
maten, jaerlix lyfpachts, Te heffene altyt tot Kersmisse, dair
af den jersten termyn van betalingen syn sal tot Kersmisse
naestcomende Op ende aen desselfs Claes hoeve metten huysen
schueren bogaerden beempden eeusselen wynnende lande ende allen
houdende is geheel omtrent achtentwintich buender
anderen haeren toebehoirten in alle der manieren ende alsoe die in diversen
parcheelen ten Bruyne cruyce gelegen is ende den selven Claese
inder scheydinge ende deylingen tusschen hem ende Janne Schoof
synen brueder geschiet ende gemaect, aengedeylt es geweest. A Domino Mechliniensi,
Waranderende etcetera
ut supra
de
Jan de Gorttere
Joes de Coestere
Lange, Vos. Jan de Gorttere wylen Willems sone heeft bekent
dat hy verhuert heeft, Joesen de Costere ende Kathelinen van
Bersselt synen wive woenende tZempse ouder myn joncheer van Gre
ende de selve Joes ende Katheline syn wyf hebben oic bekent dat
sy tegen den selven Janne de Gorttere gehuert hebben, Syn
hoeve metten huysen schueren hove bogaerde landen eeusselen
Bosschelkens ende anderen haeren toebehoirten tot Zempse, Eenen
termyn van thien jaeren langh geduerende ende deen na
dander, sonder middel volgende, die inne gingen ende begonsten
tot halff meerte lestleden, ende soe voertaen den selven
termyn geduerende. Behoudelic oft eenich vanden voerscreven
de selve
partien ten eynde vanden jersten vyf jaeren souden wille vanden
anderen scheyden, dat sy dat zelen moegen doen, maer zelen dat
den anderen sculdich syn een half jaer te voren te seggen, Ende
hebben de voirgenoemde Joes ende Katheline syn wyf, gelooft ende elc van
hen besundert ende voir al, ongevrydt naer der divisen recht Te geven
te betalen ende te leveren, vut zaken vander voerscreven hueringen den
voerscreven Janne de Gorttere oft den bringer van desen, bynnen Mechelen
ter plaetsen dair hem dat gelieven sal, Elcx jaers vanden voerscreven
thien jaeren altyt tot Kersmisse, sessendertich veertelen Rogs
Mechelscher maten van alsulken Rogge als by tyden opte voerscreven
hoeve wassen sal ende oic twee pondt vyfthien scellinge grote
Brabants gelts, dair af den jersten termyn van betalingen syn sal
tot Kersmisse naestcomende, des es in deser hueringen tusschen den
voerscreven Janne de Gorttere ende den voirscreven Joose ende synen wive ondersproken
ende bevorweert, Ende de selve Joes ende syn wyf hebben dat oic
toegeseyt te doene dat sy alle jaer den voerscreven tyt geduerende opte
voerscreven huysen zelen decken oft doen decken vier dagen tusschen Paesschen
ende Bamisse dair toe zelen sy leveren stroo eenen deckroeden ende den
moutcost voir de weerleden, ende de voerscreven Jan de Gorttere sal betalen
de dachmeren. Item dat sy de wanden vanden voerscreven huysen tot haeren
afscheyden zelen laten in alsulken state ende reke als sy die te
aenveerdene vander selve hoeven bevinden zelen. Item dat sy oic tot hueren
afscheydene opte voerscreven hoeve laten zelen twintich schavoeden meester
ende twintich Mandelen stroot, Ende oft des me oft stroot meer ware
dat sal de voerscreven Jan de Gorttere behouden tot goeden mannen pryse ende
capain. Item dat sy den voergenoemde hoff bethuynen ende beheymen
zelen ter straten waert sonder des voerscreven Jans cost oft last, Ende
dat sy alle de thuynen tot hueren afscheydene vander voerscreven hoeven
laten zelen in alsulken state als sy die ten aenveerdene vander
selver hoeven bevinden zelen. Item dat de selve Jan sal lesen ende
hebben vuten bogaerde den besten Truytboom die hem gelieven sal
Ende zelen de selve man ende wyf alle dander quytboome behoef behouden
Item zelen de selve man ende wyf, voir elke veerderde wilgen setten
twee wilgen poten ende dair toe zelen sy oic setten opte selve hoeve
ter plaetsen als den selven Janne gelieven sal, twalf wilgen poten
Ende dat sy oic alle de Struvewilgen tot haeren afscheyden laten
zelen als sy die ten aenveerdene vander selver hoeven beneden zelen
hebben voirt meer gelooft de selve man ende wyf ende elc van hem
besundeert als boven, den voerscreven Janne de Gorttere te betalene tusschen
dit ende half oeghst naestcomende Sesse sacken Rogs der voerscreven maten
eens, die Jan wylen Jan Moeleman, den selven Janne tachter ende
sculdich bleven is, sonder eenich wederseggen
XV July