Blader door transcripties » Stadsarchief Mechelen

archieftoegang 2, inventarisnummer 950, pagina 82

de selve
voer tvierde ende tvyfste vyfstedeelen vanden huyse hier naer
bescreven, hebben vercocht heer Janne Dierinck priester tot
Broeke
behoef van Adriaen vanden Bossche diemen heet Musch, Een
huys metten gronde etcetera dat tanderen tyden den Wytvoet
te heeten plach ende dat nu de Mermyne geheeten is, gelegen
opte Vischmarct van Mechelen tusschen de capelle van
Sinte Martens aen deen zyde ende thuys duerendale geheeten
toehoerende den voerscreven Adriaen aen dander zyde. A Domino Mechliniensi, Waranderende.
op tzestich ende Turnoyse ende twee pond thien scellingen
payments dair jaerlix vutgaende
Assigna
III Juny tempore simile
Peter Vrancx
Dyest, Hulst. Jan van Ost heeft Terve gegeven, Peteren Vrancx
Gielis Vrancx soon, Twee huysen metten hoven plaetsen achterhuyse
gronde etcetera gelegen deen neven dandere opte Tiechelrie, tusschen
Lodewycx van Heffene erve aen deen zyde ende der wedue
ende kynderen erve van wylen Jorys Lichaloet, aen dander zyde
A Beato Rumoldo, Te besittene, op eenen jairliken ende erffeliken
chys van Seven gouden Rynsgulden Te wetene veertich groten
Vlaems gelts voir elken van dien gerekent, Te betalene altyt
tot Sinte Jansmisse, dair af den jersten termyn van betalingen
syn sal van Sinte Jansmisse naestcomende over een jair dair
naer volgende, Ende opten voirchys vanden th weerden
van thien scellinge sesse penninge groten Brabants gelts ende
twaelff gouden Rynsgulden vanden voirscreven pryse vuten
voirscreven twee huysen metten voirscreven hueren toebehoirten jaerlix gaende
Assignavit
VI Juny tempore simile
Marten de Pape heeft vercocht Henricken Mathys
hoeymakere tot synen behoef als tot synder tocht ende oic tot behoef
van Janne, Henricken, Kathelinen, Lysbetten, Margrieten ende
Annen Mathys synen kynderen als tot haerer erffelicheyt
tderdedeel dat de voirgenoemde Marten hadde ende hem byder doot van
wylen Kathelinen de Pape, synder moeyen gebleven ende verstorven
inde helft van Eenen huyse metten hove gronde etcetera gelegen in
Onser Vrouwenstrate tusschen Jans van Haeght erve aen deen
zyde ende Jans Loorts ende Rommond Loorts er syns soons erve aen
dander zyde. A Domino Mechliniensi, Waranderende. Opte weerde van Seven scellingen
ende acht penningen grooten Brabants gelts vuten voerscreven
geheelen huyse metten hove jaerlix gaende
Assignavit II Rinsgulden
Item
Jan vander Heyden
syn wyf
Beringen, Dyest. Katheline van Ezele wedue van wylen Janne vander
ende Heyden cum tutore als eene tochtenersse, Ende Katheline vander Heyden
haere dochter met Janne vanden Houte haeren man als erfgenaem
neven dander
de selve
de rente te doot ende
om tcontract te men
in dien by consent vanden
een jaer vanden Heye
opten XVen dach
der anno XVc ende aen
Aa
Pier
hebben vercocht Janne vander Heyden der voerscreven Kathelinen vander
Heyden brueder tot synen live ende oic tot behoef ende ten live van
Lysbetten van Eyghen synen wive ende tot des langhstlevenden live
van hen beyden, drie gouden Rynsguldenen, elken van dien tot
veertich grooten Vlaems gelts gerekent jaerliker lyfpensien
Te heffene altyt tot Sinte Jansmisse vutgenomen Sinte Jansmisse
naestcomende, Op ende aen de voerscreven tochtenerssen ende erfgenaem
de
zestedeel van Eenen huysen metten hove gronde etcetera gelegen deen
buyten de Coepoorte inde Rechtstrate tusschen Wouters van
Boxthuyn diemen heet Appelman erve, aen deen zyde ende Jan
Luycx erve aen dander zyde, Op sesse scellinge groote Brabants
gelts ende sesse pond thien scellinge payments vuten voerscreven
vier geheeten huysen metten hove jaerlix voir vutgaende
Ende op haerlieder zestedeel van eenen huys dat twee woeningen
syn metten hove gronde etcetera gelegen inde Jeudestrate tusschen
des voerscreven Jans vander Heyden erve aen deen zyde ende Jan
Pauwels erve aen dander zyde, Op drie scellinge ende neghen
penninge gelyker grooten Brabants vuten voerscreven geheelen huyse
metten hove jaerlix voer vutgaende. A Domino Mechliniensi, Waranderende met
alsulker condicien dat de voerscreven tochtenersse ende erfgenaem
zelen moegen lossen ende quiten altyt als hem dat gelieven sal
de voirgenoemde drie gouden Rynsguldenen der voerscreven lyfpensien
Te wetene elken van dien Rynsguldenen met elf geliker
guldenen eens ende met volder lyfpensien weert aen hebben de
voerscreven Jan vanden Houdest:t; Houte ende Katheline vander Heyden
syn wyf gelooft ende elck van hen besunder ende voer al der
voerscreven Kathelinen van Ezelender weduen vander betalingen
der voirgenoemde lyfpensien tegen den voerscreven Janne vander Heyden ende
synen wive, altyt scadeloos quyt te houden ende tontheffen
sonder eenich wederseggen
Xa
Xa
Henrick Claes
Rommonts o
Hulst, Vos. Jan Struyssens heeft vercocht Henricken Claes
cooperslagere, drie gouden Peters elken van dien tot sessendertich
grooten Vlaems gelts gerekent erffelix chys Te heffene altyt
opten sevenden dach van Junio Op ende aen des voergenoemde Jans
huys metten hove stallen schueren ende met eenen stuck
eussels daer aen liggende ende oic metten gronde etcetera houdende
te samen omtrent anderhalff buender gelegen tot Gheerdegheem
byde Boesbrugghe tusschen Gielis vander Gracht diemen heet
van Aelst erve aen deen zyde de rente aldaer aende tweede
zyde ende des Heeren strate aende derde zyde, op anderhalve veertele
Rogs twee capuynen twee scellinge Loevensst:t; twee chysgulden
ende vyff scellinge ende sesse penninge grooten Brabants gelts