Blader door transcripties » Stadsarchief Mechelen

archieftoegang 2, inventarisnummer 950, pagina 81

de selve
puerlic verthegen, willende dair toe ende consenterende, dat de
selve Marten ende syne nacomelingen he alsoe lange als
deselve sy leven zelen de voirscreven erffelike rente jaerlicx
opbeuren ende heffen zelen, Provitten, Waranderende etcetera met
Ende tot desen heeft Jacop Robbyns eender rentmeesteren
vander voirscreven stad van Mechelen behoudelic der selver stad dair
inne haeren rechte syn consent gegeven
XXIIII may tempore simile
ende syn wyf
Henrick Poirters
Kerman, Beringen, Henrick Poirters, ende Margriete van Dorne syn wyf
Seggende dat sy gheen wettige kynderen en hadden, ende hebben dair
om gewilt ende openbairlic voir ons geordineert, dat de langhstlevende
van hen beyden zoe lange die alsdan leven sal, paysselic ende vredelic
sal gebruyken, alle de haeffeliker goeden die sy nu ter tyt hebben
ende hier namaels oic hebben ende vercrigen zelen, Ende metten
selven haeffeliken goeden in synder noot moegen disponeren ende
ordineren, den wederseggen van yemande ende oic den rechten ende
coustumen dairaf ter contrarien onderhouden niet tegenstaende
Behoudelic dien, dat alle de voirgenoemde goeden, na des langhstlevende
doot vanden voirscreven Henricke ende Margrieten synen wive blivende
toecomen ende versterven zelen, haeren gerechten erffgenamen, dien die
goeden na den rechte vander voirscreven stad sculdich zelen syn toe te comene
ende te verstervene, oft den ghenen dien zy de selve goeden samentlic
met testamenten oft anderssins geven ende maken zelen, welke
ordinancie wy ende oic Steynemolen, Voesdonck, Dyest
Langhe, Hoeven, Hulst voir, Ende Consaert
onse medescepenen by crachte vanden statute tanderen tyden dair op
gemaect geconfirmeert ende geapprobeert hebben ende by onser ordinairder
macht confirmeren ende approberen, Alle argelist vutgescheyden
XX marty tempore simile
Jan de Roeve
met Jan Bach
Beringen, Hulst, Lysbeth Back, wettige dochter van Gheerd Back, cuert
haeren momboer
heeft vercocht Janne Verhoevere haer vierendeel van Een twee
bogaerden
huysen metten hoven gronde etcetera gelegen deen neven dandere
op Neckerspoele inde Beghinenstrate tusschen heer Jans van
Lanchem priesters erve aen dander zyde deen zyde ende Gielis
de Vos des jongen erve aen dander zyde streckende achterweerts
metten voirgenoemde bogaerde, tot inde Biese. A Domino Mechliniensi, Waranderende.
opten chys dair jaerlix vutgaende
Assignavit XXIIII Rinsgulden eens
XXa may
Peter Stocman
Pot Retro
Correkens heeft vercocht, Peteren Stocman, anderhalve veertele Rogs
Hulst, Consaert. Machiel Torrekens wettich soon van wylen Bouwen
goede etcetera Mechelscher maten erfpachts Te betalen ende te leveren
deselve
tot desselfs Peters huyse bynnen Mechelen altyt tot
Kersmisse, Op ende aen alle ende yegewelke, des voirscreven
Machiels erffeliken goeden metten gronde etcetera bynnen der
stad ende vryheit van Mechelen gelegen, die hem byder
vanden voirgenoemde wylen Bouwen synen vader toecomen gebleven
ende verstorven syn. A Domino Mechliniensi, Waranderende etcetera
Assignavit XX Peters eens
III Juny
Jan Witrycx ende
syn wyf
Steynemoelen, Dyest Henrick Dielkens wylen Jans soon, heeft Terve gegeven
Ante
Janne Witrycx ende Yueten Smet st:t; synen wive, Een huys metten
hove gronde etcetera gelegen inden Gulden Bodem, tusschen Jan
Kevens erve aen deen zyde ende Aerts van Morchoven erve
aen dander zyde. A Beato Rumoldo, Om dat erffelic te besittene
Op eenen erffeliken chys van Sesse scellinge groten Brabants
gelts, Ende die te betalene altyt tot Sinte Jansmisse vutgenomen
Sint Jansmisse nu naestcomende, Ende sonder eenigen last van
voirchyse dair vutgaende
Juny
II may tempore simile
Jan de Doeve
Katheline Haenwych met Janne de Doeve haeren
man, heeft vercocht Janne Marssys brueder ende Lysbetten sBorgers
sinen wive Seven scellinge ende sesse penninge groote Brabants
gelts erffelix chys Te heffene altyt opten vierden dach van
Junio op ende aen der voerscreven Kathelinen huys metten hove gronde etcetera
Jan de Doeve ende Katheline Haenwych syn wyf
hebben vercocht Janne Marssys bruedere ende Lysbetten sBorgers
een wive, Eenen scellinge ende sesse penninge groote Brabants
gelts erffelix chys Te heffene altyt opten vierden dach van
Junio op ende aen des voerscreven Jans ende de doene ende syns wyfs
huys metten hove gronde etcetera gelegen inde Cortte Nonnestrate
tusschen Augustyn Huyghs erve aen deen zyde ende Rommonds
Scellemans erve aen dander zyde. A Domino Mechliniensi, Waranderende. Op negen
scellinge gelyker grooten Brabants dair jaerlix voir vutgaende
Assignavit den XXVI denier
alias Musschen
Adriaen vanden Broeke
de
Beringen, Hulst. Jan de Groote wettich soon van wylen Philips de Grooten
doude voer een derde vyfstedeel, Jacop de Groete syn brueder voer dander
doude
vyfstedeel, Peter de Groote haerlieder brueder voer tderde vyfstedeel
de voirgenoemde Jan de Groote ende Aert de Groete van svaders wegen Jan
Schinckel diemen heet vanden Scryeke ende opten vander Biest
vander moeder wegen, als momboiren ende inden name van Janne
ende Peteren de Groete, den jongen, der voerscreven gebruederen de groete
brueden onder haeren jaeren te wesende die sy in hen vervingen