Blader door transcripties » Stadsarchief Mechelen

archieftoegang 2, inventarisnummer 950, pagina 83

De selve
daer jaerlix voir vutgaende, Ende op syn stuck lants metten gronde
houdende omtrent een halff buendere gelegen oic aldaer tusschen
der weduen ende kynderen erve van wylen Symon Huens aen
deen zyde, Kathelinen Premans erve aende tweede zyde ende
sHeeren strate aldaer aende derde zyde, op eenen pond sesthien
scellinge payments ende neghen moeken Rogs daer jaerlicx
voer vutgaende, met alsulker condicien A Domino Mechliniensi, Waranderende etcetera.
met alsulker condicien dat de voerscreven Jan Struyens sal moegen
lossen ende quiten altyt als hem dat gelieven sal, de voerscreven drie
gouden Peters des voerscreven chys ende elken Peter daeraf met
achtien geliker peters eens ende met vollen chyse
Assignavit den XI denier
XV Juny tempore simile
Claes de Vos heeft opgedragen syn tocht die hy hadde in
acht gouden Rynsguldenen elken van dien tot veertich grooten Vlaems
gelts gerekent erffelix chys Op een huys metten gronde etcetera, toehoerende
Janne Bogaerde wapenmakere, gelegen aenden Steenwech van Mechelen
vanden
vast aen tvleeschuys aldaer tusschen de groote doene vanden selven
Vleeschuyse aen deen zyde ende Jacopst:t; der weduen ende kynderen erve van
wylen Jacopen Wouters oic wapenmaker, aen dander zyde. A Domino Mechliniensi,
juravit tot behoef van Henricken de Vos synen sone dier ierst inne
geerft wardt, daer naer heeft de selve Henrick de Vos vercocht
den voirgenoemde Janne vanden Bogaerde, de voerscreven acht gouden Ryns
guldenen des voirgenoemde chys die hy hadde op desselfs Jans huys metten
gronde etcetera voirgenoemt waranderende etcetera
Assignavit XV denier
Katlyne Rutsaerts
Steynemolen, Diest, Anthoenis Francois ende Lysbeth Francois syn zuster met
Janne Bake scipman haeren man, hebben vercocht Kathelinen
Rutsaerts, Twaelff scellinge groote Brabants gelts erffelicx
chys, die sy hadden op der selver Kathelinen, Twee cleyne huysen
oft cameren metten hove ende met eenen cleynen weghenen
oic metten gronde etcetera gelegen deen neven dandre inde Corte Scepstrate
tusschen Godevaerts Aerts erve aen deen zyde ende der voerscreven Kathelinen
niet
ander erve aen dander zyde, streckende achterweerts metten voerscreven
cleynen weghe totten watere toe. A Domino Johanna vander Aa
Waranderende etcetera.
Assignavit den denier
XII Juny tempore simile
Katheline van Hamme, wettige dochter van wylen Janne
van Hamme met Claes Reyniers haeren man, heeft opgedragen
ende overgegeven in puerder aelmoessenen, tot behoef vander
infirmarien vanden crancken beghinen staende bynnen den beghynhove
van Mechelen de erffelike pachten ende chysen hier na bescreven
ierst drie veertelen Rogs goedest:t; goede ende custbaere Mechelscher
maten erffelix pachts die de voirgenoemde Katheline hadde op een huys
stuck lants houdende omtrent een vierendeel metten gronde etcetera toehoerende
Gielisen vanden Hove, gelegen tot Oudeghem, tusschen desselfs Gielis
ander erve aen deen zyde ende de strate aldaer aen dander zyde
Ende op een stuck lants metten gronde etcetera houdende omtrent een
half buendere toehoerende den goidshuyse van Bethanien, gelegen in
Hombekerbroeck, tusschen
Item drie veertelen Rogs der voerscreven maten ende pachts die sy
hadde op een huys metten hove ende eenen stuck lants daer
aen liggende ende oic metten gronde etcetera houdende omtrent een
halff buendere toehoerende Wouteren Tyelens, gelegen tot
Oudegheem, tusschen
Ende op een stuck
beempts metten gronde etcetera houdende omtrent een vierendeel
den selven Wouteren toehoerende gelegen aldaer tusschen des godshuys
van Lelyendale erve aen deen zyde ende eenen
aen dander zyde. Item twee chysguldenen ende drie pond payments
erffelix chys die sy hadde op een huys metten hove gronde etcetera
toehoerende Godevaert gelegen inde Vrouwenstrate
van Mechelen tusschen de Vestbergen van Mechelen aen deen
zyde ende der kynderen erve van wylen Janne Speelberch, aen
zyde
dander zyde, Een vyf pond payments ende eenen capuyn
erffelix chys die sy hadde op een huys metten gronde etcetera
toehoerende Joes Seels beckere gelegen buyten de Aedegheempoorten
tusschen Bouwens de vanden Wouwers erve aen deen zyde ende
aen dander zyde. A Domino Mechliniensi, Waranderende.
Andries int Lelyken als rentmeester ende tot behoef vander voerscreven
infirmarien waerder inne geerft, met alsulker condicien
dat de proviseurs vander voerscreven infirmarien altyt by tyden
wesene inden name vander selver infirmarien, sculdich ende
verbonden zelen syn alle jaere ten eeuwigen dagen, altyt
op Sinte Stevens dach voer de voerscreven Kathelinen van Hamme
ende haerer ouderen zyelen zalicheyt te doen geleverene
bynnen der capellen vander selve infirmarien, Een misse
van Requiem sonder eenich wederseggen
Ende Jan Wischaven
ende
prima et
Hulst, Vos. Lysbeth Wischaven wylen Jans dochter, met Floryse
van Dungnen haeren man, heeft vercocht brueder Janne
Wischaven haeren brueder Re priester Religieux inden
convente vanden Augustinen bynnen Mechelen tot synen live
ende oic tot behouff ende ten live van Janne Wischaven, des
selfs brueder Jans natuerlic soon, ende tot des langstlevende
live van hen beyden, vier gouden Peters te wetene sessendertich