Blader door transcripties » Stadsarchief Mechelen

archieftoegang 2, inventarisnummer 950, pagina 70

de selve
allen den haeffeliken goeden die der selver Lysbetten byder doot
vanden voirgenoemde wylen Janne Vleming, haeren vader ende der voerscreven
Magrieten jersten man doen hy leefde in eeniger manieren
gebleven ende verstorven moegen syn, Ende oic vander sommen
van vyftich gouden Rynsgulden elken van dien tot veertich
grooten Vlaems gelts gerekent, die voirgenoemde momboiren totter
voerscreven Lysbetten behoef vut zaken vanden afcoope den
voerscreven haeffeliker goeden vanden voirgenoemde Margrieten deen
weduen gehadt ende ontfangen hebben ende alle andere dies
quitancie behoeven
Ultima marcy tempore simile
Lysbeth Vlemings
Lange, Vos. Jan vander Stappen ende de voerscreven Margrieten
Wauts syn wyff, den den voerscreven momboiren, totter voirgenoemde
Lysbetten Vlemings behoef, vyftich gouden Rynsguldenen
vanden voerscreven pryse, Te betalene van Sinte Jansmisse naestcomende
over een jaer daer na volgen, Ende soe lange hebben de
selve Jan ende syn wyf gelooft ende elck van hen besunder
ende voer al, de voerscreven Lysbeth met hen bynnen haeren huyse
te houden ende haer eten drincken cleederen schoenen ende
al tgene des haeren leven noot syn sal, tamelic te geven
ende te adminsteren, sonder mindernisse vander voirgenoemde
scult, Ende daer voer hebben sy den voerscreven momboiren totter
selver Lysbetten behoef verbonden ende te pande geset
alle haer haeffelike goeden waer die bevonden zelen
worden die sy nu tertyt hebben ende hier namaels oic hebben
ende vercrigen zelen
ut supra
Peter Moens
Item. De voirgenoemde momboiren inden name vanden voerscreven
Lysbetten Vlemings, onder haere jaeren etcetera wesende die sy in
hen vervingen, hebben Terve gegeven Peteren Moens, Een
huys metten ende Beaters Vrancx synen wive, Een huys metten
hove gronde etcetera gelegen in Onser Vrouwenstrate tusschen
thuys de Drie Haringen geheeten, toehoerende Kathelinen
vanden Necke aen deen zyde ende thuys den Roeden Have geheeten
toehoerende Cristofflen Goes aen dander zyde. A Domino Johannes
vander Aa. Te besittene op eenen erffeliken chys van
vier gouden Rynsguldenen elken van dien tot veertich grooten
Vlaems gelts gerekent, Ende die te betalene altyt tot twee
terminen, Te wetene deen helft daer af tot Sinte Jansmisse
ende dander helft tot Kersmisse daeraf den jersten termyn van
betalingen syn sal tot Sinte Jansmisse naestcomende, Ende opten
voerchys van drie chysgulden ende eenen capuyn daer
jaerlix vutgaende
plach
Assigna
ut supra
Jan Mol
Hulst, Vos. Vrouwe Margriete van Heylaer wedue van wylen
heer Janne van Sinte Goericx Ridder met Peteren van vanden
van Barbier tot behoef van
haeren man heeft vercocht Janne Mol vier gouden Rynsguldenen
elken van dien tot veertich grooten Vlaems gelts gerekent erffelicx
chys Te heffene altyt opten jersten dach van April, op ende aen
der voerscreven Vrouwen, Margrieten stuck beempts den Roeden
Acker geheeten metten gronde etcetera houdende omtrent vier
buenderen, gelegen tot Hoeber buyten Sinte Kathelinen
poorte by Hoebergen, tusschen der selve vrouwen, Margrieten
beempden aen beyden zyden, Ende op alle dander der selver
Vrouwen Margrieten erffelike goeden metten gronde etcetera
bynnen etcetera gelegen die sy nu tertyt heeft ende hier
namaels oic hebben ende vercrigen sal. A Domino Mechliniensi, Waranderende etcetera.
met alsulker condicien dat de voirgenoemde vrouwe Margriete
sal moegen lossen ende quiten altyt als haer dat gelieven
sal, de voerscreven vier gouden Rynsgulden des voirgenoemde chys
ende elken Rynsgulden daeraf met sesthien gelyker
gulden eens ende met vollen chyse
Assignavit den XXVI denier
Prima april te
Peter Caluwaerts
doude
Item. Jan Breugelman heeft vercocht Peteren Caluwaert
Eenen gouden Rynsgulden, Te wetene veertich groten Vlaems gelts
voer dien gerekent erffelix chys Te heffene altyt opten jersten
dach van April, Op ende aen des voerscreven Jans huys metten hove
gronde etcetera gelegen inde Aedegheemstrate byde poorte aldaer
tusschen Gheertruyden Suybrucx erve aen deen zyde ende
Jacops vanden Brande erve aen dander zyde. A Domino Mechliniensi, Waranderende. Op twee
capuynen ende eenen chysgulden die de voerscreven Peter daer op jaerlicx
ende erffelic heeft ende heft, dair jaerlix voir vutgaende
Assignavit den XI
supra tempore simile
Gielis de Neve
Item. Margriete Heylens wedue wylen Jan Wysschavens
cum tutore heeft vercocht Terve gegeven Gielis de Neve oude schoemaker
Een huys metten hove gronde etcetera gelegen inden Stompaerts hoeck
in Sinte Jans prochie, tusschen de vesten vander voerscreven stad van Mechelen
aen deen zyde ende Jorys vander Strepe erve aen dander zyde. A Domino Mechliniensi,
Te besittene op eenen erffeliken chys van Twee gouden Ryns
guldenen elken van dien tot veertich grooten Vlaems gelts gerekent
Ende die te betalene altyt tot Sinte Jansmisse daeraf den jersten
termyn van betalingen syn sal tot Sinte Jansmisse naestcomende
Ende opten voerchys van driendertich scellinge payments daer
jaerlix vutgaende, met alsulker condicien dat de voergenoemde Margrietest:t;
Gielis sal moegen lossen ende quyten de voerscreven twee gouden Ryns
gulden des voirgenoemde chys tot twee malen, ende elken van dien
Rynsgulden met sesthien gelyker guldenen eens ende met vollen
chyse
Assignavit XVI Rinsgulden eens
Ut supra