Blader door transcripties » Stadsarchief Mechelen

archieftoegang 2, inventarisnummer 950, pagina 71

Septa Aprilis Anno LXXXVIII fuit Pascha
jongevrydt naer
der divisen recht
Meester Jan vander
Broeke ende syn wile
Voesdonck, Hulst. Joes de Witte ende Margriete van Vissenaken syn
wyff, woenende tot Sinte Jans inden Scrieck op groot loo
hebben gelooft ende elck van hen besunder ende voer als de
geven ende te betalen ende te leveren, Barblen de Leeuw
wettigen wive van Meester Janne vanden Broeke cum
oft den brengen des briefs, bynnen der stad van Mechelen
sesthien gouden Peters elken van dien tot sessendertich
grooten Vlaems gelts gerekent, ende sesthien ende een
halve veertelen Rogs goede ende custbare Mechelscher
maten, totten terminen hier na volgende Te wetene de
drie Peters ende drie veertelen Rogs daeraf tot Onser
Liever Vrouwen dage assumptio naestcomende. Item de
drie veertelenst:t; Peters ende drie veertelen Rogs daer
af tot Paesschen daer na volgende, Ende van voertaen
tot elken vanden voerscreven twee termynen, alsdan deen na
dander sonder middel vervolgende drie Peters ende drie
veertelen Rogs tot dier tyt toe dat de voirscreven Barble
de Leeuw, oft de voerscreven brenger van desen vanden voerscreven
sesthien Peters ende sesthien veertelen Rogs ende een halve
geheelic ende al betaelt sal wesen, sonder eenich
wederseggen
III aprilis tempore simile
Jan van Boechout
alias Prick
Hulst, Vos. Barble Ghoorys met Janne Symoens haeren man heeft
vercocht Janne van Boechout diemen heet Prick, Sesse scellinge
grote Brabants gelts erffelix chys die sy hadde ende haer inder
scheydingen ende deylingen tanderen tyden tusschen haer ende haer
bruederen ende zuster geseliet, aengescheyden ende aengedeylt syn
opten Pennepoel tusschen Jans van Colen erve, aen deen zyde ende
te hebbene op desselfs Jans van Boechout huys metten
hove schueren gronde etcetera gelegen buyten Sinte Kathelinenpoorte
erve aen dander zyde. A Domino Mechliniensi, Waranderende etcetera.
Aerts
Assignavit XV denier
XI aprilis tempore simile
de wedue wylen
Jan Byesselinck
Hulst, Vos. Katheline Bresselinck met Janne Van Orssagen haeren
Herman ende Urssele Bresselinck haer zuster hebben quytgesconden
los vry ende ledich Kathelinen vander Mere haerer moeder
weduen van wylen Janne Byesselinck van allen den haeffeliken
goeden die henlieden byder doot vanden selven wylen Janne
haeren vader ende der voerscreven weduen man doen hy leefde in
eeniger manieren gebleven ende verstorven moegen syn ende alle
andere dies quitancie behoeven
et locum procht Henrick vanden Dycke
ende priester proost
ut supra
Perta Aprilis anno XVII Sint Passche
de tafle van Sinte
Jans
Diest, Vos. Gregoris Stappaert heeft vercocht heer Kerstiaen Lyedekens
priester, als rentmeester ende tot behoef vander taflen des
Heylichs Gheests vander prochiekerken van Sinte Jans bynnen
Mechelen vier gouden Rynsguldenen elken van dien tot
veertich grooten Vlaems gelts gerekent erffelix chys Te heffene
altyt opten twaelfsten dach van April, op ende aen des
voirgenoemde Gregoris huys metten hove gronde etcetera gelegen tot
Heffene aende Plaetse tusschen desselfs Gregoris ander erve
aen deen zyde ende der kynderen erve van wylen Peteren vanden
Vekene aen dander zyde. Item op syn stuck eeussels metten
gronde etcetera houdende omtrent sesse hondt gelegen aldaer, tusschen
een stuck beempts de Panne geheeten toehoerende Janne van Beneden
ende synen medeplegeren aen deen zyde ende der curen ende fabriken
vander prochiekerken van Heffene, de erve aen dander zyde
Op vyff scellinge ende eenen penning Loevens vuten selven huyse
ende stuck eeussels jaerlix voer vutgaende, Ende op syn stuck
beempts metten gronde etcetera houdende omtrent een buender gelegen
aldaer inden Amerbeempt, tusschen den Oliverdyck aen deen
zyde ende Jans vander Hoeven ende synder medeplegeren erve aen
dander zyde, op elff pond payments daer jaerlix voer vutgaende
A Domino Mechliniensi, Waranderende etcetera met alsulker condicien dat de voirgenoemde Gregoris
sal moegen lossen ende quiten altyt als hem dat gelieven sal, de
voerscreven vier gouden Rynsgulden des voirgenoemde chys, ende elken van
dien Rynsgulden met sesthien geliker gulden eens ende niet
vollen chyse
Assignavit XII denier
XI aprilis tempore simile
Jan Boeyenhals
Diest, Vos. Margriete vander Heyden wedue van wylen Steven
sy vanden Dale, cum tutore heeft opgedragen haer tocht die sy hadde in
Een huys metten hove gronde etcetera gelegen inde Coestrate, tusschen
Jaspar Boeyenhals erve aen deen zyde ende der weduen ende kynderen
erve van wylen Janne de Coelenere aen dander zyde, A convente
de Lelyendale. Juravit tot behoef van Janne, Barblen ende Margrieten
vanden Dale haeren kynderen dier ierst inne geerft werden
dair naer hebben de selve Jan vanden Dale, Barble vanden Dale
syn zuster met Henricke Wabbels haeren man ende de voerscreven
Margriete haerlieder zuster cum tutore vercocht Janne Boeyenhals
tvoirgenoemde huys metten hove boven gescreven, Waranderende. Op twee
capuynen dair jaerlix vutgaende
Assignavit
XII aprilis
de wedue ende dochter
wylen Stevens
Dale
Item. De voirgenoemde Jan Boeyenhals heeft bewesen, der voerscreven
Margrieten der weduen als tot haer tocht ende der voirscreven
vander Barblen haer dochter als tot haer erffelicheyt negen gouden