Blader door transcripties » Stadsarchief Mechelen

archieftoegang 2, inventarisnummer 950, pagina 69

de tafle van Sinte
Jans ende djaergetyde
van wylen Janne Vleming
ende Kathelinen Viers zyns
wyfs
Vos, Gesaert. Jan Ruymelant, heeft vercocht heer Kerstiaen
Lyedekens priester ende Janne vander Hoeven, tot behoef vander
taflen des Heylichs Gheests vander prochiekerken van Sinte
e Jans bynnen Mechelen voir deen helft, ende oic tot
behoef vanden jaergetyden van wylen Jannes Vleming ende
van wylen Kathelinen Biers synen wive, die sy tanderen
tyden met haeren testamenten, gewilt ende geordineert hebben
alle jaere ten eeuwigen dagen, tot alsulken dagen als die
vallen, gedaen ende gecelebreert te wordene inder voirgenoemde
prochiekerken voer dander helft, Twee gouden Croenen
elken van dien tot achtenveertich grooten Vlaems gelts
gerekent, erffelix chys Te heffene altyt opten vierentwintichsten
dach van meerte op ende aen des voerscreven Jan Ruymelants huys
metten hove gronde etcetera gelegen om leden den Haverwerff
tusschen Joes Hannemans erve aen deen zyde ende Willemst:t;
Jan Vriends erve aen dander zyde. A Domino Mechliniensi, Waranderende. Op twintich
scellinge Loevens ende twee capuynen daer jaerlix voir
vutgaende
Assignavit XVI denier
XXVI marty
Joes Vrancx
Pot Retro suo loco
Steynemole, Hulst. Jan Waggels diemen heet de Zagher Jorys Consaert
ende Meester Peter van Cruybeke, als momboiren ende inde
name van Cornelisen, Agneeten, Lysbetten, Kathelinen ende Annen
Vrancx wettigen kynderen van Joes Vrancx ende van wylen Lysbetten
vander Heyden synen wive den meesten des van hen onder haeren
jaeren van discrecien wesende, die sy by bywesene ende volcomen consent
vander selver Agneeten in hen vervingen, hebben openbaerlic
voir ons bekent dat de selve Joes Vrancx henlieden goede ende
alle
rechtverdige rekeninge ende bewys gedaen heeft van alsulken
bewinde ende adminstracien, als hy hieder den overlydene vanden
voerscreven wylen Lysbetten synen wive, gehadt heeft van allen den
voerscreven synder kynderen ge haeffeliken ende erffeliken goeden, henlieden
byder doot vander selver wylen Lysbetten haer moeder gebleven
ende verstorven, ende van al tgene des de selve Joes vander
selver synder kynderen wegen, daeraf ontfangen ende vutgegeven
heeft tot desen dage toe, Ende daeraf ende vander sommen van
vierhondert gouden Rynsgulden elken van dien tot veertich
grooten Vlaems gelts gerekent, die de voerscreven Joes den voirgenoemde
Vrancx
Agneeten ende Lysbetten voer haer deel vanden voerscreven haeffeliken
goeden naer vutwysen vanden scepenen brieve van Mechelen daerop
gemaect sculdich was te gevene ende te betalene ende oic van
altgene dat de voerscreven momboiren vanden voerscreven kynderen wegen
den voerscreven Joesen vut zaken van dien in eeniger manieren sonder
de selve
moegen heysschen, hebben de voerscreven momboren inden name als
voer Quytgesconden los vry ende ledich, den selven
Joesen Vrancx ende alle andere dies quitancie behoeven
geheelic ende al
XXI may tempore simile
Herman diven ende
syn wyf
Voesdonck, Roebosch, Meester Jan de Ruyssche ende Alexander vander Elst
syn brueder vander moeder wegen, hebben vercocht Herman synen
ende Margrieten vander Eyken synen wive vyf gouden Peters vander
munten etcetera goede etcetera. Te wetene sessendertich grooten Vlaems gelts
voir elken van dien Peters gerekent jaerliker lyfpensien, die sy tot
haeren ende tot des langhstlevenden live van hen beyden hadden, op des
selfs Hermans ende syns wyfs huys metten hove gronde etcetera gelegen
int Stoefstraetken opte Voldershergracht tusschen deselve Heergracht
aen deen zyde ende Wouters tSermartens erve aen dander zyde. A monialibus
waren
XXI marcy tempore simile
Cornelie Dynen
Item. De voirgenoemde Herman ende syn wyf hebben bewesen Cornelien
Dyven desselfs Hermans zuster tot haeren live by bywesene wille
ende consente van Jan de Busscop vyf gouden Peters elken vander
voirgenoemde pryse jaerliker lyfpensien, Te heffene altyt tot Sinte
Jansmisse daer af den jersten termyn van betalingen syn sal totter
jersten Sinte Jansmisse die na des langhstlevende doot vanden voerscreven
Herman ende tot synen wive comen ende vallen sal, op ende aen haerlieden
huys metten hove gronde etcetera boven bescreven st:t; A monialibus, Waranderende. Opten
chys daer jaerlix voir vutgaende
ut supra
Margriete Wauts wedue van wylen Janne Vleminck
Beckere ende met Janne vander Stappen oic Beckere nu ter tyt haer
man, heeft opgedragen haer tocht die sy hadde in een huys metten
hove gronde etcetera gelegen in Onser Vrouwen strate tusschen thuys de
Drie Haringen geheeten toehoerende Kathelinen vanden Nacke aen
deen zyde ende thuys den Roeden Hane geheeten, toehoerende Cristofflen
aen dander zyde. A Domino Johanna vander Aa juravit tot
behoef van Lysbetten Vleminck haer dochter, totter welker
behoef de momboiren hier na bescreven ierst daer inne geerft
weerden
de weduwe wylen
Jan Vlemings
Lange, Vos. Willem Cokeroel, Willem van Haeght ende Jan
van Hylle doude, als momboiren ende inden name van Lysbetten
Vlemings wylen Jan Vlemings beckers dochter, onder haere
jaeren van discrecien wesende die sy in hen vervingen hebben quytgesconden
los vry ende ledich, Margrieten Wants weduen vanden voirgenoemde
wylen Janne Vleming ende der voerscreven Lysbetten moeder van