Blader door transcripties » Stadsarchief Mechelen

archieftoegang 2, inventarisnummer 950, pagina 57

Henrick van Erpe
ende syn wyf
Beringen, Hulst, Katheline Dekens met Steven van Beringen haeren man
heeft vercocht Henricken van Erpe ende Anthoninen van
Peteren synen wive, Eenen gouden Rynsgulden elken van dien tot
veertich grooten Vlaems gelts gerekent erffelix chys, die de
voerscreven Katheline hadde op desselfs Henrix ende syns wyfs drie
huysen oft woeningen metten hoven gronde etcetera gelegen deen
neven dander inden Heembeempt tusschen der infermarien
erve vanden armen beghinen buyten den beghynhove van deser
stad aen deen zyde ende der weduen ende kynderen erve van wylen Willem
Ymbrechts aen dander zyde. A Domino Mechliniensi, Waranderende etcetera
Assignavit den XVI denier
VII february
Jan van Duymont
Hulst, Govaert Jan Als wettich soon van wylen Janne Vos heeft by
bywesen ende volcomen consente van Janne st:t; de Heelt
commoingmeester van deser stad, Terve gegeven Janne van
Turnout schoemaker, Twee huysen metten hoven gronde etcetera
gelegen deen neven dander inde Kerchofstrate, tusschen der
weduen ende kynderen erve van wylen Janne Boydens aen deen
zyde ende Jans Croene erve aen dander zyde. A Domino Mechliniensi. Te besittene
op eenen erffeliken chys van Twee gouden Peters elken van
dien tot sessendertich grooten Vlaems gelts gerekent, Ende die
te betalene altyt tot Kersmisse, Ende opten vorchys van
vyfthien scellingen ende neghen penningen grooten Brabants
gelts dair jaerlix vutgaende
Assignavit X Peters eens
VI february
Henrick de Borgher
eenigen huyse Andries de Hantzittere heeft vercocht Henricken
de Borghere, Eenen hoff metten gronde etcetera gelegen inde
Gortterstrate, tusschen der weduen ende kynderen erve van
wylen Gielis de Hertoge aen deen zyde ende Jan Gheylen erve
aen dander zyde. A Domino Mechliniensi, Waranderende. Op seven scellinge Loevens dair
jaerlix vutgaende
Assignavit II gulden
VI february
Peter vanden beke
Item. Laureys van Pollaer, heeft vercocht Peteren van
Dyepenbeke, Een huys metten hove gronde etcetera gelegen inde
Aedeghemstrate byde Aedegheempoorte tusschen desselfs Peters
ander huys aen deen zyde ende Jan Mathys en huys aen dander
zyde. A Domino Mechliniensi, Waranderende. Op neghen pond twaelff scellingen
payments die jaerlix vutgaende
Assignavit XXXIX Rinsgulden
ut supra tempore simile
Augustyn Huens
Hulst, Vos. Augustyn Huens, heeft verreyct alle de erffelike
ende omberuerlike goeden metten gronde etcetera die bynnen der stad
ende vryheyt van Mechelen wylen ende gelegen die opten van
Nuwerde ende Margrieten van Ghele toe synen wive toe te behoeren
plagen, Ex debito
ut supra tempore simile
Andries Mylemans
Vos Coesaert Andries Mylemans, heeft verreyct Een huys
metten gronde etcetera dat Gielisen Ghoeten toe plach te hoerene
gelegen opte Ledicheyt aen Sinte Peters kerchof, tusschen der
selven kerchof aen deen zyde ende desselfs Andries ander erve
aen dander zyde
Ex censu
VI february
Vrouwe Sapien
Sanders
Diest, Lange. Jan Schoof, heeft bewesen vrouwen Sapiencien
Sanders nu ter tyt wettige geselline, heer Coenraerts Pot Ridders
synder moeder tot haeren live, hondert twintich gouden Rynsgulden
Te wetene veertich groten Vlaems gelts voir elken van dien
gerekent, jaerliker lyfpensien, Te heffene altyt tot twee terminen
Te wetene deen helft dairaf tot Sinte Jansmisse ende dander
helft tot Kersmisse, dairaff den jersten termyn van betalingen
syn sal tot Sinte Jansmisse naestcomende Op ende aen des voerscreven
Jan Schoofs, alle ende yegewelke haeffelike, erffelike ende onberuerlike
goeden hoedanich die syn metten gronde ende allen haeren
heeft
toebehoirten, die hy nu ter tyt ende hier namaels oic hebben
ende vercrigen sal. A Domino Mechliniensi, Waranderende etcetera. Met condicien, oft gebuerde, dat
de voerscreven vrouwe Sapienne storve ende aflivich werde voir eenich
vanden voerscreven twee de terminen, dat in dien gevalle noch van de
voerscreven lyftocht altyt betaelt worden sal naer advenant vanden
verschenen tyde
VII february tempore simile
de selve
Item. Claes Schoof, heeft bewesen, der voerscreven Vrouwen Sapiennen
synder moeder tot haeren live, hondert twintich gouden Rynsgulden
vanden voerscreven pryse jaerliker lyfpensien, Te heffene tot twee terminen
deen helft dairaf tot Sinte Jansmisse ende dander helft tot Kersmisse
dairaf den jersten termyn van betalingen syn sal tot Sint Jansmisse
naestcomende, Op ende aen des voerscreven Claes Schoofs, alle ende yegewelke
haeffelike erffelike ende omberuerlike goeden hoedanich die sy
metten gronde ende allen haeren toebehoirten, die hy nu ter tyt
heeft ende hier namaels oic hebben ende vercrigen sal. A Domino Mechliniensi,
Waranderende etcetera met condicien, ut supra
ut supra