Blader door transcripties » Stadsarchief Mechelen

archieftoegang 2, inventarisnummer 950, pagina 56

Anthonis vander Wyct
Kerman, Lange, de boven genoemde jouffrou Thorye van
Hofstaden metten voerscreven Jacop haeren man voir haer selven
ende oic inden name van jouffrou Kathelinen van Hofstaden
haer zuster absent wesene, die sy in haer verving approberende
ende Ratiffiende alsulke coop als Anthoenis vander Wyct
tanderen tyden gedaen heeft, tegen jouffrou Margrieten van
Hofstaden weduen van wylen Janne Kerman van eenen stuck
beempts omtrent vier buenderen houdende opte Dele by tgroot
Holm gelegen ende dair inne de selve Anthoenis byder selver
jouffrou Margrieten ge voir behoutet ende scepene van Mechelen
gheerft heeft gelooft voir haer haer hoir ende nacomelingen
den geleest
dat sy den selven Anthoenise noch syne nacomelingen ter causen
in rechte oft anderssins
vanden coope desselfs beempts nemmermeer ^ quellen noch molen
sal
een gel nae dat sy den selven coop ende goedinge dairaff
geschiet, tot eeuwigen dagen goet vast gestentich ende van
weerden houden zelen, sonder dair tegens te doene oft te
seggene, in eeniger manieren sonder argelist
prima february
Jouffrou Katlyne van
Hamme
Voesdonck, Hulst. Jan de Smet wettich soon van Henricken de Smet
heeft vercocht jouffrou Kathelinen van Hamme acht gouden
Rynsguldenen elken van dien tot veertich groten Vlaems gelts
gerekent erffelix chys die hy hadde op eenen vierendeel vanst:t;
Eenen huyse met ende aen Jans van Hamme des voorst:t;
eender voerscreven jouffrou Kathelinen brueders vierendeel van
Eenen huyse metten hove gronde etcetera gelegen inde Beghinenstrate
tusschen Jans van Duffle erve aen deen zyde ende Meester
Symoens vander Sluys erve aen dander zyde, streckende achterweerts
met eenen vutgange tot opte Mylane, tusschen des voerscreven Jans
van Duffle erve voerscreven aen deen zyde ende Meester Jans vander
straten erve aen dander zyde. Item op desselfs Jans van Hamme
vierendeel van Eenen huyse metten hove gronde etcetera gelegen
inde Begaertstrate aende Sluysbrugghe, tusschen de Mylane
aen deen zyde ende wylen der weduen ende kynderen erve van
wylen Symon van Rotselaer erve aen dander zyde, Ende voertaen
op alle dander desselfs Jans van Hamme haeffelike ende erffelike
goeden metten gronde etcetera bynnen etcetera wesende ende gelegen, die hy
heeft ende namaels hebben ende vercreven. A Domino Mechliniensi, Waranderende etcetera.
Assignavit den X denier
V february
de
de wedue wylen Jacop
tSermertens
Heringen, Hulst. Claes Broens heeft opgedragen ende overgegeven tot behoef
van Kathelinen van Eertborne weduen van wylen Jacoppen tSermartens
Een pond groote Brabants gelts erffelix chys die hy hadde op des
selver Kathelinen drie huysen metten hoven gronde etcetera gelegen deen
neven dander inde Keyserstrate byde Neckerspoelpoorte, tusschen
Lysbetten Bogaerts erve aen deen zyde ende Adriaens vanden Brande
erve aen dander zyde. A Domino Mechliniensis, Waranderende etcetera.
VII february
Willem van Blyenberge
Beringen, Hulst. De selve Katheline van Eertborne, cum tutore heeft vercocht
Willem van Blydenberghe, Een huys metten hove ende met
eenen cleynen huyse int eynde vanden selven hove staende byde
mueren vander stad ende oic metten gronde gelegen inde
voirgenoemde Keyserstrate byde Neckerspoelpoorte tusschen deselver
Kathelinen andere twee huysen aen beyden zyden. A Domino Mechliniensi, Waranderende.
op twaelf penninge Loevens den Hertoge van Bourgaen van
Brabant etcetera, seventhien scellinge ende sesse penninge Loevens
ende twee capuynen vuten voirgenoemde vercochten huyse metten
hove, Ende op vier gouden Rynsguldenen elken van dien tot
veertich grooten Vlaems gelts gerekent ende drie gouden Peters
elken van dien tot sessendertich gelike grooten Vlaems gerekent
die ter quitingen staen, Te wetene de voerscreven vier Rynsgulden
tegen Janne Mol ende de voerscreven drie Peters tegen Janne de Hooghe
ende elken van dien Rynsgulden ende Peters met sesthien geliker
gulden ende Peters eens ende met vollen chyse vuten selven
vercochten huyse metten hove ende vuter voirscreven Kathelinen
andere twee huysen voirgenoemde jaerlix gaende, welke vier Ryns
guldenen ende drie Peters heeft de voerscreven Willem van
Blydenberghe, gelooft te lossen ende te quiten tegen den voerscreven Janne
Mol ende Janne de Hooghe bynnen vier jaeren tyts nu naest
toecomende, sonder eenich wederseggen, met alsulker
condicien ende onderspreke, dat de schouwe staende aen deen
zyde vanden voerscreven vercochten huyse inde achterste mede cammere
buyten den Oessenderppen van dien huyse sal ten eeuwigen
dagen op dat de voerscreven coeper wille, aldaer bliven alsoe staende
Item dat oic de heymelicheyt staende ende gemeest synde aen
dander zyde vanden selven vercochten huyse achter deen vanden
voerscreven twee anderen huysen, opte plaetse van dien dienende opte
achterste hooghest:t; hooghen vanden selven huyse sal oic
in alsulken wesen ende state altyt daer bliven staende, sonder
wederseggen vanden besitteren vander voerscreven Kathelinen twee
anderen huysen voirscreven Ende dat de twee heymelicheyden staen
achter tvoergenoemde cleyn huys daeraf deen den voerscreven vercoeper
ende dander den besitter vanden eenen vanden voerscreven anderenst:t;
twee anderen huysen, toebehoeren zelen ende zelen altyt tusschen
hen beyden gemeyn syn ende bliven ende tot geliken coste ende lasten
gehouden ende gequyt worden, als behoeven sal sonder oic
eenich wederseggen
supra tempre simile
Claes Coens
Item. De selve Willem van Blydenberghe, heeft bewesen
Claes Coens, Een pond groote Brabants gelts erffelix chys Te
heffene altyt opten achtsten dach van meerte daeraf den jersten
termyn van betalingen syn sal opten achtsten dach van meerte nu
naestcomende op ende aen syn voirgenoemde huys metten hove gronde etcetera
boven bescreven Waranderende opten voirscreven chys dair jaerlix voir vutgaende
ut supra