Blader door transcripties » Stadsarchief Mechelen

archieftoegang 2, inventarisnummer 950, pagina 58

Jan van Bonrode
prima et quo loco
Dyest, Hulst. Henrick vanden Vekene wyntmen ende Cristine
vander Heyden syn wyf hebben gelooft ende elck van hen besunder
ende voir al, Te geven ende te betalen, Janne van Bonicrode
oft den brengen van des briels
ende Margrieten Stevens synen wive vut zaken vander
desselfs Jans synenst:t;
hueringen vander van ae vst:t; huyse die geheeten
ven de Grootbrugge van Mechelen gelegen
dwelck sy tegen den selven Jan twee ende synen wive tweest:t;
hem gehuert hebben twee jaeren tyt die inne gingen ende
begonsten tot Bamisse lestleden ende soe vertaen zelen
te sy
gedueren deselve twee jaerst:t; elcx jaers van dien altyt
tot Bamisse daeraf den jersten termyn van betalingen syn
sal tot Bamisse naestcomende, Eenendertich gouden Ryns
guldenen ende eenen halven elken van dien tot veertich grooten
Vlaems gerekent, Ende oic dat sy den selven Janne vanden Bode
ende Margrieten synen wive ende oic haerliedest:t; voirgenoemde huys
altyt scadeloos quyt houden ende tontheffen zelen van allen
alsulken Assien als sy der stad van Mechelen vut zaken
van allen den wiven, die sy zieder der tyt dat sy tvoirgenoemde
huys aenveerdt ende beseten hebben vutgecap ende vercocht
hebben sculdich ende tachter syn ende als sy oic der selver stad
duerende den tyde dat sy tselve huys besitten zelen sculdich
ende tachter worden zelen, sonder eenich wederseggen, om
welke gelooften alsoe volstentelic tonderhouden, Ende om der
meerder zekerheyt den voirgenoemde Janne van Bacrode ende sinenst:t;
wive daeraf te doene Soe hebben de voirgenoemde Henrick
vanden Vekene ende Cristine syn wyf den voerscreven Janne van
Bonrode tot sinen ende totter voirscreven Magrieten stekerst:t; syns
wyfs behoef daervoer verbonden ende te pande geset alle haere
haeffelike goeden waer die bevonden zelen worden ende oic alle haer
synen erffelike goeden metten gronde etcetera bynnen etcetera gelegen
die sy nu tertyt hebben ende hier namaels oic hebben ende
vercrigen zelen. A Domino Mechliniensi,
X may tempore simile
vander Beke
De kynderen Daneels
Hulst, Roebosch, Daneel vander Beke ende Katheline sBeckers syn wyf
hebben gewilt ende openbaerlic voer ons voer haeren vutersten
wille geordineert ende begeert dat alle haere kynderen
alsoe wel meyskens als knechtkens ende knechtkens als
meyskens die sy nu tertyt deen vanden anderen vercregen
hebben ende hier namaels deen vanden anderen oic vercrigen
zelen, Evengelyck ende in gelyken deele ende porcien
hebben aenveerden houden ende besitten zelen alle haere
haeffelike ende erffelike goeden waer die bynnen der
voerscreven stad ende vryheyt van Mechelen, gelegen syn ende
bevonden zelen worden die naer haerer beyder doot boven
haer wettige sculden costen van haeren vutvaerden ende boven
haer legaten ende makingen in eeniger manieren we bliven
ende overschieten zelen alle deselve haere kynderen in alle
de selve
huere voirgenoemde goeden huere gerechte ende eenighe erfgenamen
inder voerscreven manieren noemende ende instituerende der
wederseggen van des voirgenoemde Daneels voerkinderen ende oic
den rechten ende coustumen vander selver stad daeraf ter
contrarien onderhouden niet tegenstaende
Ut supra tempore simile
Lysbeth ende Marie
Heryoens
Vos, Roebosch, Henrick Boeyenhals heeft vercocht Bartelmeus Herioens
tot behoef ende ten liven van Lysbetten ende Marien Heryoens synen
kynderen ende tot des langhstlevende live van hen beyden, Te Eenen
gouden Rynsgulden Te wetene veertich grooten Vlaems gelts
voer dien gerekent jaerliker lyfpensien Te heffene altyt tot
te Onser Liever Vrouwen dage purificacio op ende aen des
voirgenoemde Henricx huys metten hove gronde etcetera den Scheyselberch
geheeten, gelegen buyten der Coepoorten in Sinte Jans prochie
tusschen der weduen der der weduen ende kynts erve van
wylen Augustyn Broers aen deen zyde ende Wouters
van Boxthuyn diemen heet Appelman erve aen dander zyde
A Domino Mechliniensi, Waranderende. Op twaelf pond payments ende drie gouden
Peters elken van dien tot sessendertich grooten Vlaems gelts
gerekent, erffelic ende drie gelike Peters lyfpensien staende ten
live van Marien vanden Woelputte daer jaerlix voir vutgaende
Dominus Btholomeeus levabit et inde disponet met alsulker
condicien dat de voirgenoemde Henrick sal moegen lossen ende quyten
den voerscreven gouden Rynsgulden de voirgenoemde lyfpensien altyt als
het hem dat gelieven sal met thien gelegen es ende
met volder lyfpensien
bruary tempore simile
Willem Wype
syn wyf
Item. Aert van Diest onse medescepen heeft vercocht
Willem Wyn ende jouffrou Margrieten vander Elst
synen wive Een huys metter plaetsen hove stalle gronde etcetera
by Sinte Kathelinen poorte
gelegen in Sinte Kathelinenstrate tusschen Aerts van
Wachteyke erve aen deen zyde ende Jans vanden Bossche
erve aen dander zyde streckende achterweerts metten
voerscreven plaetsen ende stallest:t; doer een poerte tot inde Scriverstrate
tusschen der weduen ende kynderen erve van wylen Janne
Steylaert, aen deen zyde ende des convents van Lelyendale
eenen boven den beghynhove van Mechelen, aen dander zyde
A Domino Mechliniensis, Waranderende. Op anderhalven chysgulden eenen ouden grooten
Turnoyse veerthien scellinge Loevens vier capuynen ende
sevenentwintich pond vyf scellinge payments daer jaerlicx
vutgaende
Assign
ut supra