Blader door transcripties » Stadsarchief Mechelen

archieftoegang 2, inventarisnummer 950, pagina 53

Jacop de Beckere ende
syn kynderen
Beringen, Langhe. Rommond de Beckere tot synst:t; behoef van Jacoppen
de Beckere synen vader als tot synder tocht ende oic tot sinen Jacop
Henricx Marien, Thoren, Kathelinen ende Dignen de Beckere
synder bruederen ende zusteren behoef ende oic tot behoef van Henricken
Denys ende Lysbetten Bellens wylen Anthoenis Bellens ende wylen
Magrieten de Beckere syns ierste wyfs kynderen als tot haer alder
erffelicheyt heeft verreyct, Een huys den Yngel geheeten dat
toe te hoeren plach, gelegen buyten der
Neckerspoelpoorten inde Rechtstrate opten hoeck vanden
Exensu
XXIII January
Jouffrou Katlyne Booms
ende Lysbeth Adelyen
Steynemoele, Voesdonck. Henrick vander Heyden Smoutslager, heeft vercocht
jouffrou Kathelinen Booms beghinen ende Lysbetten Adelen tot
haeren liven ende tot des langhstlevende live van hen beyden
Twee gouden Peters elken van dien tot sessendertich grooten
Vlaems gelts gerekent jaerliker lyfpensien, Te heffene altyt
deen helft tot Sinte Jansmisse ende dander helft tot Kersmisse
daeraf den jersten termyn van betalingen syn sal tot Sinte
Jansmisse naestcomende, Op ende aen des voerscreven Henricx de
huysen metten hove ende met eender smoutmoelen in
deen van dien drie huysen staende ende oic metten gronde etcetera
gelegen deen neven dander buyten Sinte Kathelinenpoorte
inde Rechtstrate, tusschen de Gemeynstrate aldaer aen deen
zijde ende Machiel vanden Broeke ende synder kynderen schuere aen
dander zyde, opt op vier scellinge Loevens, Seven pondt
thien scellinge payments eenen chysgulden vyff Ryns
Acht gouden Rynsguldenen ende eenen halven elken van dien tot
veertich grooten Vlaems gelts gerekent ende sesse scellinge
groote Brabants gelts daer jaerlix voir vutgaende, Ende
voertaen op alle dander syne haeffelike ende erffelike goeden
metten gronde etcetera bynnen etcetera wesende ende gelegen die hy
nu tertyt heeft ende hier namaels oic hebben ende vercrigen
sal. A Domino Mechliniensi, Waranderende etcetera. st:t; dicto Domina Katlynen levabit
XXIIII notary
brueder Jan Wischave
ende syn sone
Steynemoele, Voesdonck. Joes Mylemans Smet heeft vercocht Janne
van Orssagen tot behoef ende ten live van en bruederen Janne
Wysschaven priester Religieux inden goidshuyse vanden Augustinen
bynnen Mechelen ende van Janne Wischaven synen natuerliken
sone dien hy van Cristinen Mergaerts vercregen heeft
ende tot des langhstlevende live van hen beyden, drie gouden Ryns
guldenen elken van dien tot veertich groten Vlaems gelts gerekent
jaerliker lyfpensien, Te heffene altyt tot Onser Liever Vrouwen
de selve
dage Purificatio vutgenomen tot Onse Liever Vrouwen
dage Purificacio naestcomende, Op ende aen des voerscreven Joes
Mylemans huys metten hove gronde etcetera gelegen inde
Hanswycstrate tusschen Jan Stiblos diemen heet mant
erve aen deen zyde ende der taflen des Heylichs Gheests
erve vander prochiekerken van Onser Liever Vrouwen bynnen
Mechelen aen dander zyde. A Domino Mechliniensi, Waranderende. Op twaelff
oude grote Turnoyse twee capuynen ende acht gouden Ryns
guldenen ende eenen halven elken van dien tot veertich
groten Vlaems gelts gerekent dair jaerlix voir vutgaende
dictus et Johannes leverbit et inde disponet met
alsulker condicien dat de voirgenoemde Joes Mylemans sal
moegen lossen ende quyten de voirgenoemde drie gouden Ryns
guldenen der voerscreven lyfpensien naer de ierste vyf
toecomende jaeren ende niet eer ende alsdan altyt als hen
dat gelieven sal ende elken Rynsgulden daeraf met
thien geliker gulden eens ende met vollen chyse
XXII January
Retro
met Janne Pauwels haeren man
Lysbeth van Meerhout, cum tutorest:t; heeft Terve gegeven
Lucas van Beckevoert, Een huys dat twee woeningen syn
metten hove gronde etcetera gelegen inde Kerchofstrate tusschen
heer Jans Boventhuyn priesters erve aen deen zyde ende
Jan Bogaerts erve aen dander zyde. A Johannes de Muysene filis
quondam Johannes bastaerden. Te besittene op eenen erffeliker
chys van Twee gouden Rynsguldenen elken van dien tot
veertich grooten Vlaems gelts gerekent, Ende die te
betalene altyt tot Sinte Jansmisse daeraf den jersten
termyn van betalingen syn sal van Sint Jansmisse naestcomende
over een jaer daer navolgende, Ende opten voirchys van
sesthien scellingen payments, twee capuynen, seven scellinge
ende eenen penning Loevens, veerthien oude groten Turnoyse ende
twee scellinge ende sesse penninge groten Brabants gelts daer
jaerlix voir vutgaende, met alsulker condicien dat de
voirgenoemde Lucas al moegen lossen ende quyten de voirgenoemde twee gouden
Rynsgulden des voerscreven chys altyt als hem dat gelieven
sal met eenen halven Rynsgulden telken male ende elken
Rynsgulden daeraf met sesthien geliker gulden eens ende
met vollen chyse
Assigna