Blader door transcripties » Stadsarchief Mechelen

archieftoegang 2, inventarisnummer 950, pagina 54

Jan Stevens
Beringe, Voesdonc, Wouter Versteveren, heeft vercocht Janne Stevens
Een huys metten hove ende met eenen anderen cleynen
huyse daer achterstaende ende oic metten gebruyke ende
toegange van ende tot eenen borreputte aldaer, gronde etcetera
gelegen inde Aedeghemstrate tusschen Willems vander
Schueren erve aen deen zyde ende Adriaens de Pottere
erve aen dander zyde. A Domino Mechliniensi, Waranderende. Op sessentwintich
scellinge payments ende Twee gouden Rynsguldenen
elken van dien tot veertich groten Vlaems gelts gerekent
daer jaerlix vutgaende
Assignavit XXVII Rinsgulden eens
XX January
Joes van Merende
wylen Gabriels dochter
Hoeven, Vos. Jouffrou Lysbeth Trappaen, metten Willem Colessone
haeren man, heeft opgedragen ende overgegeven tot behoef
van Joes van Merende, haer helft van drie veertelen
Rogs erffelix pachts die sy hadde op zekere erffelike
goeden metten gronde etcetera oft buyten de Oeverster poorte
opt Barblegemervelt gelegen, den heer Capittele van
Sinte Rommonds kercken toehoerende van welken erffeliken
pachte dander helft den selven Joesen toebehoirt ende, Waranderende etcetera
prima february
Gielis de Weend
Beringe, Voesdonck. Jorys de Weend schoemakere, heeft vercocht Claes de
Weend als momboir ende tot behoef van Gielis de Weend, wylen
Mathys de Weend soon, Eenen gouden Rynsgulden Te wetene
veertich grooten Vlaems gelts voir dien gerekent, erffelix chys
Te heffene altyt opten negenentwintichsten dach van selen
Januario, Op ende aen des voirgenoemde Jorys derdedeel van
Eenen huyse metten hove gronde etcetera gelegen inde Keyserstrate
tusschen Henrix vanden Broeke erve aen deen zyde ende Henricx
Gheerds erve aen dander zyde streckende achterweerts metten
de met eenen anderen huyse tot inde Vooghstrate tusschen
Claes de Dryvere erve aen deen zyde ende des voerscreven Henricx
Gheerds erve aen dander zyde. A Domino Mechliniensi, Waranderende. Op twaelf ponden
payments vuten voerscreven geheelen huyse met sinen toebehoerten
jaerlix voir vutgaende
Assignavit den XVI
XX January tempore simile
Rommond Wouters
Beringe, Voesdonck. Jacop de Peystere heeft vercocht Rommonden Woytiers
broeder, syn helft van eenen huyse metten hove gronde etcetera
gelegen inde Jansstrate, tusschen desselfs Rommond Woytiers
erve aen deen zyde ende der weduen ende kynderen erve van wylen
Janne van Loeven aen dander zyde van welken huyse metten
hove dander helft den Margrieten de Peystere des voerscreven Jacops
de Peystere zuster toebehoert. A Domino Mechliniensi, Waranderende. Op eenen scelling Loevens
ende ver gouden Rynsgulden elken van dien tot veertich grooten
Vlaems gelts gerekent vuten voerscreven geheelen huyse metten
de selve
hove, Ende op drie gelike Rynsguldenen vuter voirscreven
helft vanden selven huyse metten hove jaerlix gaende
Assignavit L Rinsgulden des
XX January
Wouter Versteven
Hoeven, Vos. Katheline van Werchtere met heere ercken
Zoetens haeren man, heeft Terve gegeven Wouteren
Versteveren wullenweve, Een huys metten hove gronde etcetera
gelegen op Neckerspoele inde Beghinenstrate tusschen
Margrieten vanden Rode erve, aen deen zyde ende Jacopst:t;
e der kynderen erve van wylen Jacoppen vander Hagen
aen dander zyde. A Domino Mechliniensi. Te besittene op eenen
erffeliken chys van vier gouden Peters elken van
dien tot sessendertich grooten Vlaems gelts gerekent
Ende die te betalene altyt opten jersten dach
van februario, Ende opten voirchys van vier scellingen
Loevens ende twaelf pond thien scellinge payments
daer jaerlix vutgaende, met alsulker condicien dat
de voirgenoemde Wouter sal moegen lossen ende quiten de voerscreven
vier
twee gouden Peters des voerscreven chys, altyt als hem
dat gelieven sal, met twee Peters telken male
ende elken van dien Peters met sesthien gelyker
Peters oems ende met vollen chyse
prima february tempore simile
Assignavit XVI Rinsgulden eens
Henrick de Duytsche
Beringe, Coesaert. Margriete Muyls wedue van wylen Roelant van
Rykenrode heeft openbairlic bekent ende geleden dat heer Henrick de
Duytsche van Antwerpen haer swager goede rechtveerdige rekeninge
bewys ende betalinge gedaen heeft van allen alsulken Regimente
ter hanteringe ende bewinde als hy vut crachte vander
macht, die sy hem tanderen tyden gegeven heeft hadde gehadt
heeft van haeren haeffeliken ende erffeliken goeden in diversen
parcheelen onder wederff vander stad ende Marck Goesscap van
Antwerpen gelegen, Ende heeft dairaf ende voirtaen van allen
moyenissen sommen van penningen ende anderen dingen, die sy hem
vut saken van dien soude moegen doen oft heysschen in eeniger
manieren, Quytgesconden los vry ende ledich, den selven Henrick
haeren swager ende alle andere dies quitancie behoeven geheelic
ende al
prima february