Blader door transcripties » Stadsarchief Mechelen

archieftoegang 2, inventarisnummer 950, pagina 52

de selve
Heylichs Gheests vander prochiekerken van Onser Liever
Vrouwen bynnen Mechelen haerlieder vierendeel van
negenthien scellingen grooten Brabants gelts erffelix chys
dat sy hadden op een huys metten gronde etcetera toehoerende
Joesen de Wilde, gelegen inde Lange Scipstrate tusschen wylen
Rommonds van Puersse erve aen deen zyde ende Wouter Moens
erve aen dander zyde van welken erffeliken chyse, dander
drie vierendeelen den selver taflen des Heylichs Gheests
toebehoeren. A Domino Mechliniensi, Waranderende etcetera.
Assignavit den XVI
XVIIIenuary
Jan vanden Venne
Steynemoelen, Dyest. Jacop ende Jan vanden Venne gebruederen hebben quytgesconden
los vry ende ledich, Janne vanden Venne weduere van wylen
Margrieten Eveloeghe, haeren vader van allen den haeffeliken
goeden die den voirgenoemde Jacoppen ende Janne vanden Venne, byder doot
vanden voerscreven wylen Margrieten haerer moeder ende des voirnoemde
Jans haers vaders wive doen sy leefde in eeniger manieren
gebleven ende verstorven moegen syn ende alle andere dies quitancie
behoeven, geheelenst:t;
ut supra
Lysbeth van Coelen
Cassatus est tus in
de Coens partien in
selve ende die te
Roelandt mach acht
anno XVI
Bost
Hulst, Roebosch, Symoen, Godevaert ende Henrick van Coelen hebben
gelooft ende elck van hen besunder ende voir al, Te geven ende
te betalen, Lysbetten van Coelen oft den brenger van desen twaelf
gouden Rynsgulden elken van dien tot veertich groten Vlaems
gelts gerekent, bynnen eenen jaer tyts naestcomende sonder eenich
wederseggen, Om welke gelooften alsoe tonderhoudene, ende
om der meerder zekerheyt der voerscreven Lysbetten daeraf te
doene, Soe hebben sy haer verbonden alle haere haeffelike
ende erffelike goeden metten gronde etcetera bynnen etcetera wesende
ende gelegen die syn tertyt hebben ende hier namaels
oic hebben ende vercrigen zelen
supra tempore simile
Lysbeth Coolbouts
Pot Retro suo
Locx
Lange, Vos. Cornelis Huens natuerlic soon van wylen Henricken
Huens, heeft quytgesconden los vry ende ledich Rommonden Roebosch
tot behoef van Lysbetten Coolputs synen wive ende des voerscreven Cornelis
moeder van allen den haeffeliken goeden die hem byden voirgenoemde wylen
Henricken synen vader tanderen tyden met synen testamente oft
anderssins gegeven gelaten ende gemaect syn, Ende oic van ae
allen alsulken twisten ende diestst:t; tweedachticheyden, als
de voerscreven Lysbeth ende Cornelis deen tegen dander, tot desen dage
toe gehadt hebben ende alle andere dies quitancie behoeven geheelic
ende al
XXVIII January
Aert Mathys
Dyest, Hulst. Jan Mathys wylen Aert Mathys soon, voir deen derdedeel
Ende Aelbrecht Vliege van svaders wegen Jan Kerssavont ende
Lambrecht van Puersse vander moeder wegen als momboiren ende
Mathys
inden name van Aert Mathys des voirgenoemde Jans soon, onder synen jaeren
wesende dien sy in hen vervingen voer dander twee derdedeelen
hebben bekent gehadt ende ontfangen te hebbene van
Aerde Mathys des voirgenoemde Jan Mathys brueder, de somme
van elff pond grooten Vlaems gelts vut zaken vanden coope
vanden eenen vyfstendeele van eenen huyse met synen toebehoerten inden
Vettersham aende Heymeysbrugge gelegen tusschen Gommaers
de Porttere erve aen deen zyde ende Magrieten Mathys erve
aen dander zyde, die de voirgenoemde Aert tegen den voerscreven Janne
Mathys synen brueder ende den voerscreven momboeren gedaen heeft
Ende van die sommen van elf ponden der voerscreven grooten
hebben de voerscreven Jan Mathys ende oic de voerscreven momboiren
inden name als voer quytgesconden los vry ende ledich
den voerscreven Aert ende alle andere dies quitancie behoeven
geheelic ende al
XXI Juny tempore simile
de wedue ende sone van
wylen Jan Meerman
Consaert Roebosch, Henrick Blieck, natuerlic soon vanden Henricken Bleeck
heeft vercocht Janne de Meyere huyvettere, tot behoef van in
Margrieten Willemalens weduen van wylen Janne Meerman
als tot haerer tocht ende oic tot behoef van Janne Meerman haer
ende desselfs wylen Jans soon, als tot synder erffelicheyt, Sesse
scellinge groote Brabants gelts erffelix chys Te heffene altyt
opten drientwintichsten dach van Januario Op ende aen des voerscreven
Henricx huys metten hove gronde etcetera gelegen inden Nyeuwen
Bruel tusschen der weduen ende kynderen erve van wylen Peteren
de Coninck aen deen zyde ende Gheerds de Wechtere den ouden ende
synder kynderen erve aen dander zyde. A Domino Mechliniensi, Waranderende. Opte weerde
van Achtien scellingen ende negen penningen der voerscreven groten Brabants
ende drie gouden Rynsgulden elken van dien tot veertich grooten
Vlaems gelts gerekent dair jaerlix voir vutgaende
Assignavit den XVI denier
XXIIII January
Willem Pauwels
Dyest, Hoeven. Willem Pauwels Rootverwere heeft verreyct Een huys
metter plaetsen hove gronde etcetera dat Janne van Eyke toe plach
te hoerene gelegen inde Aedeghemstrate tusschen Willems Snelle
erve aen deen zyde ende Jan Eggerds erve aen dander zyde. Ex censu
ut supra tempore simile
Andries Mylemans, heeft verreyct Een huys
metten gronde etcetera dat Gielis Ghoeten toe plach te hoerene, gelegen
opte Ledicheyt aen Sinte Peters kerchof tusschen den selven kerchof
aen deen zyde ende desselfs Andries erve aen dander zyde
Ex censu