Blader door transcripties » Stadsarchief Mechelen

archieftoegang 2, inventarisnummer 950, pagina 51

deselve
ende een vierlinc Loevens, tweenveertich pond payments
Een pond groote Brabants gelts ende drie gouden Ryns
guldenen elken van dien tot veertich grooten Vlaems
gelts gerekent daer jaerlix vutgaende
Assignavit XII gulden
XVI January
Laureys van Ranst
Steynemolen, Diest, Kathelyne ende Lysbeth van Laken diemen heet
Neefs wettige kynderen van wylen Symoen van Laken diemen
Heer Neefs cum tutore ende Jan van Laken diemen heet Neefs
der voerscreven Kathelinen ende Lysbetten brueder van haers voerscreven
vaders wegen ende Henrick van Laken diemen heet Neefs
van svaders wegen, Ende Jan ende Henrick Denys vander
voort gebruederen vander moeder wegen, als momboiren
ende inden name van Janne ende Symon van Laken diemen
heet Neefs der voerscreven Kathelinen ende Lysbetten bruederen
onder haere jaeren etcetera wesende die sy by haeren bynne ende
consente in hen vervingen, hebben vercocht Laureys van Ranst
Een huys metter schueren hove gronde ende allen anderen
synen toebehoerten, dwelck tanderen tyden ten hooghsten
ende meesten pryse ter de vierscharen van deser stad
vercocht is geweest gelegen buyten der Oeversterpoorten
by tVrybroeck tusschen des convents van Lelyendale erve
bynnen den beghynhove van Mechelen aen deen zyde ende der
taflen des Heylichs Gheests erve vander prochiekerken van
Neckerspoele aen dander zyde. A Domino Mechliniensi, Waranderende. Opte weerde van
twaelf scellingen groten Brabants gelts dair jaerlix vutgaende
Assignavit LX Peters V stuvers eens
X January tempore simile
Jan vander Hoeven
Steynemolen, Diest. Rommond ende Jan van Percke gebruederen hebben vercocht
Janne vander Hoeven, schoemaker, Een stuck lants metten gronde etcetera
gelegen buyten der Oeversterpoorten op Schoenjans velt tusschen
der kynderen erve van wylen Henricken de Pretere, aen deen zyde
ende der weduen van wylen Denys Sanders ende haerer dochter
erve aen dander zyde, Ende een stuck lants metten gronde etcetera
gelegen aldaer, tusschen der voerscreven weduen kynderen de Petere
erve aen deen zyde ende der weduen ende kynderen erve van wylen
Gielis de Hertoge aen dander zyde. A Domino Mechliniensi, Waranderende. Op eenen
capuyn ende seventhien scellinge Loevens dair jaerlix vutgaende
Assignavit X Peters
ut supra
Jan Maes
Item. De voirgenoemde Rommond ende Jan van Percke, hebben vercocht
Janne Maes tvierendeel van Eenen huyse metten hove gronde etcetera
gelegen buyten der Oeversterpoorten inde Rechtstrate tusschen
Jans vander Hoeven erve aen deen zyde ende Peters de Scermere
erve aen dander zyde. A Domino Mechliniensi, Waranderende. Op twaelf scellinge Loevens
vuten geheele
twee capuynen ende sevenentwintich scellinge Loevens da
huys jaerlix vutgaende
Assignavit XIII
supra tempore simile
de LX gebrueders
de Steynemolen heer Jan de Cuypere diemen heet van Dyegheem priester
heeft vercocht heer Peteren Persoons oic priester als proviseur ende
tot behoef vanden tzestich gebrueders inder kerken van Sinte
Rommond bynnen Mechelen, negenthien scellinge thien penningen
ende eenen helling groten Brabants gelts erffelix chys die de voirgenoemde
heer Jan hadde, Op een huys metten hove gronde etcetera, toehoerende
heer Machiel Eveloeghe oic priester gelegen inde Peperstrate
tusschen der voerscreven tzestich Gebrueders erve aen deen zyde ende
Henricx vander Poorten erve aen dander zyde. A Domino Mechliniensi, Waranderende etcetera.
XVI January
Rommond ende Henrick
Bernaerts
Hulst, Vos. Heer Jan van Diegeem priester tot behoef van Rommonden ende
Henricken Bernaerts wylen Henricx kynderen, heeft verreyct alle t recht
ende deel dat Rommonden Bernaerts wylen Pauwels Bernaerts soon, byder
doot vanden selven wylen Rommond Pauwelsen synen vader gebleven
ende verstorven is ende dat hem oic byder doot van Kathelinen sDekens
synder moeder bliven ende versterven sal, in alle de erffelike
ende onberuerlike goeden metten gronde etcetera bynnen der stad ende
Vryheyt van Mechelen gelegen
Ex censu
ut supra
Lysbeth vanden
Beke
Hulst, Vos. Jan de Weend tot behoef van Lysbetten vander Beke
synder moeder, heeft verreyct, Een stuck lants metten gronde
dat wylen Janne de Wale toe plach te hoeve ende dat nu Symoen de
Meyere toebehoert houdende omtrent een halff buender gelegen
buyten der Coepoerten tusschen Caputsteen aen deen zyde ende wylen
Jans Bruynleers erve aen dander zyde. Item Een huys metten
hove plaetsen gronde etcetera, dat den selven wylen Janne de Wale
oic toe plach te hoerene ende dat nu Henricken Lauwers toehoert
gelegen inden Heembeempt tusschen wylen Symoens de
Lathoudere erve aen deen zyde ende de Zwane aldaer, aen dander
zyde, Ende eenen hof metten grondest:t; met eender schueren dair op staende
ende oic metten gronde etcetera de oic den selven wylen Janne de Wale
toe plach te hoeren gelegen ende die nu toebehoert den selven
Symoen de Meyere houdende omtrent hondert ende twintich Roeden
gelegen buyten der voerscreven Coepoorten, by Sinter Claes Capellen
tusschen Peters Wittock erve aen deen zyde ende Jan Bellens
erve aen dander zyde. Ex vitali part
XV Juny
Vrouwen
de tafle van Onsen
Hoeven, Hulst. Lysbeth Boschmans wedue van wylen Peteren van
Coelen diemen heet inden Pollepel al cum tutore als eene bewesen
tochtenersse ende Lysbeth van Coelen haer dochter, by bywesen ende
volcomen consente van Jan Janne Sarens ende Gheerde van Coelen
haeren momboiren ende van Janne de Heelt commoingmeester van deser stad
als erfgenaem, hen hebben vercocht Janne Marchant ende Janne
weert werde, als priseurs ende tot behoef vander tafle de des