Blader door transcripties » Stadsarchief Mechelen

archieftoegang 2, inventarisnummer 950, pagina 37

de selve
byder doot van wylen Philips Steven ende Janne Belyanen haeren
oems gebleven ende verstorven is inde drie elfstedeelen vanden
selven huyse met synen toebehoerten waeren etcetera
Assigna
VII decembry
Ambrosius Lauwers
Hulst, Vos. Jan de Blare heeft vercocht R Ambrosius Lauwaerts
Een stuck lants metten gronde etcetera geheeten den Winkel
gelegen tot Battele, tusschen desselfs Ambrosius ander erve
aen deen zyde ende de Heerstrate aldaer aen dander zyde. A Domino Mechliniensi,
Waranderende. Op eenen ende eenen halven chysguldenen ende Seven
moeken Rogs ende een half dair jaerlix vutgaende
Assignavit XII Rinsgulden eens
X decembris
Jan vander Elst Lynenwever voer deen helft
ende Amelbergh vander Roven wedue van wylen Henricken
de Petere, cum tutore voir dander helft, hebben vercocht Gielis
vander Ronen, Een stuck bosch haerlieder helft die
Gielisen
sy hadden in Een stuck bosch den Kerremoertere metten
gronde etcetera houdende int geheel een vierendeel, daer af
dander helft den selven Gielisen toebehoert gelegen tot Heffene
aende Heyde aldaer tusschen de selve heyde aen deen zyde, des
staende byde
huys vanden Ziekenlieden erve aende tweede zyde ende des voirgenoemde
Gielis ander erve aende derde zyde. A Domino Mechliniensi, Waranderende. Opten chys
daer jaerlix vutgaende
Assignavit VI Peters eens
wylen
Jan des wettich soon van Janne als heeft by bywesen
ende volcomen consente van Janne de Heelt comoingmeester van
deser stad Terve gegeven Janne van Turnout schoemakere twee
huysen metten hoven gronde etcetera gelegen deen neven dandre inde
Kerchofstrate tusschen der weduen ende kynderen erve van wylen Jan Boydens
A Domino Mechliniensi,
aen deen zyde ende Jans Croene erve aen dander zyde. A Johannes de Muysene al
quondam Johannes de Muysene bastarde, Te besittene op eenen
erffeliken chys van twee Twee gouden Peters elken
van dien tot sessendertich grooten Vlaems gelts gerekent, Ende
die te betalene altyt tot Kersmisse vutgenomen Kersmisse
nu naestcomende, Ende opten vorchys van vyfthien scellingen
ende negen penningen grooten Brabants gelts dair jaerlicx
vutgaende
Assignavit II Peters eens
de momboeren Laureys
vanden Leemputte
Dyest, Hulst. Laureys vanden Leemputte wettich soon van wylen Janne
vanden Leemputte heeft by bywesene ende volcomen consente van
Janne de Heelt commoingmeester van deser stad openbaerlic
voere ons bekent dat Jan Weeldeken Lodewyck van Berlaer
Wouter vander Varent ende Gielis Verwilgiaerden, synen
momboiren, hem goede ende rechtveerdige rekeninge ende bewys
gedaen hebben van allen den haeffeliken ende erffeliken
goeden bynnen ende buyten der stad ende vryheyt van Mechelen
wesende ende gelegen, die hem byder doot vanden voirgenoemde
wylen Janne vanden Leemputte synen vader ende van
wylen Hubrechten vanden Leemputte synen brueder gebleven
ende verstorven syn ende van al tgene des sy van dien goeden
ontfangen ende vutgegeven hebben, Ende daeraf ende oic
van alle der moeyten quellingen ende heysschen, die de
voirgenoemde Laureys den voerscreven synen momboiren, daerom soude moegen
doen in eeniger manieren, heeft de selve Laureys Quytgesconden
los vry ende ledich den voirgenoemde Janne Lodewyck ende Wouteren
tot haeren ende tot des voergenoemde Gielis haers medemomboiren
behoef ende alle andere dies quitancie behoeven geheelic
ende al
Xa decembris
Gielis vander Roven
Peelberch
Steynemoelen, Vos. Amelberst:t; vander Roven wedue van wylen
Henricken de Pretere cum tutore, heeft opgedragen haer
tocht die sy hadde int vierendeel van Eenen stuck bosch
den Kerremoertere geheeten metten gronde etcetera houdende
int geheel een vierendeel, gelegen tot Heffene aende
Heyde aldaer tusschen deselve heyde aen deen zyde, des huys
vanden Zyeken lyeden erve staende by deser stad, aende
tweede zyde ende de voirgenoemde Gielis vander Roven erve
aende derde zyde. A Domino Mechliniensi. Juravit tot behoef van Janne ende
Annen de Petere haeren kynderen tot welke anne tot
haeren ende tot des voirgenoemde Jans haers brueders behoef
ierst daer inne geerft wardt, Ende daer naer heeft
deselve Anne de Petere cum tutore inden name van haer
selven ende oic inden name vanden voirgenoemde Janne de Pietere
haeren brueder, absent ende buyten lands wesende dien sy in haer
vervinghe voir tvoirgenoemde vierendeel ende Jan vander Elst
Lynenwever voer dander vierendeel vercocht den voirgenoemde
Gielisen vander R Ronen, haerlieder twee vierendeelen
vanden voirgenoemde stuck bosch metten gronde etcetera daeraf dander
twee vierendeelen den selven Gielisen toebehoeren, Waranderende opten
chys daer jaerlix vutgaende
Assignavit VI Peters eens
XIII decembry tempore simile