Blader door transcripties » Stadsarchief Mechelen

archieftoegang 2, inventarisnummer 950, pagina 36

ende anderen huysen daer by ende achterstaende ende oic metten gronde etcetera
gelegen over de Corenmarct inde Hooghstrate, tusschen thuys
den Bruynen Baert geheeten Janne Crabbe barbier toehoerende
aen deen zyde ende Jans vanden Venne Plattymakers erve aen
dander zyde streckende achterweerts met eender poorten tot
opten Gansdriesch ende met erve anderen huysen tot inde Penningstrate
A Domino Mechliniensi, Waranderende etcetera.
Daneel vander Beke
ende syn wyf
Dyest, Lange, Daneel vander Mose ende Jan Croene van svaders wegen
Jan van Beringen ende Jan van Yssche vander moeder wegen, als momboiren
ende inden name van Daneele ende Lysbetten vander Beke, Daneels vander Beke
wettige kynderen infra annos etc, die sy in hen vervingen, hebben
quytgesconden los vry ende ledich, den selven Daneele vander Beke den vader
ende Kathelinen sBeckers nu ter tyt synen wive van allen den haeffeliken
goeden, die den selven kynderen byder doot van wylen Margrieten van
Yssche haer moeder, die wyf was doen zy leefde desselfs Daneels
in eeniger manieren gebleven ende verstorven mogen syn, ende alle ander
dies quitancie behoeven, geheelic ende al
VII decembry tempore simile
vander Beke
Daneel ende Lysbeth
Item. De voirgenoemde Daneel vander Beke de vader, de den voergenoemde
momboeren, tot behoeff vanden voerscreven synen kynderen viventwintich Peters
Te wetene sessendertich groten Vlaems gelts voir elken der selver Peters
gerekent, Te betalene, soe wanneer de voirgenoemde kynderen gecomen
zelen syn tot haeren jaeren van discrecien, ad opte etcetera Ende hiervoer
heeft hy verbonden alle syne haeffelike goeden wiconque locorum presenta
voir
et futura, Ende heeft de selve Daneel de vader gelooft, dat hy de
selve syne kynderen bynnen synen huyse houden sal ende hem geven ende
verleenen eten drincken cleederen ende schoenen ende al tgene des hem
hen
noot wesen ende behoeven sal, tot dier tyt toe dat zy tot haeren
voerscreven jaeren van discrecien gecomen zelen syn ende den selven
doen hen lesen ende sceven ende ambachten hen orboirlic
oic deen deen
synde, sonder mindernissen vander voerscreven schult, ende sonder
eenich wederseggen, oft argelist
ut supra
Willem van Waes
Assignavit C Rynsgulden
Hulst, Vos. Jan vander Heyden wylen Peters sone Willenwevere
heeft Terve gegeven, Willeme van Waes, Een huys metten hove
gronde etcetera gelegen inde Zeelstrate in Sinte Kathelinen prochie tusschen
Jan Ryele erve aen deen zyde ende Margrieten Verlast erve aen
dander zyde. A Domino Mechliniensi. Te besittene, op eenen jaerliken chys van
Sesse gouden Rynsgulden elken van dien tot veertich groten Vlaems
gelts gerekent, Te heffene altyt tot Sint Jansmisse Baptisten, dair
af den jersten termyn van betalingen syn sal van Sint Jansmisse
Baptisten naestcomende over een jaer dair naer volgen, Ende opten
voerchys van vyfthien scellinge Loevens achtien scellinge Loevens
ende drie capuynen, dair vutgaende
XI decembris
Philips vander Bossche
Dyest, Hoeven. Katheline van Verhem wedue van wylen Anthoenis
Belyanen ende nu ter tyt wettich wyf van Herman Looman, met
eenen vremden momboir haer metten rechte verleent hebbende
om tgene te doen metten selven haeren momboir, dat hierna bescreven
staet vanden voerscreven Herman haeren man volcomen macht gelyc
ons dat by eender procuracien daerop gemaect ende bezegelt
metten zegel ten zaken der stad van Loeven claerlic bleeck
heeft opgedragen haer tocht die sy hadde inde helft van
Eenen gouden Rynsgulden Te wetene veertich grooten
Vlaems gelts voir dien gerekent erffelix chys op elfstedeel
van eenen huyse metten hove gronde etcetera Philips vander
Bossche toehoerende gelegen inde Milzestrate tusschen der
taflen des Heylichs Gheests erve vander prochiekerken van
Onser Liever Vrouwen bynnen Mechelen aen deen zyde ende
heer Willems sCosters priesters erve aen dander zyde streckende
achterweerts metten voerscreven hove tot inde Nyeuwestrate
A Domino Mechliniensi, Juravit tot behoef van Janne ende Magrieten Belyanen
haeren ende des voerscreven wylen Anthoenis Belyanen haers ierste
mans kynderen, dier inne geerft werden, daer naer hebben
de voirgenoemde Jan Belianen ende Margriete Belyanen syn
wille
zuster met Willem de Naen haeren man, by bywesenst:t; ende
volcomen
volcomen consente vander voerscreven Kathelinen van Berchem
haere moeder vercocht den voerscreven Philips vanden Bossche
den voirgenoemde gouden Rynsgulden des voerscreven chys die sy
hadden op tvoirgenoemde elfstedeel vanden voerscreven huyse metten hove
gronde etcetera ende alle trecht ende deel dat sy hadden ende hem