Blader door transcripties » Stadsarchief Mechelen

archieftoegang 2, inventarisnummer 950, pagina 38

Thomaes Belyen
Voesdonck, Hulst. Jan vanden Breyne ende Jan vander Heyden als proviseurs
ende inden name vander taflen des Heylichs Gheests vander prochie
kerken van Sinte Kathelinen bynnen Mechelen, hebben vercocht
Thomaes Belyen vyf chysguldenen ende drie ende eenen halven
grooten Brabants gelts erffelix chys die de voirgenoemde tafle des
Heylichs Gheests hadde op desselfs Thomaes huys metten
hove gronde etcetera tSweert geheeten gelegen inde Aedeghemstrate
opten hoeck vander Heydestraten tusschen deselve Heydestrate
aen deen zyde ende de Jans vander Straten erve, aen dander zyde
A Domino Petro de Herbeys milite, Waranderende etcetera
Assignavit den XVI
XIII decembry
int Paradys
Jan Ramont alias
Voesdonc, Hulst. Heer Jan de Bere priester proost des goidshuys van
Lelyendale inden name vanden selven goidshuyse, heeft Terve
gegeven Janne Ramont diemen heet Paradys, Een stuck
eussels met eender beken daer doer loepende ende oic metten
gronde etcetera houdende omtrent een buender luttel min oft meer
gelegen inde prochien van Hanswycke ende van Muysene
tusschen Jans vander Camen erve aen deen zyde ende jouffrou
Barblen Schoofs erve aen dander zyde. A Domino Mechliniensi. Te besittene op
eenen erffeliken chys van Sesse gouden Rynsguldenen elken
van dien tot veertich grooten Vlaems gelts gerekent, Ende
die te betalene altyt tot Kersmisse vutgenst:t; daeraf den
jersten termyn van betalingen syn sal tot Kersmisse nu
naestcomende, Ende opten voerchys sonder eenigen last
van voerchyse dair jaerlix vutgaende
XV decembry tempore simile
Peter vanden Bossche
Voesdonc, Hulst. Gielis vander Most heeft vercocht Peteren vander
Bossche van heeftst:t; wylen Willems vanden Bossche soon van Leest
Twee gouden Rynsguldenen elken van dien tot veertich grooten
Vlaems gelts gerekent erffelix chys Te heffene altyt tot
Kersmisse vutgenomen Kersmisse nu naestcomende Op ende
aen des de voirgenoemde Gielis huys metten hove schueren gronde etcetera
gelegen tot Leest inde Winckelstrate tusschen Peter Jans
vander Most erve aen deen zyde ende des voerscreven Peters vander
Bossche erve aen dander zyde, Ende op syn stuck blocx metten
gronde etcetera houdende een luttel meer dan een vierendeel, gelegen
aldaer achter voirgenoemdest:t;st:t; desselfs Peters
vanden Bossche erve aen beyde zyden. A Domino Mechliniensi, Waranderende. Op vier
scellinge Loevens dair jaerlix voir vutgaende, met alsulker
condicien dat de voirgenoemde Gielis sal moegen lossen ende quyten de voirgenoemde
twee gouden Rynsgulden des voerscreven chys naer ierste vier
toecomende jaeren ende niet een ende alsdan altyt als hem dat
De selve
gelieven sal ende elken van dien Rynsguldenen met sesthien
geliker gulden eens ende met vollen chyse
XV decembry
Jan van Ghele diemen heet Wynnicx wettich soon
van wylen Geest van Ghele
Willem de Cale
Stocman, Lange. Willem Guedens wettich soon van wylen Henricken
Guedens inden name van hem selven, Ende Bartelmeus
Herioens inden name van Anthoenisen, Lysbetten ende
Margrieten Guedens des voerscreven Willems brueder ende
zusteren, absent wesende die sy in hen vervinghe, hebbende de
selve Bartelmeus om tgene vanden voerscreven Anthoenis
Lysbetten ende Magrieten wegen te doen dat hier naer
bescreven staet van henlieden ende oic van Gheert aen
van Bernaerts
Aerts soon ende van Cornelisen voer de selver
Lysbetten ende Magrieten mannen ende momboiren volcomen
macht gelyc ons dat by eender procuracien daer
op gemaect ende bezegelt metten gemeynen zegel
vanden Scepenen inden hage claerlic bleeck, hebben
vercocht Willeme de Cale, tvierendeel ende alle
trecht dat de voirgenoemde kynderen Guedens hadden ende dat
hen byder doot van wylen Kathelinen Verlysbetten
haer moeyen gebleven ende verstorven is inde
drie vierendeelen van eenen huyse metten hove ende
eenen anderen huyse daer achter staende ende oic metten
gronde etcetera gelegen inde Blockstrate tusschen Martens
Hermans erve aen deen zyde ende Margrieten vander
Bruggen erve aen dander zyde. A Johannes de Muysene filio
quondam Johannes de Muysene bastarden, Waranderende. Op vyf
vuten voirscreven geheele huys
chysguldenen ende sesse pond payments daer jaerlix vutgaende
Assignavit XV Rinsgulden
XVa decembry
Lambrecht Bollaert
Vreeninge, Lye. Cornelis Boots ende Jan vanden Brande van svaders
wegen, ende Jan de Schepere vander moeder wegen, als
momboiren ende inden name van Cornelisen Janne ende Lysbetten
Boots wylen Mathys Boots diemen heet de Vettere kynderen
onder haer jaeren etcetera wesende die sy in hen vervingen hebben
Terve gegeven Lambrechten Bollaert, Een huys metten
hove schueren gronde etcetera ende allen anderen synen toebehoerten
dwelck niet lange geleden, ter vierscharen van dese
stad ten hooghsten ende meesten pryse vercocht