Blader door transcripties » Stadsarchief Mechelen

archieftoegang 2, inventarisnummer 950, pagina 30

de selve
zekerheit, den selven Reyner ende synen nacomelingen dair
af te doene, Soe heeft de voergenoemde Pauwels dair voir
verbonden ende te pande geset, alle syne haeffelike ende
erffelike goeden metten gronde etcetera bynnen etcetera wesende ende
gelegen
de ende
XV novembris
van Nuffle
de wedue wylen Wout
Hulst, Desaert. Barble sLeeuws wettich wyf van Meester Jan
vanden Broeke cum tutore alien inden name van haer selven
ende oic inden name vanden selven Meester Janne haeren man
te selve vander
dien sy in haer verving hebbende om tgene te doen dat hier
naer bescreven metten selven haeren momboir vanden voerscreven
Meester Janne haeren man volcomen macht gelyc ons dat by
eender procuracien dair op gemaect ende bezegelt metten zegel
ten zaken vander voerscreven stad, claerlic bleeck, heeft bewesen
Margrieten vander Hoeven wedue van wylen Wouters van
Nuffle tot haeren live, Sesse gouden Peters, Te wetene sessendertich
groten Vlaems gelts voir elken van dien gerekent jaerliker lyfpensien
vierden
Te heffene opten vyfthienden dach van octobry Op ende aen des
syns wyf
voirgenoemde Meester Jans ende haer acht gouden Rynsgulden jaerlicx
ende erffelix chys, die sy hebben, Op tvoirgenoemde huys boven gescreven
A Domino Mechliniensi, Waranderende etcetera
ut supra tempore simile
Altyt gebrechts
Item. De selve Barble sLeeuws met haeren voerscreven man vierenden
momboir inden name ende manieren als boven, heeft Terve
gegeven Alyt Yngelbrechts, Een huys metten hove gronde etcetera
gelegen inde Beckernye tusschen Ymbrechts de Roevere erve aen
deen zyde ende Kathelinen van Berthem erve aen dander zyde
A Domino Mechliniensi. Te besittene op eenen erffeliken chys van vyff scellingen
grooten Brabants gelts, Ende die te betalene altyt tot twee terminen
Te wetene deen helft daeraf opten jersten dach van meye
ende dander helft opten jersten dach van Novembry, Ende sonder
eenigen last van voirchyse dair jaerlix vutgaende
Assignavit VI Rinsgulden eens
ut supra tempore simile
Jacop Bake
Hulst, Geester Jan Perssoon scipman heeft vercocht Jacopen Bake
oic scepman, de helft van thien scellingen grooten Brabants gelts
erffelix chys die hy hadde op een huys metten hove gronde etcetera
toehoerende der weduen ende kynderen van wylen Janne van
Wildere aen deen zydest:t;, gelegen opte Tyechelrie tusschen heer Jans
van Halle priesters erve aen deen zyde ende der voerscreven weduen ende
kynderen van Wildere ander erve aen dander zyde. A Johannes de Muysene
sal goeden hen laste, Waranderende etcetera
Assignavit
Xanovembry
Jan Luycx
Hulst, Coesaert. Jan vander Voort diemen heet van Mokenborch, heeft
Terve gegeven Janne Luycx een huys metten hove gronde etcetera
gelegen buyten der Coepoerten in Sinte Jans prochie, opten
Scheyselberch ende opten hoeck vander Oelslagersstraten tusschen
deselve Oelslagersstrate aen deen zyde ende der weduen ende kynderen
erve van wylen Janne vander Heyden, aen dander zyde. A Domino Mechliniensi,
Te besittene op eenen erffeliken chys van thien scellingen
ende drie penningen groten Brabants gelts, Ende die te betalene
altyt opten vyfthienden dach van Novembry, Ende opten
voerchys van thien scellingen geliker groten Brabants
de jaerlix vutgaende met alsulker condicien dat de voirgenoemde
Jan Luycx sal moegen lossen ende quyten altyt als hem dat
gelieven sal de voerscreven thien scellinge ende drie penninge grooten
des voirgenoemde chys tot twee malen ende elken scellinge ende penningen
daeraf met sesthien geliker scellingen ende penningen eens
ende met vollen chyse
Assignavit VIIIen
X novembris
Muysene syns wyfs
ende wylen Lysbetten van
Jan ende Margriete
Dyest, Hoeven. Jan van Muysene scepmakere ende Lysbeth Borremans syn
wyff, hebben vercocht Janne Jans tot behoef van Janne ende
Margrieten Jans synen kynderen de helft van Eenen stuck
lants metten gronde etcetera houdende int geheele een vierendeel
luttel min oft meer, daer af dander helft, Gielisen vanden
hove toebehoert, gelegen buyten der Aedegheempoorten opten
Boert tusschen der weduen ende kynderen erve van wylen Aerde
deen zyde ende Heeren strate aldaer aen dander zyde
van Pudegheem aen dander zyde A Domino Mechliniensi, Waranderende. Op twee
capuynen vuten voerscreven geheelen stuck lants jaerlix gaende
Assignavit XXX Peters
XVII novembris
Jorys vander Strepen
Beringen, Hulst. Aerdaen van Oyenbroeck heeft vercocht Jorys
vander Strepe apothecaris, eenen hoff metten gronde etcetera gelegen
inden Stompaerts hoeck, tusschen der weduen ende kynderen erve van
wylen Janne Wischavens aen deen zyde ende Jan Loekens ende Kathelinen
Penne erve aen dander zyde. A conventu de Lelyendale, Waranderende.
op twaelf pond twaelff scellinge payments, Seventhien
penninge ende eenen helling Loevens, een hynne ende sesse grooten
Brabants gelts dair jaerlix vutgaende
Assignavit XVI gulden eens
XVI septembris
Vrouwen
de tafle van Onsen
Beringen, Hulst. Jacop Buyten ende Jan Gielis als proviseurs ende inden
name vander taflen des Heylichs Gheests vander prochiekerken
van Hanswycke staende by deser stad, hebben om des meesters