Blader door transcripties » Stadsarchief Mechelen

archieftoegang 2, inventarisnummer 950, pagina 31

de selve
orboirs ende profyts wille vander selver taflen vercocht
Janne Merchant den ouden, Sesse gouden Rynsguldenenst:t;
elken van dien tot veertich grooten Vlaems gelts gerekent
erffelix chys Te heff als proviseur ende tot behoef vander taflen
des Heylichs Gheests vander prochiekerken van Onser Liever
Vrouwen inde selver stad, Sesse gouden Rynsguldenen elken
van dien tot veertich grooten Vlaems gelts gerekent erffelicx
chys Te heffene altijt tot Kersmisse vutgenomen Kersmisse
naestcomende, Op ende aen der voerscreven taflen des Heylichs Gheests
van Hanswycke, Twee huysen daeraf deen den Wyngaert geheeten
is metten gronde etcetera gelegen deen neven dander over de
Nuwenbrugghe opten hoeck vander Hanswycstraten tusschen
der selver taflen van Hanswycke ander erve aen deen zyde
ende Jans vander Beke buydeldragers ende synder medeplegeren
erve aen dander zyde. A Domino Johanna vander Aa, Waranderende. Op
twee chysguldenen twee scellinge Loevens twintich scellingen
payments ende eenendertich scellinge ende sesse penninge Loevens
dair jaerlix voir vutgaende met alsulker condicien dat de
proviseurs vander voerscreven taflen des Heylichs Gheests van
Hanswycke altyt by tyden wesende inden name vander selven
taflen sculdich zelen syn soe wanneer syn de voerscreven sesse Ryns
guldenen des voirgenoemde chys afquyten zelen, den voerscreven taflen
des Heylichs Gheests van Onser Vrouwen, op te rechtene ende
te restitueren alle de costen soest:t; van Assen van haeren brieve
ende vanden heer, die sy int coepen ende veerthien van dien
chyse gehadt ende gedaen sal hebben, sonder eenich wederseggen
Assignavit den XXVI denier
XVI novembry tempore simile
divisen recht
ongevryt naerder
Jouffrou Johanne van
Aa
Hulst, Goesse. Andries Hollekens woende tot Puttest:t; ende
Cornelis de Witte woonende tot Putte, Ende Jan Peeters gels
Gielis zone woonende tot Barlaer hebben gelooft ende elck
van hen besunder ende voir al bynnen Mechelen te ghevene
ende te betalene, Claes de Greve als rentmeester ende tot
behoef van jouffrouwe Jehannen vander Aa weduwen
wylen Joncker Willems van Merode, oft den brengher des
briefs de somme van vier hondert ende negenentachtentich
Rynssche guldenen, te wetene viertich grooten Vlaems gelts
voir elken van dien gerekent totten terminen hier naer
volgende Te wetene deen vierendeel daeraf tot Sinte
deselve
Mertens misse naestcomende. Item dander vierendeel daeraf
tot Kersmisse daer naer volgende. Item tderde vierendeel dach
af tot Sinte Mertensmisse daer naer volgende ende tvierde
vierendeel tot Kersmisse daer naer sonder middel volgen
sonder eenich wederseggen, de voirgenoemde Andries ende Jan
Peeters priseert alia indenen haere etcetera
XVI novembris
Henrick vanden Dyck
ende syn wyf van
Mennens
Hulst, Coesaert Jan vanden Eynde van svaders wegen Anthoenis Reyns
ende Peter Mennens vander moeder wegen, als momboeren ende inden
name van Janne, Kathelinen ende Margrieten de Costere, wylen
Henricx de Coestere kynderen, die hy van Kathelinen Mennens synen wive
vercregen heeft infra annos etcetera die sy in hen vervingen, hebben
quytgesconden los vry ende ledich, Henricke vanden Dycke tot synen
ende de voergenoemde Kathelinen syns wyfs behoef van allen den haeffelikest:t;
behoef
goede moeder vanden selven kynderen van allen den haeffeliken goeden
die hen byder doot vanden voerscreven wylen Henricke de Coestere haeren
vader, die ierste man was doen hy leefde vander selve Kathelinen
haerer moeder in eeniger manieren gebleven ende verstorven mogen
syn ende alle andere dies quitancie behoeven, geheelic ende al
XVIIanovembris
Jan ende Magriete de
Coestere
Item. De voirgenoemde Henrick, dat den voerscreven momboeren tot behoef
vanden voerscreven Janne ende Margrieten de Corttere, Twee hondert gouden
Rynsgulden elken van dien tot veertich groten Vlaems gelts gerekent
Te betalene eenen yegeliken voir syn gedeelte ende porcien, soe wanneer hy
gecomen sal syn tot synen seventhien jaeren al extime etcetera, Ende hier
voir heeft hy verbonden alle syne haeffelike goeden wair die bevonden
zelen worden, die hy nu tertyt heeft ende hier namaels oic hebben ende
vercrigen sal
ut supra tempore simile
Katlyne de Coester
Item. De voergenoemde Jan vanden Eynde dat den voerscreven synen mede momboeren
tot behoef vander voerscreven Kathelinen de Coester, hondert gouden Rynsgulden
vanden voerscreven pryse, Te betalene, soe wanneer de selve Katheline gecomen
sal syn tot haeren seventhien jaeren aldere ende dair voir heeft
ve loco
hy verbonden alle syne haeffelike goeden, die hy nutertyt heeft ende hier
namaels oic hebben ende vercrigen sal
ut supra tempore simile