Blader door transcripties » Stadsarchief Mechelen

archieftoegang 2, inventarisnummer 950, pagina 25

Joerdaen de Lepelere alias
inden Ezel
Hoeven, Hulst. Jan Scheere wylen Lodewycx sone inden name van
hem selven ende oic inden name van Gommaer Schermer synen brueder
absent ende buyten lants wesende dien hy in hem verving, heeft
opgedragen tot behoef van Joerdaen de Lepelere diemen heet inden
wylen
Ezel Een huys metten hove gronde etcetera dat Anthoenis van Heffene
toe plach te hoeren, gelegen achter Onser Vrouwen kerchof, tusschen
Peter Gheerds erve aen deen zyde ende de strate aldair aen dander
gelycken alle der manieren
tvoerscreven huys metten hove
zyde, welck huys metten hove Claes Schermer, ^ tot behoef vanden
voerscreven Gommaer ende Janne tanderen tyden voir achterstelligen chys
die de selve Gommaer ende Jan dair op hebben wettelic vutgewonnen
ende verreyct heeft. A Domino Mechliniensi, Waranderende etcetera. Behoudelic den voerscreven Gommaer
ende Janne daer op haeren voerscreven chyse ende allen anderen die voir
ende na chys op hebben
XII septembris
cum tutore
Lysbeth Robs wedue wylen Rommond de Man, heeft
opgedragen haer tocht, die sy hadde in Een huys metten hove gebruyke
van eenen wege totten watere aldair ende oic metten gronde etcetera gelegen
inde Juedestrate tusschen wylen Henrick Smeets metsers erve aen
dander zyde deen zyde ende Jans vander Heyden erve aen dander zyde
A Mensa Petra tot behoef van Brueder Rommond de Man
priester haeren soon, dier ierst inne geerft was, dair naer hebben brueder
Henrick van Dyest oic priester ende de selve brueder Rommond de Man Clerck
de ordinen vanst:t; profes des goidshuys van Sinte Gregoris gelegen bynnen
der stad van sHertogenbossche inde huyse Hintemerstrate hebben
de selve bruederen Henrick ende Rommond om te doene tgene dat hier naer
volght vanden selven goidshuyse volcomen macht gelyc ons dat by
eender procuracien besegelt met desselfs convents gemeynen zegel
gebleken is bekent dat sy vercocht hebben Janne Pauwels
Wullenwevere ende Lysbetten Diericx synen wive tvoirgenoemde huys metten
hove etcetera boven gescreven, Waranderende. Op acht scellinge Loevens twee capuynen
ende vier pondt thien scellinge payments, dair vutgaende
Jan Pauwels ende syn
wyf
vervingen, Hulst, Lysbeth Robs wedue van wylen Rommond de Man, cum tutore
als een tochtenersse, bruederen Henrick van Diest ende Rommond de Man priesteren
professen des goet goidshuys van Sinte Gregoris gelegen bynnen der stad
van sHertogenbossche inde Hintemerstrate inde name vanden selven
goidshuyse, hebbende van dien om tgene te doene, dat hierna volgen
volcomen macht gelyc ons dat by eender procuracien besegelt met des
selfs goidshuys ze gemeynen zegel gebleken is als erfgenaem, hebben
terve gegeven Janne Pauwels Wullenwevere ende Lysbetten Diericx synen
wive, Een huys metten hove gebruyke van eenen wege totten water
toe aldair ende oic metten gronde etcetera gelegen inde Jeudestrate tusschen
de selve
wylen Henrick Smeets metsers erve aen deen zyde ende Jans vander
Heyden erve aen dander zyde, A Mensa Sinte Peter, Te besittene
op eenen erffeliken chys van anderhalven Peter, Te wetene
sessendertich groten Vlaems gelts voir den Peter gerekent Te
betalene altyt tot Sint Jansmisse, dairaf den jersten termyn van
betalingen tSint Jansmisse naestcomende, Ende opten voirchys van
acht scellinge Loevens twee capuynen ende vier pont thien scellinge
payments dair vutgaende, met condicien dat de voergenoemde Jan
Pauwels ende Lysbeth syn wyf zelen moeten lossen ende quyten
den voergenoemde anderhalven Peter des voerscreven chys in deser manieren, te
wetene van Sinte Jansmisse naestcomende over twee jaeren dair naer
voirscreven is
volgende eenen halven Peter, Item vanden voerscreven Sinte Jansmisse
de
bynnen twee jaeren dair naer te volgende eenen halven Peter
desselfs chys, Ende van Sint Jansmisse dair naer sonder middelasten
vervolgende eenen halven Peter desselfs chys ende elken penninge dair
af met sesthien geliker penningen ende met vollen chyse eens dair voir
te betalen
Assignavit VIII Peters
XVa septembris
Jan Vriends ende syn
wyf
Voesdonc, Vleming. Peter van Beringen heeft vercocht Janne Vriends wylen
ende Lysbetten vander Berct haeren live
Henricx sone brueder, Een stuck lants dair op tanderen tyden wyngaert
gestaen heeft met eender schueren ende duyfhuyse dair op staende ende
oic metten gronde etcetera houdende een luttel min dan een buender gelegen
buyten Sinte Kathelinen poirte by Hoebergen, tusschen des goidshuys
van Blydenberge erve aen deen zyde ende der infirmarien erve vanden
crancken beghinen aen dander zyden streckende achterwerts tot
Lodewycx van Heyst erve. A Domino Mechliniensi, Waranderende. Op twee chysgulden ende
eenen halven, ende oic op vyff Rynsgulden elken van dien tot
veertich groten Vlaems gelts gerekent, die ter quitingen staen tegen
Lauretten van Beringen des voerscreven Peters van Beringen dochter
ende elken gulden dairaff met sesthien geliker gulden ende met
vollen chyse dair jaerlix vutgaende
VIII octobry tempore simile
Assignavit XI gulden
Jacop Loot ende syn
wyf
Kerman Steynemoelen, Henrick vander Stappen ende Digne Willems
syn wyf woenende tot Blaersvelt, hebben gelooft ende elc van hen besundert
ende voir al ongevrydt na der divisen recht voir hen haer hoir ende
nacomelingen jaerlix ende erffelic bynnen Mechelen te gheven ende te
betalen, Jacop Loot ende Margrieten Polsvoets synen wive haeren hoir
ende erfgenamen, alsulke twintich scellinge groote Brabants gelts
jairliker ende erffeliker renten, als de selve Henrick vander Stappen ende
Digne syn wyf den selven Jacop Loot ende synen wive, tanderen