Blader door transcripties » Stadsarchief Mechelen

archieftoegang 2, inventarisnummer 950, pagina 24

Lysbeth Joes ende Katly
van Contyke
Hulst, Vos. Servaes Gheerincx, heeft vercocht Peteren van
Ghele, tot behouff ende ten live van Lysbetten Joes syns wyfs
ende oic tot behouff ende ten live van Kathelinen van Conticke wylenst:t;
Jacops dochter ende tot den lanxsten levenden live van hen
beyden, Twee gouden Peters vander munten etcetera te wetene, Sesse
dertich groten Vlaems gelts voir elken der selve Peters gekent
jaerliker lyfpensien, Te heffene altyt opten jersten dach van
septembry vutgenomen den jersten dach van septembry
naestcomende, Op ende aen des voirgenoemde Servaes drie huysen
metten hoven gronde etcetera gelegen deen neven dander inde
Begaertstrate tusschen Peters van Middeldonck erve aen
deen zyde ende tVoesdonckstraetken aen dander zyde. A Domino Mechliniensi,
Waranderende. Op negen ende eenen halven chysgulden ende vier
Peters vanden voirscreven pryse, dair voir vutgaende. Behoudest:t;
dat de voirgenoemde Peter van Ghele erve met condicien dat de
voirscreven Servaes sal mogen lossen ende quyten, als hem dat
gelieven sal, de voirscreven twee Peters lyftochten, tot eenen male ende
voir negentiene geliker Peters eens ende met volder lyfpensien
vander niet
soe behoudelic dat de selve Peter ende Lysbetten
syn wyf de voirscreven vyf twee Peters der voirscreven lyfpensien
soe lange zy ende de lanxlevende van hen beyden leven sal, heffene
ende ontfangen zelen ende dair mede mogen disponeren etcetera den
wederseggene vanden voirscreven Kathelinen van Conticke, oft van iemande
anders niet tegenstaende
XXaaugusti tempore simile
Rommond Breugelman
Berghe Steynemolen live van Buedeghem heeft opgedragen ende
overgegeven tot behoef van Rommonden Breugelman wylen Jans soon
anderhalven gouden Rynsguldenen, elken van dien tot veertich
grooten Vlaems gelts gerekent erffelix chys, die hy hadde op des
selfs Rommond twee huysen oft woeningen dLavoir geheeten metten
gronde etcetera gelegen aende Marct van Mechelen, tusschen der
weduen ende kynderen erve van wylen Peteren vanden Eeghere
aen deen zyde ende des voerscreven Rommonds ende synder brueders ende
zusters ander erve aen dander zyde, Ende voertaen op alle
desselfs Rommonds haeffelike ende andere erffelike goeden metten
gronde etcetera bynnen der stad ende vryheyt van Mechelen gelegen
die hy nu tertyt heeft ende hier namaels oic hebben ende vercrigen
sal. A Domino Mechliniensi, Waranderende etcetera.
XII septembris
Olivier van Buedegheem
Item. De voerscreven Rommond heeft vercocht den voerscreven
Olivier van Buedeghem, Twee gouden Rynsguldenen, elken
van dien tot veertich grooten Vlaems gelts gerekent erffelicx
chys Te heffene altyt tot Sinte Jansmisse Baptisten, Op
ende aen des voerscreven Rommonds derdedeel van drie huysen metten
gronde daeraf de twee dLavoer geheeten syn metten
gronde etcetera gelegen deen neven dander aende Marct van Mechelen
tusschen der weduen ende kynderen erve van wylen Peteren vanden
Eeghere aen deen zyde ende der weduen ende erfgenamen erve van
deselve
wylen Jaspar de Neve aen dander zyde, Op een twee
chysguldenen ende thien gouden Rynsguldenen vander
voerscreven pryse vuten voerscreven twee geheelen huysen dLavoir
geheeten, op drie vier gouden Peters elken van dien tot
sessendertich grooten Vlaems gelts gerekent vuter
voerscreven derden geheelen huyse, Ende op drie gelike Ryns
guldenen vut des voirscreven Rommonds derdedeel vanden voerscreven
Twee huysen de lange jaerlix voir vutgaende, Ende
voertaen op alle des voerscreven Rommonds haeffelike goeden
waer die bevonden zelen worden ende op oic op alle dander
syne erffelike goeden metten gronde etcetera bynnen etcetera
gelegen die hy nu tertyt heeft ende hiernamaels
oic hebben ende vercregen. A Domino Mechliniensi, Waranderende etcetera.
ut supra
Aelbrecht Vliege
Hulst, Vos. Goedele vander Mere wedue van wylen Janne
Vlyege cum tutore heeft Opgedragen haer tocht die sy hadde
in een huys metten hove gronde etcetera gelegen inde Cattestrate
in Sinte Jans prochie tusschen Gielis de Wettere erve aen deen
zyde ende Jan Haenwycx erve aen dander zyde. A Domino Mechliniensi, Jura etcetera
tot behoef van Henricken Aelbrechte Kathelinen ende Margrieten
Vlyege haeren kynderen ende oic tot behoef van Dignen ende Lysbetten
van Reseghem Cornelis van Resegheem kynderen dair moeder
af was wylen Lysbeth Verlyege der selver kynderen Vlyegen
zuster doen sy leefde, de voirgenoemde Aelbrecht Katheline endest:t;
Margriete Vlyege, Digne ende Lysbeth van Resegheem tot haeren
jaers broeder ende eens behoef
ende des voirgenoemde Henrix Vlyegge werden dair ierst inne geerft
Ende dair naer hebben de voirgenoemde Katheline Vlyege met
Willeme vanden Brande, Margriete Vlyege haer zuster met
Peteren Huyghs cramere, Digne van Resegheem met Claese
de Hoede haeren mannen ende momboiren, ende Lysbeth van Resegheem
cum tutore inden name van hen selven ende oic inden name vanden
haeren broeder ende oem
voerscreven Henricke Vlyege, absent ende buyten lants wesende, dien
sy in hen vervingen vercocht den voerscreven Aelbrecht Vliege oic
haeren brueder ende oem alle haer recht ende gedeelte dat sy
ende elc van hen hadden ende hen byder doot vanden voerscreven
ende goeyheere
wylen Janne Vlyege haeren vader toecomen ende verstorven es
t voirgenoemde huys metten hove gronde etcetera Waranderende etcetera
XXaaugusty