Blader door transcripties » Stadsarchief Mechelen

archieftoegang 2, inventarisnummer 950, pagina 26

de selve
tyden voir meyer ende scepenen van huysbroeck, op zekere haer erffelike
goeden aldair gelegen vercocht hebben, altyt tot Kersmisse dairaff
den jersten termyn van betalingen syn sal tot Kersmisse naestcomende
gelyc den brieff dair af gemaect, dat claerlic vutwyst ende begrepen
heeft, hebben voirtmeer de voerscreven Henrick ende Digne syn wyf insgelycx
gelooft ende eenyegelyck van hen voir al ende besundeert als voirnoemde
by alsoe in toecomenden tyde, bevonden werde, dat de erfgoeden ende
erfpanden, die den voerscreven Jacop Loot ende synen wive voir de voerscreven
twintich scellinge groten Brabants erffelic verbonden ende inden voerscreven
Scepenen brieff van Ruysbroeck begrepen syn, met goet genouch ende
waren, dat zy alsdan in dien gevalle den selven Jacoppen synen
wive die pande beteren ende goet genouch maken zelen voir de selve
erffelike rente, dair zy mede vast ende verwaert syn zelen, sonder
eenich wederseggen oft argelist
X octobry tempore simile
Wouter van Voesdonck
Hulst, van Machiel vanden Moirtere wylen Jans vanden Moirter
soon, heeft vercocht Wouteren van Voesdonck Rentmeester vander
stad van Mechelen, Twintich scellinge groten Brabants erffelix chys
Te heffene altyt opten vyfthienden dach van octobry Op ende
aen des voerscreven Machiels huys metten hove gronde etcetera gelegen
opte Wollemarct tusschen Gielis Vrancx erve aen deen zyde ende
Jan Wyts erve aen dander zyde streckende achterweerts metten voerscreven
hove totter Delen toe. A Domino Mechliniensi, Waranderende. Op vyff scellinge Lovens erffelicx
ende sesse gouden Rynsgulden, elken van dien tot veertich groten
Vlaems gelts gerekent lyftochten, dair jaerlix voir vutgaende
XII octobry tempore simile
Augustyn de
Monick
Dyest, Vos. Peter Huyghs spellemakere heeft vercocht Augustyn de
Monick den jongen, eenen gouden Rynsgulden te wetene veertich
groten Vlaems gelts voir dien gerekent erffelix chys Te heffene altyt
opten sesthienden dach van octobry Op ende aen des voerscreven Peters
twee huysen met eenen cleynen hove gronde etcetera gelegen deen neven
dander in een cleyn straetken streckende vander dekenyen tot Sinte
Kathelinen Kerchove, tusschen tselve kerchof aen deen zyde ende Henrick
Smeets erve aen dander zyde, Ende op syn huys metter plaetsen gronde etcetera
gelegen in Sinte Kathelinestrate tusschen Rommond Scillemans erve
aen deen zyde ende Jans van Rillaer erve aen dander zyde. A Domino Mechliniensi,
Waranderende. Opte weerde van Acht Rynsgulden vanden voerscreven pryse
voir
dair jaerlix vutgaende
Assignavit den XVI denier
octobry tempore simile
ende syn wyf
Henrick Bockelbosch
Dyest, Vleminc. Jan Colyns ende Barble tSerghysels syn wyf hebben vercocht
Henricken Koukelbosch ende Lysbetten sWeen synen wive, Een huys metten
hove gronde etcetera gelegen inde Zeelstrate in Sinte Kathelinen prochie
tusschen Jans de Roestere erve aen deen zyde ende der weduen ende kynderen
wylen Henrix vanden Dorpe hoff aen dander zyde streckende achterweerts
metten voerscreven hove, totter Heerge. A Domino Mechliniensi, Waranderende. Op vier chysgulden
dair vutgaende
Assignavit XXV Rinsgulden
XXVIII octobris
Tgodshuys van
Bethanien
Vleminc, Vos. Jan Barbier, heeft vercocht Diericken Loemans
als rentmeester ende tot behouff vanden goidshuyse van
Bethanien staende buyten den Wykete van deser stad vier
gouden Rynsgulden, elken van dien tot veertich groten Vlaems
gelts gerekent erffelix chys Te heffene altyt tot twee
termyne, Te weten deen helft dairaff opten jersten dach
van Meye ende dander helft opten jersten dach van Novembry
Op ende aen syn huys metten hove plaetsen gronde etcetera gelegen
inden Nyeuwen Bruel, tusschen heer Gielis Willems priestes
erve aen deen zyde ende der weduen ende kynderen erve van
wylen Wouteren Robbyns aen dander zyde. A Domino Mechliniensi, Warandere. Op
sestien pond payments ende neven chysgulden, dair jaerlicx
voir vutgaende
XX oct
Willem de Vos
Vleminc, Hulst. Cristoffel van Berlaer, heeft vercocht Willeme de
Vos van Heffene, Een stucxken lants metten gronde etcetera houdende een
houdt luttel meer oft min gelegen tot Heffene opten Coutere tusschen
Jans de Cale erve aen deen zyde ende de waterleyde aldair aen
dander zyde, streckende achterweerts metten Eynde tot aen desselfs
Willems de Vos andere. A Domino Mechliniensi, Waranderende sonder last van eenigen
chyse dair vutgaende
Assignavit erve
XXI octobris
Cornelie Henricx
Beringe, Vleming. Jan vanden Perre diemen heet van Eelwyt, heeft vercocht
ende Heylwyc vanden
Heven syn wyf
Cornelis Henricx, Een huys metten hove gronde etcetera geheeten de Clocke
gelegen inde Oversterest:t; overstestrate byde Corenmarct van Mechelen
tusschen des selfsst:t; selfs Jans vanden Perre erve aen deen zyde ende
Cristiaens van Relegeem erve aen dander zyde streckende achterwerts
tot wylen Jans van Oeyenbrugge st:t; Ostens van Oeyenbrugge
erve, ab Anthonio de Oeyenbrugge, Waranderende. Op drie chysgulden
ende eenen halven ende sessendertich scellinge payments daer vutgaende
Assignavit XVI Rinsgulden I stuvers
Ut supra