Blader door transcripties » Stadsarchief Mechelen

archieftoegang 2, inventarisnummer 950, pagina 224

De selve
weerde dair voir erffelix chys, als de voirgenoemde Anthoenis als
een tochtenere ende Jan ende Marie vanden Hove syne kynderen met Anthonis
Herregot der selver Marien man, als erfgenamen opten dach van
heden vercocht hebben, jouffrou Lysbetten Caluwaerts beghinen
Op vo haer voirgenoemde huys tPeerdeken geheeten met synen voirscreven
toebehoerten opte Veemarct gelegen, gelyc dat clairliker inde
scepenen brieve dair op voir ons gemaect blyct, Ende dat zy
dairaff, ende oic vander betalingen des voergenoemde erffelix chys, den
voirgenoemde Janne ende Marien vanden Hove, die als erfgenamen voirscreven
huys ter liefden ende ter beden van hueren voirscreven vader metten voirscreven
erffeliken chys belast hebben ende oic tselve haer huys altyt stad
quythouden ontheffen ende ontlasten zelen, Sonder eenich wederge
Om welke gelooften, alsoe tonderhoudene, Ende om der meerder
zekerheit, den voerscreven Janne ende Marien vanden Hove dairaf te
doene, Soe hebben de voirgenoemde Anthoenis ende Katheline syn wyf
henlieden dair voir verbonden ende te pande geset, alle haer haeffelike
goeden wair die bevonden zelen worden, Ende oic alle haer erffelike
goeden metten gronde etcetera bynnen etcetera gelegen, die zy nu tertyt hebben
ende hier namaels oic hebben ende vercrigen zelen
II decembry
Digne van Belle et
Voesdonc, Hulst. Rommond vanden Bossche wylen Bartelmeus sone heeft
vercocht Dignen van Belle, Willem Steylaerts wyf tot haeren liven
ende oic tot behoef ende ten live van Margrieten Steylaerts haer dochter
ende tot des langhstlevende live van hen beyden, Sesse veertelen Rogs
goede ende custbare Mechelscher maten op eenen groten Brabants, meester
jaerlix lyfpachte bynnen Mechelen tot haeren huyse
den besten, Te leven altyt tot Sinte Martensmisse dairaff den
jersten termyn van betalingen zyn sal tot Sinte Martensmisse naestcomende
Op ende aen des voerscreven Rommonts hoeve metten huysen stallen schueren
ende allen anderen haeren toebehe wynnende lande beempden gronde ende
allen anderen haeren toebehoerten, houdende int geheel omtrent neghentien
buender luttel min oft meer alsoe die hy diversen stucken tot
Hombeke gelegen is, Ende voirtaen op alle desselfs Rommonts
andere erffelike goeden metten gronde etcetera bynnen etcetera gelegen, die hy de
tertyt heeft ende hier namaels oic hebben ende vercrigen sal. A Domino Mechliniensi,
Waranderende. Opte weerde van vyf pond, Eenen scellinge thien penninge ende
eenen helling groten Brabants, dair voir vutgaende
Ut supra tempore simile
Peter van Steynemoelen
Borch, Zueten Reynere de Leeuw heeft vercocht Peteren van Steynemoelen
Terve gegeven
Een huys metten hove gronde etcetera gelegen inde Lange Scipstrate, tusschen
Jans vander Heyden erve aen deen zyde ende eenen hof, den selven Reyneren
toebehoerende aen dander zyde. A Domino Mechliniensi. Te besittene, Op eenen jaerliken ende
erffeliken chys van Eenen gouden Andries gulden, te wetene veertich groten
Vlaems gelts voir dien gerekent, Ende dien te betalen altyt tot Kersmisse
Ende op alsulken last dat tselve huys medepant es ende bliven sal, voir alsulken
chys te wetene van voer elf Rynsgulden ende drie scellinge groten Brabants
erffelic ende van twaelf scellingen der selver gon stuvers lyftochten staende
ten live van jouffrou Barblen vander Heyden beghinen jaerlix vut desselfs
Reyners anderen huyse dair tegen over gelegen, ende oic vuten voirscreven hont dat
alder naest gelegen gaende
Assignavit Plate
Ultima decembry
Jan Buyten et uxore
Assignavit VI Peters erffelicx den XXVI denier
Vos, Gheylinck Peter van Eyndove wylen Peters sone inden name
van Goedelen Maes synen wive absent wesende die hy in hem
verving, hebbende de selve Peter vanderst:t; vanden selven synen
wive volcomen macht om te doene tgene dat hier naer
volgt, gelyc ons dat by eender procuracien gebleken heeft
heeft vercocht Willem Luyten ende Dignen Moens synen wive
tvierendeel van eenen huyse metten gronde etcetera gelegen opten hoeck
vander derde Vleeschouwersstraten tusschen deselve aen deen
zijde ende der weduen ende kynderen erve van wylen Janne vanden
Eynde aen dander zyde, van welken huyse dander drie
vierendeelen den selven Willemen ende synen wive toebehoeren. A Domino Mechliniensi,
Waranderende. Opten chys dair vutgaende
X January tempore simile
Jan Ynden
Item. De voirgenoemde Willem ende Digne syn wyf die den voerscreven
Peteren van Eyndont, Tweendertich gouden Peters te wetene sessendertich
groten Vlaems gelts voir elken van dien gerekent Te betalene
tot Bamisse naestcomende, Ende daervoir hebben zy verbonden
ende te pande geset alle haer haeffelike ende erffelike goeden metten
gronde etcetera bynnen etcetera wesende ende gelegen, die zy nu tertyt hebben
ende hier namaels oic hebben ende vercrigen zelen, Ende sunderlinge
haer huys metten synen toebehoerten boven gescreven
ut supra tempre
libery Johannes vanden
in als Waltgheert
Vos, Gheylinck, Daneel, Anthoenis, Barble ende Lysbeth vanden Broeke Jans
by consent ende bywesene
vanden Broeke diemen heet Waltgheerts kynderen, hebben openbairlic ve
ons bekent, dat hen Denys vanden Broeke, Rommondt vanden Broeke ende Rommont
vanden selven haeren vader
vanden Ryele, haer momboeren goede ende rechtverdige rekeninge ende bewys
ende wylen Lodewyc van Heyst
gedaen hebben van allen den haeffeliken ende erffeliken goeden, bynnen ende
buyten der stad ende vryheit van Mechelen wesende overgelegen, die hem
byder doot van wylen Kathelinen van Eechoven haer moeder ende des
voirscreven Jans vanden Broeke wyf doen zy leefde, toecomen ende verstorven
zyn ende van al tgene dat zy van dien goeden ontfangen ende vutgegeven
hebben, Ende dairaf ende oic van alle der moeyten quellingen ende
heysschen, die zy den voirscreven haeren momboeren dair om in eeniger
manieren soude moegen doen, hebben de selve kynderen Quytgesconden los
vry ende ledich, den voerscreven Denys vanden Broeke ende Rommont vanden Rycke tot
hueren ende haeren voirscreven medemomboeren behoef ende alle andere dies quitancie
behoeven geheelic ende al
ut supra