Blader door transcripties » Stadsarchief Mechelen

archieftoegang 2, inventarisnummer 950, pagina 225

Jan ende Katlyne coeps
Vos, Gheylinck Jan van Hamme diemen heet Cools heeft vercocht Peters
Gheylen als momboer ende tot behoef van Janne ende Kathelinen Cop inde
coops kynderen, Twee gouden Peters elken van tot sessendertich groten
Vlaems gelts gerekent, erffelix chys Te heffene altyt tot Kersmisse
Op ende aen des voerscreven Jans huys metten groot hove gronde etcetera gelegen
inden Heembempt, tusschen wylen Jans van Beveren erve aen deen zyde
ende Peters de Hamere erve aen dander zyde. A Beato Rumoldo, Waranderende. Op
twee gouden Peters vanden voerscreven pryse daervoir vutgaende
XXI may
Sinte Jelyns gasthuys
Hulst, Stocman. Jan Hemelrycx als rentmeester ende tot behoef
van Sinte Jelyns gasthuyse heeft verreyct, Een huys dMoeleken
geheeten metten gronde etcetera dat toe tebehoeren plach wylen Jacoppen
de Beckere gelegen int Aegheemstrate opten hoeck vanden
Truystraetkene tusschen tselve aen deen zyde ende wylen Henricx de Byn
erve aen dander zyde
Ex censu
XI January tempore simile
Aert Wabbels
Lange, Hulst. Aert Wabbel heeft Opgedragen zyn tocht die hy
hadde in Een huys metten hove gronde etcetera gelegen tot Neckerspoele
inde Scheffortstrate opten hoeck vanden Wyngaertstraten, tusschen
de selve aen deen zyde ende wylen Jans vander Hoeven erve aen dander
zijde. A Domino Mechliniensi, Juravit tot behoef van Marien ende Margrieten Wabbels
synen kynderen dier ierst inne geerft waren, Ende dair na
hebben de selve Marie Wabbels met Marten Coeman ende Magriete
haer zuster met Janne Van Poyere haeren mannen ende momboeren van
den voerscreven Aerden Wabbels haeren vader tot synen ende tot Margriete
vanden Ghoere nu tertyt syns wyfs behoef tvoirgenoemde huys
met synen toebehoerten boven gescreven, Waranderende etcetera.
Assignavit VI Peters eens
XX January
Jan tSerbouwens
Item. Jan Cools ende Jan de Roye als proviseurs ende inden
name vander taflen des Heylichs Geests vander prochiekerken van
Neckerspoele hebben vercocht Janne tSerbouwens, Een huys
metten hove gronde etcetera gelegen tot Neckerspoele opten Plat
tusschen Peter tSermens erve aen deen zyde ende wylen Claes
de Beckere erve aen dander zyde. A Domino Mechliniensi, Waranderende. Opte
weerde van drie scellinge groten Brabants gelts daer vutgaende
Assignavit XVI Peters eens
ut supra
Verborch
Lange, Zuetens. Jan Verborch wedue van wylen jouffrou Marien
Stockels heeft Opgedragen zyn tocht die hy hadde inde helft van
Eenen huyse metten hove gronde etcetera gelegen over de Veemarct, ende
Keyserstrate, tusschen wylen Dierix van Beem erve aen deen zyde ende
Jans de Pagie diemen heet de Kemmere erve aen dander zyde. A Domino Mechliniensi,
Tucx tot behoef van Heylwych ende Lysbetten Sporkels gesusteren wylen
Gheerd Sporkels dochteren, dier ierst inne geerft werden, Ende
dair naer hebben de voirgenoemde Heylwych Sporkels cum tutore ende de voirgenoemde
Lysbeth haer zuster met Wouteren Boels diemen heet de ke Kempenere
haeren man, vercocht den voerscreven Janne Verborch, de voirgenoemde helft vanden
voerscreven huyse metten hove gronde etcetera, Waranderende. Op Sesse scellinge groten
Brabants gelts vuten voerscreven geheelen huyse jaerlix gaende ende voirtaen
hebben de voerscreven Heylwych ende Lysbeth haer zuster met haeren voirscreven man
Quytgesconden los vry ende ledich, den voirgenoemde Janne Verborch haeren
zwager van allen den haeffeliken goeden, die hen byder doot vanden
voerscreven wylen jouffrou Marien Sporkels haeren zuster, die wyf was
doen zy leefde desselfs Jans in eeniger manieren gebleven ende verstorven
zyn, ende alle andere dies quitancie behoeven geheelic ende al
Assignavit L Rinsgulden
X January
selve heer Jan Ruts
Peter ende Gheerd vanden
inde executeur
in wylen jouffrou
Marien Sporkele
Item. De voirgenoemde Heylwych Sporkels ende Lysbeth Spoekels haer zuster
metten voirgenoemde Wouteren haeren man, hebben openbairlic voir ons bekent ende
geleden, dat hem heer Jan Ruts priester de voerscreven Jan Verborch ende Gheerdt
vanden Eynde als executeurs vanden testamente ende vutersten wille vanden
voirscreven wylen jouffrou Marien Sporkens haer zuster goede ende rechtverdige
Rekeninge bewys ende betalinge gedaen hebben van allen den haeffeliker
ende erffeliken goeden, wair die gelegen zyn, die hen byder doot vanden
voirscreven wylen jouffrou Marien huer zuster, toecomen gebleven ende verstorven
zyn ende van al tgene des zy oft eenich van hen, dairaf ontfangen ende
vutgegeven moegen hebben, Ende a hebben daeraff, ende oic van allen moegen
huer moeyenissen quellingen sommen van penningen ende allen anderen dingen
die zy oft eenigen van hen vut zaken van dien, oft oic vanden Regimente
oft adminstracien vanden selven goeden die zy dairaff in eeniger manieren
gehadt moegen hebben, Quytgesconden los vry ende ledich, de selve
souden moegen doen oft heysschen
executeurs ende alle andere dies quitancie behoeven geheelic ende al
ut supra
recht Stoops
Pot Retro
prima february
Hulst, Stockman. Jan Cools ende Jan de Roye als proviseur ende inden Mane
vander taflen des Heylichs Geests vander prochiekerken van Neckerspoele voir deen
helft, Ende Lysbeth voet met Willem Herens haeren manst:t; ende Margriete
Voet haer zuster met Henricken Mathys haeren man voir dander helft, hebben vercocht
Hubrecht Stoops, Een huys metten hove gronde etcetera gelegen tot Neckerspoele inde
wylen Wyngaertstrate opten hoeck vander Oelslagersstraten, tusschen deselve
aen deen zyde ende Vranck Wabbels erve aen dander zyde. A Domino Mechliniensi, Waranderende. Op
eenen chysgulden ende vier groten Brabants erffelic ende de eenen Peter lyfpensien
dair vutgaende
Assignavit X Peters
XXIII february